مرکز کے منتظر ہیں، احتجاج کی کال پر ضرور نکلیں گے، پی ٹی آئی بلوچستان
اشاعت کی تاریخ: 17th, January 2025 GMT
کوئٹہ میں میڈیا سے گفتگو کرتے ہوئے پی ٹی آئی رہنماؤں نے کہا کہ پی ٹی آئی کے صوبائی دفتر میں ہمارا ایک اجلاس ہونا تھا، مگر پولیس کی بھاری نفری یہاں بھی پہنچ گئی۔ اگر میڈیا نہ ہوتی تر ہمیں گرفتار کیا جاتا۔ اسلام ٹائمز۔ پاکستان تحریک انصاف بلوچستان کے رہنماؤں نے کہا ہے کہ احتجاج کیلئے تیار اور مرکزی قیادت کی کال کے منتظر ہیں۔ بانی پی ٹی آئی کو ناحق سزا سنائی گئی، عدالت کا دروازہ کھٹکھائیں گے۔ تحریک انصاف بلوچستان کے صوبائی سیکرٹریٹ کوئٹہ میں پی ٹی آئی کے صوبائی رہنماؤں ایڈوکیٹ خورشید احمد کاکڑ، زین العابدین خلجی، ملک فیصل دہوار اور مہوش جنجوہ نے میڈیا سے گفتگو کرتے ہوئے کہا کہ آج ملک میں انصاف کا قتل عام کیا گیا ہے۔ بانی پی ٹی آئی اور بشریٰ بی بی کو جو سزا سنائی گئی، اس کی مذمت کرتے ہیں۔ القادر ٹرسٹ کیس میں بانی پی ٹی آئی کو 14 سالہ اور بشری بی بی کو 7 سال کی سزا سنائی گئی، حالانکہ القادر ٹرسٹ سے بانی پی ٹی آئی عمران خان کو کوئی ذاتی فائدہ نہیں پہنچا ہے۔ بانی پی ٹی آئی عمران خان اور بشریٰ بی بی کو نا حق سزا سنائی گئی۔
انہوں نے کہا کہ القادر ٹرسٹ کا تین دفعہ فیصلہ آیا اور تین دفعہ فیصلے کو محفوظ کیا گیا۔ بانی پی ٹی آئی عمران خان کو جو سزا سنائی گئی اسکے خلاف عدالت جائیں گے۔ انہوں نے کہا کہ پی ٹی آئی کے صوبائی دفتر میں ہمارا ایک اجلاس ہونا تھا، مگر پولیس کی بھاری نفری یہاں بھی پہنچ گئی۔ پولیس والے کہتے ہیں کہ بلوچستان میں دفعہ 144 نافذ ہے، آپ کوئی احتجاج نہیں کرسکتے ہیں۔ ہمیں کہا جا رہا ہے تحریک انصاف کے صوبائی دفتر کو بھی بند کر دیں۔ آج اگر ہمارے ساتھ میڈیا موجود نہ ہوتی، تو پولیس ہمیں بھی گرفتار کر لیتے اور ہم نہ حق جیلوں میں ہوتے۔ انہوں نے کہا کہ عطاء تارڑ پریس کانفرنس میں کہتے ہیں اسلامی کارڈ کھیلا جا رہا ہے۔ ہمیں مجبور نہ کیا جائے کہ کوئی قدم اٹھانے پر مجبور ہو جائے۔ ہم مرکز کی کال کے منتظر ہیں، اگر احتجاج کی کال دی تو ضرور احتجاج کریں گے۔ بانی پی ٹی آئی عمران خان کی رہائی کے لیے جدوجہد جاری رکھیں گے۔
ذریعہ: Islam Times
کلیدی لفظ: بانی پی ٹی آئی عمران خان کے صوبائی نے کہا کہ کی کال
پڑھیں:
ٹرمپ ٹیرف پر پریشان ضرور مگر جوابی اقدام کا ارادہ نہیں، وزیر خزانہ محمد اورنگزیب
اسلام آباد(نیوز ڈیسک)پاکستان نے واضح کیا ہے کہ وہ ٹرمپ انتظامیہ کی جانب سے عائد ٹیرف پر کسی بھی قسم کا جواب دینے کا ارادہ نہیں رکھتا۔
وزیرخزانہ محمد اورنگزیب نے برطانوی نشریاتی ادارے ’بی بی سی‘ کو دیے گئے ایک انٹرویو میں کہا کہ وہ نئی امریکی انتظامیہ کی جانب سے عائد کردہ ٹیرف پر پریشان ضرور ہیں۔
ان کا کہنا تھا کہ ’ہم سب کو سوچنا ہوگا کہ اس نیو ورلڈ آرڈر کے ساتھ کیسے آگے بڑھیں، اس معاملے پر ہمیں بات کرنے کی ضرورت ہے‘۔
خیال رہے گزشتہ ہفتے امریکی صدر ڈونلڈ ٹرمپ نے دنیا کے بیشتر ممالک پر نئے محصولات کے نفاذ کا اعلان کیا تھا، تاہم گزشتہ دنوں امریکا نے اضافی محصولات کے اطلاق کو 90 روز کے لیے روک دیا ہے۔
ابتدائی طور پر امریکا نے پاکستان پر بھی 29 فیصد محصولات عائد کرنے کا اعلان کیا تھا تاہم گزشتہ دنوں کے اعلان کے بعد یہ معاملہ 90 روز کے لیے رُک گیا ہے۔
محمد اورنگزیب نے ایک سوال کا جواب دیتے ہوئے کہا کہ ’اگر آپ کا سوال یہ ہے کہ کیا ہم اس کے بدلے میں امریکا کو کوئی جواب دینے جا رہے ہیں تو اس کا جواب نہیں میں ہے‘۔
جب ان سے پوچھا گیا کہ کیا انہیں لگتا ہے کہ امریکا اور چین کے درمیان رسہ کشی میں پاکستان کا نقصان ہو رہا ہے تو ان کا کہنا تھا کہ ’امریکا ایک طویل عرصے سے تجارت سمیت دیگر شعبہ جات میں پاکستان کا اسٹریٹجک پارٹنر ہے، چین سے تعلقات بھی ہمارے لیے اہم ہیں‘۔
مزیدپڑھیں:پی ایس ایل؛ پلئیر آف دی میچ بننے پر ‘ہیئر ڈرائر’ کا تحفہ
کے الیکٹرک کے واجبات 76 ارب روپے تک جا پہنچے، نیپرا سے اربوں روپے کی منظوری کی درخواست