امریکہ میں چائنا میڈیا گروپ کی ”اسپرنگ فیسٹیول گالا اوورچر“کی خصوصی تقریب کا انعقاد
اشاعت کی تاریخ: 17th, January 2025 GMT
امریکہ میں چائنا میڈیا گروپ کی ”اسپرنگ فیسٹیول گالا اوورچر“کی خصوصی تقریب کا انعقاد WhatsAppFacebookTwitter 0 17 January, 2025 سب نیوز
بیجنگ :امریکہ میں چائنا میڈیا گروپ کا “اسپرنگ فیسٹیول گالا اوورچر گلوبل واچ دی اسپرنگ فیسٹیول گالا” ایونٹ نیویارک میں منعقد ہوا۔
چائنا میڈیا گروپ کے صدر شن ہائی شیونگ نے تقریب سے ورچوئل خطاب کیا۔ امریکہ میں چین کے سفیر شے فنگ ، اقوام متحدہ میں چین کے مستقل مندوب فو چھونگ اور امریکہ چین تعلقات سے متعلق قومی کمیٹی کے چیئرمین اولینز نے تقریب میں شرکت کی اور تقاریر کیں۔ یونیسکو کے اسسٹنٹ ڈائریکٹر جنرل برائے ثقافت ارنسٹو اوٹون نے ویڈیو کے ذریعے چینی نئے سال کو عالمی ثقافتی ورثے کی فہرست میں شامل ہونے پر مبارکباد دی۔
نیویارک میں چین کے قونصل جنرل چھن لی، اقوام متحدہ میں ڈنمارک، یونان، پاکستان، مصر، متحدہ عرب امارات، نکاراگوا، کیوبا، مالدیپ سمیت دیگر ممالک کے سفیروں اور سفارت کاروں کے علاوہ زندگی کے مختلف شعبوں سے تعلق رکھنے والےتقریباً 200 مہمانوں نے تقریب میں شرکت کی۔ یوں “اسپرنگ فیسٹیول گالا اوورچر” کی بیرون ملک خصوصی سرگرمی کا آغاز ہوا۔
شن ہائی شیونگ نے کہا کہ اسپرنگ فیسٹیول چینی قوم کے سب سے اہم روایتی تہواروں میں سے ایک ہے۔ آج چینی نئے سال کو پوری دنیا تسلیم اور محبت کر رہی ہے اور دنیا کی آبادی کا تقریباً پانچواں حصہ جشن بہار مختلف شکلوں میں مناتا ہے۔ جشن بہار نہ صرف اقوام متحدہ کی تعطیل بن گیا ہے بلکہ اسے گزشتہ سال انسانیت کے غیرمادی ثقافتی ورثے کی فہرست میں بھی شامل کیا گیا۔ چائنا میڈیا گروپ اسپرنگ فیسٹیول گالاکا مسلسل 42 سالوں سے اہتمام کر رہا ہے۔ عالمی ثقافتی ورثے کی فہرست میں شامل ہونے کے بعد پہلے اسپرنگ فیسٹیول گالا کے طور پر ، اس سال کا اسپرنگ فیسٹیول گالا سی ایم جی کی 82 زبانوں میں پیش کیا جائےگا اور سی ایم جی”G+4K/8K+AI5″ کی سائنسی اور تکنیکی جدت طرازی کی کامیابیوں کو بروئے کار لاتے ہوئے ملکی اور غیرملکی ناظرین کے لئے ثقافتی عشائیہ پیش کرے گا۔
اطلاعات کے مطابق چائنامیڈیا گروپ کی “اسپرنگ فیسٹیول گالا اوورچر گلوبل واچ دی اسپرنگ فیسٹیول گالا” بیرون ملک خصوصی سرگرمیاں مستقبل قریب میں کینیا، اسپین، برازیل، آسٹریلیا، فرانس، روس، متحدہ عرب امارات اور دیگر ممالک میں منعقد کی جائیں گی۔
.ذریعہ: Daily Sub News
کلیدی لفظ: چائنا میڈیا گروپ امریکہ میں
پڑھیں:
امریکہ کی جانب سے محصولات کی نام نہاد “باہمی مساوات” دراصل معاشی جبر کی کارروائی ہے، چینی میڈیا
امریکہ کی جانب سے محصولات کی نام نہاد “باہمی مساوات” دراصل معاشی جبر کی کارروائی ہے، چینی میڈیا WhatsAppFacebookTwitter 0 12 April, 2025 سب نیوز
بیجنگ :چین نے امریکہ سے تمام درآمدات پر اضافی 125 فیصد ٹیرف عائد کر دیا ہے تاکہ امریکہ کی طرف سے چین پر عائد کردہ نام نہاد ” ریسیپروکل ٹیرف” کا جواب دیا جاسکے۔ اس کے ساتھ ہی، اشیاء کی تجارت پر ڈبلیو ٹی او کونسل کے پہلے سالانہ اجلاس میں، چین نے یہ واضح کیا کہ ڈبلیو ٹی او کے قوانین کے مطابق’’باہمی مساوات ‘‘کا مطلب یہ ہے کہ تجارتی فریق ایک دوسرے کو ترجیحی سلوک اور سہولت فراہم کرتے ہیں، اور بالآخر حقوق اور ذمہ داریوں کا مجموعی توازن حاصل کرتے ہیں. تاہم، امریکہ کی نام نہاد “باہمی مساوات ” درحقیقت تنگ نظری، یکطرفہ پسندی، خود غرضی اور معاشی جبر کا عمل ہے۔
ڈبلیو ٹی او کا “باہمی مساوات ” کا اصول ہر رکن کی اقتصادی ترقی کی سطح میں اختلافات کو مدنظر رکھتے ہوئے حقوق اور ذمہ داریوں کا مجموعی توازن پیدا کرتا ہے۔ امریکہ نے ڈبلیو ٹی او کے ارکان کے درمیان ترجیحی سلوک کو ” مساوی تعداد ” میں غلط انداز میں پیش کیا اور ” مساوی محصولات” عائد کیے ہیں، جو بالکل اس تصور کا ایک غیر مساوی اور غیر معقول اظہار ہے اور اس سے ترقی پذیر ممالک کو ان کے ترقی کے حق سے محروم کردیا گیا ہے۔ جہاں تک امریکی فریق کے اس دعوے کا تعلق ہے کہ محصولات ’’غیر مساوی‘ہیں اور اس کی وجہ سے اسے تجارت میں ’’نقصان ‘‘اٹھانا پڑ رہا ہے، تو یہ اور بھی زیادہ مضحکہ خیز بات ہے۔
درحقیقت امریکہ موجودہ بین الاقوامی تجارتی نظام میں سب سے بڑا فائدہ اٹھانے والا ملک ہے۔ امریکہ نے خدمات کی تجارت میں طویل مدتی سرپلس برقرار رکھا ہے ، جس میں 2024 میں تقریباً 300 بلین ڈالر کا سرپلس رہا ۔ خدمات کی برآمدات نے 4.1 ملین امریکی ملازمتیں پیدا کیں۔امریکہ نام نہاد “باہمی مساوات ” کے جھنڈے تلے زیرو سم گیم میں مصروف ہے، جو بنیادی طور پر “امریکہ فرسٹ” اور “امریکہ اسپیشل” کا تعاقب ہے۔ تاہم، ٹیرف کی جنگ میں کوئی فاتح نہیں ہے، اور دنیا کے خلاف کیے جانے والے طرز عمل سے امریکہ خود کو دنیا سے الگ تھلگ کر دے گا۔
قرضوں سے نجات ؟