سوئیڈش جوڑی کا طویل ترین ٹیبل ٹینس ریلی کا نیا ریکارڈ
اشاعت کی تاریخ: 17th, January 2025 GMT
سوئیڈن کے ٹیبل ٹینس کے ماہر کھلاڑی ایمل اوہولسن اور فریڈرک نیلسن نے 13 گھنٹے، 37 منٹ اور 6 سیکنڈز تک مسلسل کھیلتے ہوئے نیا عالمی ریکارڈ قائم کیا۔ یہ جوڑی ’’اسپن ڈاؤ‘‘ کے نام سے مشہور ہے۔
ان کی یہ شاندار کارکردگی 20 جولائی 2024 کو سوئیڈن کے شہر مالمو میں واقع ایک پنگ پانگ بار میں ہوئی، جہاں دونوں کھلاڑیوں نے پچھلے ریکارڈ کو شکست دی۔ ان کی کامیابی کے پیچھے سخت جسمانی اور ذہنی تربیت کا ہاتھ تھا، جس کے نتیجے میں وہ 13 گھنٹے سے زیادہ کی اس طویل ریلی کو بغیر کسی وقفے کے جاری رکھنے میں کامیاب ہوئے۔
اس دوران کھلاڑیوں نے کھیل کے ساتھ ساتھ خوراک بھی کھائی۔ تکنیکی ٹیم نے اس وقت کھیل کی مسلسل نگرانی کی تاکہ ریلی کی صحیح انجام دہی یقینی بنائی جا سکے۔
ایمل اوہولسن اور فریڈرک نیلسن کے دوستوں اور اہل خانہ نے اس کامیابی پر خوشی کا اظہار کیا اور ان کی محنت کا جشن منایا۔
پچھلا ریکارڈ جون میں برطانوی کھلاڑیوں نے قائم کیا تھا، جسے ’’اسپن ڈاؤ‘‘ نے توڑ دیا اور اپنے کامیاب ریکارڈ پر خوشی کا اظہار کیا۔
.ذریعہ: Jasarat News
پڑھیں:
124 سالہ چینی خاتون نے اپنی طویل عمری کا راز میڈیا کو بتا دیا
BEIJING:چین کی طویل العمر خاتون نے گزشتہ دن 124 ویں سالگرہ منائی۔
چینی میڈیا کے مطابق چیو چیاشی نامی خاتون یکم جنوری 1901 کو صوبہ سیچوان کے شہر نانچونگ میں پیدا ہوئیں۔
اپنی 124 ویں سالگرہ پر خاتون نے طویل عمری کے راز میڈیا سے شیئر کرتے ہوئے سادہ طرز زندگی پر زور دیتے ہوئے کہا کہ وہ کھانے کے بعد چہل قدمی لازمی کرتی ہیں، رات 8 بجے سونے کیلئے لیٹ جاتی ہیں۔
انہوں نے بتایا کہ ان کی زندگی کے ابتدائی برس مشکلات میں گزرے،40 سال کی عمر میں شوہر کے انتقال کے بعد انہوں نے 4 بچوں کی تنہا پرورش کی،70 سال کی عمر ان کا بڑا بیٹا فوت ہوا، بہو نے دوسری شادی کرکے اپنی بیٹی ان کے پاس چھوڑ دی، انہوں نے پوتی کی پرورش بھی تنہا کی ۔
رپورٹ کے مطابق چینی شہر نانچونگ میں 960 افراد کی عمریں 100 سال سے زائد ہیں۔
حکومت اور اپوزیشن مذاکرات: سپیکر نے دونوں کمیٹیوں کا اجلاس 15 جنوری کو طلب کرلیا