بانی پی ٹی آئی کو اپیل کا حق حاصل ہے، چاہتے ہیں آئندہ فیصلے بھی انصاف پر مبنی ہوں، اعظم نذیر تارڑ
اشاعت کی تاریخ: 17th, January 2025 GMT
وزیر قانون وسینیٹراعظم نذیرتارڑ نے کہا ہے کہ بانی پاکستان تحریک انصاف (پی ٹی آئی) ٹرائل کورٹ میں 190 ملین پاؤنڈز کے مقدمے میں اپنی صفائی میں کوئی گواہ اور ثبوت پیش نہیں کر سکے، فیصلہ آ چکا ہے، بانی پی ٹی آئی کو اپیل کا حق حاصل ہے، چاہتے ہیں کہ ملک میں فیصلے اسی طرح حق اور انصاف پر مبنی ہوں۔
جمعہ کو بانی پی ٹی آئی عمران خان کو احتساب عدالت کی جانب سے 14 سال قیداور10 لاکھ روپے جرمانے کی سزا سنائے جانے کے بعد میڈیا سے گفتگو کرتے ہوئے وزیر قانون اعظم نذیر تارڑ نے کہا کہ میڈیا میں خبریں شائع ہونے کے بعد جب برطانیہ کی کرائم ایجنسی نے تحقیقات کی تو انہوں نے حسن نواز کے معاملے کو مکمل طور پر کلیئر کر دیا تھا، اس کے بعد معاملہ بحریہ ٹاؤن تک جا پہنچا، وہاں پر 190 ملین پاؤنڈ کو ایڈجسٹ کیا گیا، یہ معاملہ پھر کابینہ میں بھی آیا۔
قانون یہ ہے کہ اگر معاملہ حل بھی ہوجائے تو اس طرح کا متنازع پیسہ دُنیا کے تمام ممالک نے مل بیٹھ کر قانون اور فیصلہ کیا ہوا ہے کہ ایسی رقم عوام کے ٹیکس سے ہوتی ہے، جو کسی نا کسی طریقے سے باہر پہنچائی جاتی ہے، یہ پیسہ اور رقم واپس اسی ملک کے عوام کو ملنی چاہیے ۔
190 ملین پاؤنڈ واپس ریاست کو ملنے تھے، عمران خان کے دور حکومت میں ایک بند لفافہ کابینہ میں لایا گیا اور کہا گیا کہ برطانیہ میں 190 ملین پاؤنڈ ضبط شدہ ہیں وہ واپس حکومت پاکستان کو ملنے ہیں پھر اس رقم کو خفیہ رکھنے کا فیصلہ ہوا اور سپریم کورٹ کے اکاؤنٹ میں منتقل کر دیے گئے۔
یہ مقدمے ایک سال چلا، شہادتیں ریکارڈ ہوئی ہیں، بانی پی ٹی آئی کو حق حاصل تھا کہ وہ اپنے صفائی میں ثبوت اور گوہان پیش نہیں کیے، جو گفتگو کرکے گئے ہیں وہ اس وقت کابینہ کا حصہ تھے، انہیں میڈیا پر بات کرنے کے بجائے عدالت میں ثبوت اور گوہان پیش کرتے۔
ٹرائل کورٹ نے بانی پی ٹی آئی کو بہت موقع دیا، جرح کی بہت کوشش کی گئی، 30 سے 31 مرتبہ جرح کی کوشش کی گئی اور تاریخیں مقرر کی گئیں لیکن کوئی بھی ثبوت اور گواہ عدالت میں پیش نہیں ہو سکا، اب ٹرائل کورٹ نے فیصلہ سنا دیا ہے اور بانی پی ٹی آئی کو اپیل کا حق حاصل ہے، ہم ملک میں نظام انصاف چاہتے ہیں، ہم چاہتے ہیں کہ وہ اپیل کا حق استعمال کریں اور آئندہ بھی فیصلہ انصاف اور میرٹ پر ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتساب عدالت اعظم نذیر تارڑ بند لفافہ پاکستان تحریک انصاف پی ٹی آئی ثبوت ٹرائل کورٹ حق ریکارڈ شہادتیں صفائی عمران خان فیصلہ کابینہ ملین پاؤنڈز وزیر قانون وی نیوز.ذریعہ: WE News
