ایسے فیصلوں نے عمران خان اور بشری بی بی کو تاریخ میں مزید سرخرو کردیا ہے: مسرت جمشید چیمہ
اشاعت کی تاریخ: 17th, January 2025 GMT
پاکستان تحریک انصاف کی سینئر رہنما مسرت جمشید چیمہ نے کہا ہے کہ جنہوں نے شرمناک فیصلہ دیا ہے انہوں نے اپنے منہ پر کالک ملی ہے اور تاریخ میں اپنا چہرہ بدنما کر لیا ہے،بشری بی بی وہ وفادار بیوی ہیں جنہوں نے اپنے شوہر کے لیے ہر قربانی دی اور اپنی جان تک کی پرواہ بھی نہیں کی،ایسے فیصلوں نے عمران خان اور بشری بی بی کو تاریخ میں مزید سرخرو کردیا ہے۔ ایکس پر جاری اپنے بیان میں مسرت جمشید چیمہ نے کہا کہ القادر یونیورسٹی بنانے اور سیرت نبوی پڑھانے پر ایسی سزائیں دینے پر یہ تاریخ میں مزید شرمسار ہوں گے،عمران خان کو گراتے گراتے آپ ہمیشہ کے لیے گر چکے ہیں اور آپ کی ان انتقامی کارروائیوں اور بزدلانہ فیصلوں نے عمران خان اور بشری بی بی کے ایک دوسرے پر اعتماد اور محبت کو بھی ہمیشہ کے لیے امر کردیا ہے۔علاوہ ازیں اپنے بیان میں مسرت جمشید چیمہ نے کہا کہ قوم جانتی ہے جعلی حکمرانوںنے بانی پی ٹی آئی عمران خان کے خلاف سیاسی بنیاد پر انتقامی کارروائی کی، بشری بی بی کو سزا سنانا عمران خان کو دبائو میں لانے کی سازش ہے لیکن بھونڈی سازش کرنے والے اس بار بھی ناکام ہوں گے۔ اس طرح کے فیصلوں سے پی ٹی آئی کے رہنما ئوںاور کارکنوں کے حوصلے ہرگز پست نہیں ہوںگے ، قیادت آئندہ کے حوالے سے جلد لائحہ عمل بنائے گی ۔
.ذریعہ: Nawaiwaqt
کلیدی لفظ: مسرت جمشید چیمہ تاریخ میں
پڑھیں:
ایران اور پاکستان کے تعلقات مذہب، تاریخ پر استوار: ایاز صادق، سفیر سے گفتگو
اسلام آباد (خبرنگار) سپیکر قومی اسمبلی سردار ایاز صادق نے کہا کہ ایران پاکستان کا اہم برادر ہمسایہ ملک ہے اور پاکستان ایران کے ساتھ اپنے دیرینہ برادرانہ تعلقات کو انتہائی اہمیت دیتا ہے۔ انہوں نے دونوں برادر ممالک کے تعلقات کو مزید مستحکم بنانے کی ضرورت پر زور دیتے ہوئے کہا کہ ایران اور پاکستان کے تعلقات مذہب، تاریخ اور ثقافت کی مضبوط بنیادوں پر استوار ہیں۔ ان خیالات کا اظہار انہوں نے ایرانی سفیر رضا امیری مقدم کی ملاقات کے دوران کیا۔ ایاز صادق نے کہا کہ پاکستان ایران کے ساتھ پارلیمانی اور اقتصادی شعبوں میں تعاون کو مزید وسعت دینے کے لیے پرعزم ہے۔ انہوں نے مزید کہا کہ دونوں ممالک میں پارلیمانی رابطے دوطرفہ تعلقات کو مستحکم بنانے میں اہم کردار ادا کر سکتے ہیں۔
وزیراعلی مراد علی شاہ کی صاحبزادی کی شادی،ڈاکٹر شام سندر کے آڈوانی اور بھائیوں کی شرکت