جارحیت پسند بھارتی فوج نے اپنے ہی 12 شہریوں کو بھون ڈالا
اشاعت کی تاریخ: 17th, January 2025 GMT
بھارتی فوج نے ریاست چھتیس گڑھ میں باغیوں کے خلاف نام نہاد ملٹری آپریشن کی آڑ میں 12 شہریوں کو موت کے گھاٹ اتار دیا۔
بھارتی میڈیا کے مطابق سیکیورٹی فورسز نے ریاست چھتس گڑھ کے ضلع بے جا پور کے علاقوں میں داخلی اور خارجی راستوں کو بند کرکے سرچ آپریشن کیا۔
بھارتی فوج کا کہنا ہے کہ یہ آپریشن ماؤ ازم کے حامی باغی جنگجوؤں کے خلاف کیا گیا جس میں 12 مسلح افراد مقابلے میں مارے گئے۔
دوسری جانب عینی شاہدین کا دعویٰ ہے کہ بھارتی فوج کی فائرنگ میں مرنے والوں میں خواتین بھی شامل ہیں جب کہ مارے گئے تمام افراد مقامی رہائشی تھے۔
تاحال بھارتی فوج مارے گئے افراد سے اسلحہ یا کسی قسم کا ممنوع سامان برآمد کرنے کے دعوے کو ثابت کرنے میں ناکام رہی ہے۔
چند ماہ قبل ایسے ہی ایک ملٹری آپریشن میں بھی بھارتی فوج کی فائرنگ میں خواتین اور بچے ہلاک ہوگئے تھے جب کہ 26 جنگجوؤں کے ہتھیار پھینک کر گرفتاری دینے کا دعویٰ بھی کیا گیا تھا۔
واضح رہے کہ بھارت میں ریاستوں چھتیش گڑھ، آندھرا پردیش، پنجاب، میزورام اور منی پور سمیت متعدد ریاستوں میں ہندوستان سے علیحدگی کی تحریکیں روز بروز مضبوط ہوتی جا رہی ہیں۔
.
ذریعہ: Express News
کلیدی لفظ: بھارتی فوج
پڑھیں:
سندھ کے بی فیڈر،ایک ارب روپے کے ٹھیکے من پسند ٹھیکیداروں کو جاری
پروکیورمنٹ کمیٹی کا بولی واپس لینے کا دعویٰ بالکل غلط قرار ، ٹھیکے من پسند وں کو عجلت میں جاری کئے گئے
کینال کی پشتوں اور پلوں کی تعمیر کے ایک ارب روپے کے تین ٹھیکوں کی ٹرانسپرنسی انٹرنیشنل کو شکایت
کراچی کو پانی فراہم کرنے والے کے بی فیڈر کی ری ماڈلنگ، کینال کی پشتوں اور پلوں کی تعمیر کے ایک ارب روپے کے تین ٹھیکے من پسند ٹھیکیداروں کو جاری، سیپرا میں نظرثانی درخواست دائر، ٹرانسپرنسی انٹرنیشنل کو بھی شکایت موصول، نیب اور اینٹی کرپشن سندھ کو انکوائری کی سفارش۔ جرأت کی رپورٹ کے مطابق کراچی کو پانی کینجھر جھیل کے ذریعے فراہم ہوتا ہے اور دریائے سندھ سے پانی کلری بگھار (کے بی فیڈر) کینال کے ذریعے پہنچایا جاتا ہے ، ضلع ٹھٹھہ کی تحصیل میرپور ساکرو کی حدود میں کے بی فیڈر پر مختلف برجز (پلوں) کی تعمیر کا 9کروڑ روپے کا ٹھیکہ جاری انٹرنیشنل، کے بی فیڈر کے پشتوں کو مضبوط کرنے کا 52 کروڑ روپے کا ٹھیکہ 52 کروڑ 90 لاکھ روپے کا ٹھیکہ گل ٹریڈرز اور کے بی فیڈر کی آر ڈی 103 سے ری ماڈلنگ کا 56 کروڑ روپے کا ٹھیکہ ایچ بی ای ایس اینڈ کمپنی کو جاری کیا گیا ہے ۔ ٹھیکوں کی بولی میں شامل میسرز ابڑا کنسٹرکشن کمپنی نے ٹرانسپرنسی انٹرنیشنل کو شکایت کی ہے ، ٹرانسپرنسی انٹرنیشنل نے شکایت کا مکمل طور جائزہ لینے کے بعد شکایت وزیراعلیٰ سندھ مراد علی شاہ کو ارسال کی ہے ۔ میسرز ابڑا کنسٹرکشن کمپنی کے مطابق ایگزیکٹو انجینئر میرپور ساکرو ڈویژن محمد اقبال بلوچ، اسسٹنٹ ایگزیکٹو انجینئر دیدار علی بلیدی اور اسسٹنٹ ایگزیکٹو انجینئر نبی بخش شاہ پر مشتمل پروکیورمنٹ کمیٹی نے دعویٰ کیا ہے کہ ہم نے بولی واپس لے لی ہے جو کہ بالکل غلط ہے ، ٹھیکے من پسند ٹھیکیداروں کو عجلت میں جاری کئے گئے ہیں، سیپرا میں نظرثانی درخواست دائر کی ہے اور سیپرا کے فیصلے کا انتظار ہے ، نیب اور اینٹی کرپشن سندھ کے بی فیڈر پر ایک ارب روپے کے ٹھیکے من پسند ٹھیکیداروں کو جاری کرنے کی انکوائری کریں۔
بھارتی وزیر نے سرینگر کے باغ گل ولالہ کی سیر کر کے مسلمانوں کی بے بسی کا جشن منایا، محبوبہ مفتی