دین و دنیا پروگرام اسلام ٹائمز کی ویب سائٹ پر ہر جمعہ نشر کیا جاتا ہے، اس پروگرام میں مختلف دینی و مذہبی موضوعات کو خصوصاً امام و رہبر کی نگاہ سے، مختلف ماہرین کے ساتھ گفتگو کی صورت میں پیش کیا جاتا ہے۔ ناظرین کی قیمتی آراء اور مفید مشوروں کا انتظار رہتا ہے۔ متعلقہ فائیلیںپروگرام دین و دنیا
عنوان: ولایت تکوینی آئمہ اطہار
(حصہ دوئم)
میزبان: محمد سبطین علوی
مهمان: حجہ الاسلام والمسلمین جناب عون علوی
تاریخ: 17 جنوری 2025
موضوعات گفتگو:
⚫ ولایت تکوینی اور انسان کامل میں ربط
???? ولایت تکوینی اور غلو میں فرق
خلاصہ گفتگو:
ولایت تکوینی ایک ایسا تصور ہے جو انسان کامل اور کائنات کے درمیان روحانی اور قدرتی تعلق کو بیان کرتا ہے۔ انسان کامل، یعنی معصومین (ع)، وہ ہستیاں ہیں جو اللہ تعالیٰ کی طرف سے منتخب ہوتی ہیں اور اس کے احکامات کی کامل اطاعت میں رہتی ہیں۔ ان کے اعمال اور ارادے اللہ کی مرضی کے عکاس ہوتے ہیں، جس کی وجہ سے انہیں کائنات کے امور میں تصرف کی قدرت عطا کی جاتی ہے۔ قرآن مجید میں حضرت عیسیٰ (ع) کے معجزات ولایت تکوینی کی بہترین مثالیں ہیں۔ یہ ولایت اللہ کی اجازت اور حکم کے تابع ہوتی ہے، اور انسان کامل اسے ہمیشہ اللہ کی وحدانیت اور اس کی حاکمیت کے اقرار کے ساتھ استعمال کرتا ہے۔
ولایت تکوینی اور غلو کے درمیان فرق کو سمجھنا ضروری ہے تاکہ اسلامی عقائد میں افراط و تفریط سے بچا جا سکے۔ ولایت تکوینی اللہ کی عطا کردہ قدرت ہے، جو معصومین (ع) کے ذریعے اس کی مخلوق کی رہنمائی اور مدد کے لیے استعمال ہوتی ہے۔ دوسری طرف، غلو کسی انسان کو خدائی صفات کا مالک سمجھنے یا اس کو اللہ کے برابر قرار دینے کا نام ہے، جو کہ توحید کے عقیدے کے سراسر خلاف ہے۔ معصومین (ع) خود کو اللہ کا بندہ مانتے ہیں اور ہر قدرت کو اللہ کے اذن کے تابع قرار دیتے ہیں۔ اس لیے، ولایت تکوینی ایمان کی مضبوطی کا ذریعہ ہے، جب کہ غلو دین کی اصل روح کو نقصان پہنچاتا ہے۔
ذریعہ: Islam Times
کلیدی لفظ: انسان کامل اللہ کی
پڑھیں:
دفعہ370 کی بحالی تک کوئی بھی الزام یامقدمہ مجھے خاموش نہیں کرا سکتا، آغا روح اللہ
انہوں نے کہا کہ بھارتی اینٹی کرپشن بیورو (اے سی بی) نے ان اور ان کے پانچ قریبی رشتہ داروں کے خلاف اراضی معاوضے سے متعلق جو چارج شیٹ داخل کی ہے اس میں کوئی حقیقت نہیں ہے اور یہ محض ایک انتقامی کارروائی ہے۔ اسلام ٹائمز۔ بھارت کے غیر قانونی زیر قبضہ جموں و کشمیر میں نیشنل کانفرنس کے سینئر رہنما اور سری نگر سے رکن بھارتی پارلیمنٹ آغا روح اللہ مہدی نے کہا کہ دفعہ 370 بحال ہونے تک کوئی بھی الزام یا مقدمہ انہیں خاموش نہیں کرا سکتا۔ انہوں نے کہا کہ بھارتی اینٹی کرپشن بیورو (اے سی بی) نے ان اور ان کے پانچ قریبی رشتہ داروں کے خلاف اراضی معاوضے سے متعلق جو چارج شیٹ داخل کی ہے اس میں کوئی حقیقت نہیں ہے اور یہ محض ایک انتقامی کارروائی ہے۔ ذرائع کے مطابق آغا روح اللہ نے بڈگام میں اپنی رہائش گاہ پر ایک پریس کانفرنس سے خطاب کرتے ہوئے کہا کہ ان اور ان کے رشتہ داروں کے خلاف دائر کی گئی چارج شیٹ انہیں دفعہ 370 کی بحالی، اقلیتوں اور مسلمانوں کے حقوق اور وقف ایکٹ جیسے مسائل کے بارے میں بولنے سے روکنے کی ایک بونڈی کوشش ہے۔ انہوں نے کہا کہ حکومت اے سی بی جیسی ایجنسیوں کا غلط استعمال کرتے ہوئے اس چارج شیٹ کے ذریعے انہیں ڈرانا دھمکانا چاہتی ہے۔
انہوں نے کہا کہ مجھے خاموش نہیں کرایا جا سکتا اور نہ ڈرایا جا سکتا ہے۔ آغا روح اللہ نے کہا کہ میں اس دن خاموش ہوں گا جب دفعہ370 بحال ہو جائے گا، مسلمانوں اور اقلیتوں کے خلاف مظالم بند ہو جائیں گے اور جموں و کشمیر کے آئینی حقوق بحال ہو جائیں گے۔ روح اللہ نے کہا کہ ان کے دادا آغا سید مصطفیٰ کے پاس رکھ ارت بڈگام میں 90 کنال اراضی تھی جو بعد ازاں حکومت نے ڈل جھیل کے مکینوں کی بحالی کے لیے لی تھی۔ انہوں نے کہا کہ حکومت کو اس زمین کا معاوضہ ہمیں چالیس ہزار فی کنال ادا کرنا چاہیے تھا لیکن ہمیں اس سے کم دیا گیا۔ انہوں نے کہا کہ اس معاملے کو گزرے بیس برس ہو گئے اور ان 20 برسوں میں کسی نے بھی ارضی کے لین دین بارے میں کوئی الزامات نہیں لگائے اور اب ایک دم سے جو چارچ شیٹ سامنے آئی ہے اس کا واحد مقصد محض مجھے ڈرانا، دھمکانا اورحق بات کرنے سے روکنا ہے۔
روح اللہ نے جموں و کشمیر اسمبلی میں وقف (ترمیمی) ایکٹ کے بارے میں قرارداد نہ لانے پر اپنی پارٹی نیشنل کانفرنس کو تنقید کا نشانہ بناتے ہوئے کہا کہ اسمبلی اس ایکٹ پر بحث کر سکتی تھی اور اس پر قرارداد پاس کر سکتی تھی۔ بھارتی اینٹی کرپشن بیورو(اے سی بی) نے روح اللہ، ان کے پانچ قریبی رشتہ داروں اور 16 دیگر ریٹائرڈ سرکاری ملازمین کے خلاف زمین کے معاوضے میں دھوکہ دہی اور ریونیو ریکارڈ میں چھیڑ چھاڑ کے حوالے سے چارج شیٹ داخل کی ہے۔
امریکا کی جانب سے پاکستانیوں کے ویزوں کی منسوخی برین ڈرین میں کمی کا سبب بن سکتی ہے؟