روس کیلئے کرائے کے فوجی بننے والے 12 بھارتی یوکرین میں ہلاک
اشاعت کی تاریخ: 17th, January 2025 GMT
نئی دہلی: روس کے لیے کرائے کے فوجی بننے والے 12 بھارتی فوجی یوکرین میں ہلاک جبکہ 16 لاپتہ ہوگئے ہیں۔
میڈیا ذرائع کے مطابق بھارتی وزارت خارجہ کے بیان میں کہا گیا ہے کہ روس اور یوکرین کے درمیان جاری جنگ میں بھارت کے 12 فوجی مارے گئے جبکہ 16 فوجی لاپتہ ہیں۔ وزارت خارجہ نے تصدیق کی کہ ہلاک ہونے والے فوجی بھارت کی جانب سے لڑ رہے تھے۔
ذرائع کا کہنا ہے کہ بھارتی وزارت خارجہ کے ترجمان رندھیر جیسوال نے پریس کانفرنس میں بتایا کہ آج (جمعہ) تک روسی فوج میں خدمات میں انجام دینے والے 126 بھارتی فوجیوں کے معاملات سامنے آئے ہیں.
ان کا کہنا تھاکہ 126 فوجیوں میں سے 96 فوجیوں کو روس مسلح افواج نے فارغ کردیا ہے جبکہ 18 فوجی ابھی تک روسی فوج میں خدمات انجام دے رہے ہیں اور ان میں 16 افراد کے بارے میں کچھ معلوم نہیں ہوسکا ہے۔
ذرائع کے مطابق بھارتی فوج کے ترجمان نے مزید کہا کہ روس نے 16 فوجیوں کو لاپتا قرار دیا ہے، ان روس حکومت سے رابطے میں ہیں اور ان ان کی جلد رہائی اور وطن واپسی کے خواہاں ہیں۔ انہوں نے بتایا کہ روس میں خدمات میں انجام دینے والے 12 فوجی جنگ میں ہلاک ہوچکے ہیں ۔
یاد رہے بھارتی فوج کا رد عمل روسی فوج میں بھرتی ہونے والے کیرالہ سے تعلق رکھنے فوجی کی موت کے بعد آیا ہے جبکہ روس کے یوکرین کے ساتھ جاری تنازع کے دوران ایک اور زخمی ہو گیا تھا۔
واضح رہے کہ کیرالہ کا شہری بنل بابو یوکرین تنازعہ کے دوران مارا گیا تھا اور ہندوستانی سفارت خانہ اس کی لاش کی وطن واپسی کے لیے روسی حکام سے رابطے میں ہے۔
ذریعہ: Jasarat News
کلیدی لفظ: بھارتی فوج والے 12 کہ روس
پڑھیں:
بھارتی ریاست بہار میں ژالہ باری اور آسمانی بجلی گرنے سے 25 افراد ہلاک
بھارتی ریاست بہار میں ژالہ باری اور آسمانی بجلی گرنے سے درجنوں افراد ہلاک ہوگئے۔
بھارتی میڈیا کے مطابق بہار کے مختلف اضلاع میں ژالہ باری اور آسمانی بجلی گرنے کے واقعات رپورٹ ہوئے جس میں تقریباً 25 افراد کی ہلاکت کی تصدیق ہو چکی ہے۔
اسی حوالے سے وزیز اعلیٰ بہار نتیش کمار نے ہلاکتوں کے حوالے سے بتایا کہ ضلع نالندہ میں 18 اموات ہوئی، اس کے بعد ضلع سیوان میں 2، کٹیہار، دربھنگہ، بیگوسرائے، بھاگلپور اور جہان آباد میں ایک ایک موت رپورٹ ہوئیں۔
انہوں نے مرنے والوں کے لواحقین کے ساتھ اظہار افسوس کرتے ہوئے فی کس 4 لاکھ روپے مالی مدد کا اعلان بھی کیا۔
دوسری جانب بھارت کے محکمہ موسمیات کی جانب سے بتایا گیا ہے کہ ریاست کے مختلف اضلاع میں اورنج الرٹ جاری ہے، آج اور کل بھی شدید بارش کا امکان ہے۔
محکمہ موسمیات کے مطابق مختلف اضلاع میں گرج چمک کے ساتھ 40 سے 50 کلو میٹر فی گھنٹہ کی رفتار سے ہوائیں بھی چل سکتی ہیں۔
میڈیا رپورٹس کے مطابق گزشتہ روزہونے والی بارش کی وجہ سے ریاست بہار کے شہر پٹنا میں 42.6 ملی میٹر بارش ریکارڈ کی گئی جس کے باعث سڑکیں اور کئی علاقے زیر آب آگئے۔
Post Views: 2
ترجمان سندھ حکومت کا مریم اورنگزیب کے بیان پر ردعمل