گورنر الیون نے دوستانہ میچ میں شوبز اسٹار الیون کو 8 وکٹوں سے شکست دے دی
اشاعت کی تاریخ: 17th, January 2025 GMT
گورنر ہاوس پنجاب میں شوبز اسٹار الیون اور گورنر الیون کے درمیان ہونے والے دوستانہ کرکٹ میچ میں گورنر الیون نے شوبز الیون کو 8 وکٹوں سے شکست دے دی۔
دوستانہ میچ میں گورنر پنجاب سردار سلیم حیدر خان اور ڈپٹی اسپیکر پنجاب اسمبلی ظہیر اقبال چنڑ نے بولنگ اور بلے بازی کی۔دوسری جانب شوبز اسٹار الیون کی جانب سے سلیم شیخ، گلوکار ابرار الحق اور ارباز خان ٹیم کا حصہ تھے۔
سنسنی خیز مقابلہ میں گورنر الیون نے شوبز اسٹار الیون کو 8 وکٹوں سے شکست دی۔
میچ میں پی ایس ایل فرنچائز لاہور قلندرز کے سی ای او رانا عاطف نے خصوصی شرکت کی۔
اس موقع پر گورنر پنجاب سردار سلیم حیدر اور ڈپٹی اسپیکر پنجاب اسمبلی ظہیر اقبال چنڑ نے اسپورٹس کے فروغ کے لیے لاہور قلندر کی کاوشوں کو سراہا۔
گلوکار ابرار الحق اورسلیم شیخ کو گورنر ہاوس میں ہونے والے میچ میں کھیلتا دیکھ کرشریک شائقین خوب لطف اندوز ہوئے۔
شائقین کرکٹ نے لاہور قلندر اور سول سٹی کی اسپورٹس میں کاوشوں کو خوب سراہا۔
.ذریعہ: Express News
کلیدی لفظ: میچ میں
پڑھیں:
پنجاب میں آج بھی شدید دھندکا راج ، موٹرویز مختلف مقامات پر بند
شدید دھند کی وجہ سے موٹرویز کے مختلف حصے ٹریفک کے لئے بند کر دیئے گئے ۔موٹروے پولیس کے ترجمان کے مطابق لاہور سے ہرن مینار تک موٹروے ایم 2، سیالکوٹ سے لاہور تک موٹروے ایم 11 اور رحیم یارخان سے روہڑی تک موٹروے ایم 5 کو دھند کے باعث بند کر دیا گیا تاکہ عوام کی حفاظت اور محفوظ سفر کو یقینی بنایا جا سکے،حدنگاہ کم ہونے کے باعث قومی شاہراہوں پر ٹریفک کی روانی متاثر ہوئی ۔موٹروے پولیس کے ترجمان نے بتایا کہ دھند میں لین کی خلاف ورزی حادثات کا باعث بن سکتی ہے، لہذا روڈ یوزرز سے درخواست کی گئی کہ وہ دھند میں لین ڈسپلن کو یقینی بنائیں۔ترجمان نے شہریوں کو مشورہ دیا کہ وہ زیادہ سے زیادہ دن کے اوقات میں سفر کرنے کو ترجیح دیں، جب کہ صبح 10 بجے سے شام 6 بجے تک دھند کے موسم میں بہترین سفری اوقات ہیں۔مزید برآں، ڈرائیور حضرات کو آگے اور پیچھے دھند والی فوگ لائٹس کا استعمال کرنے کی ہدایت کی گئی ہے تاکہ دوران سفر دیگر گاڑیوں کو بہتر طریقے سے دیکھا جا سکے۔موٹروے پولیس نے عوام کو غیر ضروری سفر سے گریز کرنے کی بھی اپیل کی ہے اور تیز رفتاری سے پرہیز کرنے کی ہدایت کی ہے۔
توشہ خانہ ٹو کیس :عمران خان اور اہلیہ کا بریت کیلئے اسلام آباد ہائیکورٹ سے رجوع