کلیدی لفظ: احتساب عدالت اعظم نذیر تارڑ پاکستان تحریک انصاف پی ٹی ا ئی ثبوت ٹرائل کورٹ ریکارڈ شہادتیں صفائی فیصلہ کابینہ ملین پاؤنڈز وی نیوز بانی پی ٹی ا ئی کو ٹرائل کورٹ اپیل کا حق چاہتے ہیں
پڑھیں:
قومی اسمبلی: غزہ میں اسرائیلی مظالم کے خلاف قرارداد متفقہ طور پر منظور
قومی اسمبلی میں غزہ میں اسرائیلی مظالم کے خلاف قرارداد متفقہ طور پر منظور کرلی گئی۔
وفاقی وزیر قانون اعظم نذیر تارڑ نے فلسطین سے متعلق قرارداد ایوان میں پیش کی جس میں کہا گیا کہ یہ ایوان غزہ میں اسرائیلی مظالم کی سخت مذمت کرتا ہے، اور فلسطینی بہن بھائیوں کی حمایت کرتا ہے۔
یہ بھی پڑھیں فلسطین کے معاملے پر پاکستان ہر جگہ سرفہرست، ہم قائداعظم کی پالیسی پر کھڑے ہیں، وزیر قانون اعظم نذیر
قبل ازیں ایوان سے خطاب کرتے ہوئے وفاقی وزیر قانون اعظم نذیر تارڑ نے کہاکہ پاکستان کا روز اول سے فلسطین کے حوالے سے دوٹوک مؤقف ہے، ہم مظلوم فلسطینی بہن بھائیوں کے ساتھ کھڑے تھے، کھڑے ہیں اور کھڑے رہیں گے۔ اس معاملہ پر پاکستان آپ کو ہر جگہ سرفہرست نظر آئےگا، اور ہم بانی پاکستان قائداعظم محمد علی جناح کی دی گئی پالیسی پر کھڑے ہیں۔
انہوں نے کہاکہ فلسطین میں جاری ظلم و ستم فی الفور رکنا چاہیے، مسئلہ فلسطین کے حل کے لیے سب کو سر جوڑ کر بیٹھنا ہوگا۔ اسرائیل فلسطینیوں کی نسل کشی کررہا ہے، اور غزہ کا انفراسٹرکچر مکمل تباہ ہو چکا ہے، اسرائیل کی جانب سے فلسطینیوں پر ڈھائے جانے والے مظالم کی مثال تاریخ میں نہیں ملتی۔
اعظم نذیر تارڑ نے کہاکہ 7 اکتوبر 2023 سے اب تک اسرائیلی بمباری میں ہزاروں فلسطینی شہید ہوچکے ہیں، اس سارے ظلم و ستم پر عالمی برادری کی خاموشی افسوسناک ہے۔
انہوں نے کہاکہ اسرائیلی حملوں میں ایک لاکھ 30 ہزار کے قریب فلسطینی زخمی بھی ہوئے ہیں، کچھ اقوام ایسی بھی ہیں جو فلسطین کے معاملے پر خاموش رہیں۔ اسرائیل ہو یا فلسطین بارود سے کسی آواز دبائی نہیں جا سکتی۔
وزیر قانون نے کہاکہ اسرائیل نے ہنستی بستی آبادی کو زمین بوس کردیا، فلسطین میں اسپتال اور ایمبولینسز بھی محفوظ نہیں، بلکہ ریلیف آپریشن میں حصہ لینے والے رضا کاروں کو بھی نشانہ بنایا جاتا ہے۔
یہ بھی پڑھیں فلسطین کے حق میں پاکستان کی مؤثر آواز، سلامتی کونسل کے کردار پر سوال اٹھا دیا؟
اعظم نذیر تارڑ نے کہاکہ وزیراعظم شہباز شریف نے اسرائیل کے وحشیانہ اقدامات کی عالمی فورمز پر مذمت کی ہے، اس کے علاوہ ریلیف کے حوالے سے بھی ہم سے جو بن پایا وہ کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی مظالم اعظم نذیر تارڑ غزہ قومی اسمبلی متفقہ منظور مذمتی قرارداد وزیر قانون وی نیوز
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا