سیپکو کا بجلی چوری پر قابو پانے میں ناکامی پر 8افسران پر جرمانے عائد
اشاعت کی تاریخ: 17th, January 2025 GMT
سکھر (نمائندہ جسارت) سیپکو نے سخت کارروائی کرتے ہوئے بجلی چوری پر قابو پانے میں ناکامی پر 8 افسران اور 28 ملازمین کو بھاری جرمانے عائد کردیے۔ سیپکو کے ترجمان کے مطابق چیف کمرشل آفیسر راجا عزیز احمد رڈ نے چارج کی قیادت کرتے ہوئے 8 افسران پر جرمانے عائد کیے جن میں 3 ایگزیکٹو انجینئرز آپریشن، 4 ایس ڈی اوز آپریشن، اور 1 اسسٹنٹ منیجر ایس اینڈ آئی کے علاوہ 28 ملازمین شامل ہیں۔ یہ جرمانے افسران اور ملازمین کی جانب سے بجلی چوری پر قابو پانے میں ناکامی کی وجہ سے عائد کیے گئے، جو کہ علاقے میں ایک مستقل مسئلہ ہے۔ تین سابق ایگزیکٹو انجینئرز آپریشن ڈویڑن – کاشف گلزار شیخ رانی پور، ذوالفقار علی کلہوڑو گھوٹکی، اور نظام الدین پیرزادہ میرپور ماتھیلو کو بجلی چوری پر قابو نہ پانے پر پہلے معطل کر کے سیپکو ہیڈ کوارٹر سکھر رپورٹ کرنے کو کہا گیا تھا۔ اب ان کے خلاف محکمانہ کارروائی کرتے ہوئے ان کے ٹائم سکیل میں دو مراحل میں دو سال کی کمی کی گئی ھے، اسی طرح اسرار احمد بچکانی، سید وقار احمد شاہ، عبدالغفار جونیجو، غلام مصطفی شیخ اور جمیل احمد چنہ سمیت 4 ایس ڈی اوز آپریشن اور 1 اسسٹنٹ منیجر ایس اینڈ آئی کو بھاری سزائیں دی گئیں۔ ان میں سے چار اہلکاروں کو لائن سپرنٹنڈنٹ کے عہدے سے جبری طور پر ریٹائر کر دیا گیا ہے جبکہ غلام مصطفی شیخ کو ایس ڈی او کے عہدے سے جبری طور پر ریٹائر کر دیا گیا ھے، مزید برآں28 اہلکاروں کے خلاف محکمانہ کارروائی کی گئی، جن میں سے 5 کو جبری طور پر ریٹائر اور ان کے عہدوں سے برطرف کر دیا گیا، جن میں LS-1، LS-2، لائن مین-2، اور ALM شامل ہیں۔ 23 دیگر اہلکاروں کو بھی بھاری سزائیں دی گئیں۔ سیپکو کے چیف ایگزیکٹو آفیسر انجینئر اعجاز احمد چنا نے خبردار کیا کہ اگر ڈیوٹی میں غفلت، بجلی چوری اور لائن لاسز کو نہ روکا گیا تو مروجہ قانون کے تحت اسی طرح کی محکمانہ کارروائی کی جائے گی۔ اس اقدام کا مقصد علاقے میں بجلی چوری کے وسیع پیمانے پر ہونے والے مسئلے پر قابو پانا اور محکمہ سیپکو کے اندر جوابدہی کو یقینی بنانا ہے۔
.ذریعہ: Jasarat News
کلیدی لفظ: بجلی چوری پر قابو
پڑھیں:
راولپنڈی؛ ٹریفک پولیس آفس کے باہر سے موٹر سائیکل چوری کی انوکھی واردات
راولپنڈی میں لائسنس بنوانے کے دوران ٹریفک پولیس کے دفتر کے باہر سے شہری کی موٹر سائیکل چوری ہوگئی۔
تفصیلات کے مطابق چیکنگ کے دوران لائسنس نہ ہونے پر سٹی ٹریفک پولیس کا وارڈن موٹر سائیکل سوار کو لائسنس بنوانے کے لیے ٹریفک آفس لیکر گیا تو سڑک پر پارک اسی شہری کی موٹر سائیکل چوری ہوگئی۔
چوری ہونے والی موٹر سائیکل 2 لاکھ روپے سے زائد مالیت کی تھی جس پر شہری سخت پریشان ہوگیا۔
تھانہ ریس کورس کو مقدمہ درج کرواتے ہوئے ڈھوک چوہدریاں کے رہائشی ملک نقاش نے بتایا کہ موٹر سائیکل نمبر CXQ58 پر دن دو بجے کے قریب قاسم مارکیٹ کے قریب سے گزر رہا تھا کہ جہانگیر نامی ٹریفک وارڈن نے روکا اور لائسنس کا پوچھا جس پر میں نے بتایا کہ نہیں ہے تو وہ مجھے لرنر لائسنس بنوانے کے لیے ٹریفک پولیس کے لائسنس آفس لے گیا، واپس آیا تو جس جگہ موٹر سائیکل کھڑی کی تھی موجود نہیں تھی۔
شہری کی درخواست پر پولیس نے مقدمہ درج کر لیا ہے۔
رابطہ کرنے پر متاثرہ شہری ملک نقاش نے مزید بتایا کہ جس جگہ ٹریفک وارڈن نے مجھے روکا وہاں اور بھی وارڈنز و شہری کھڑے تھے لیکن وارڈن مجھے موٹر سائیکل پر لائسنس بنوانے ساتھ لے گیا، موٹر سائیکل باہر ہی سڑک کنارے کھڑا کروایا جس پر میں نے ان سے کہا بھی کہ موٹر سائیکل کسی محفوظ جگہ پارک کرنے دیں لیکن وارڈن نے کہا کہ کچھ نہیں ہوتا جس پر بمشکل موٹر سائیکل کو ہینڈل لاک ہی لگا پایا اور اسکے ساتھ چل دیا۔
شہری کا کہنا تھا کہ خود پارکنگ کا کام کرتا ہوں، دو لاکھ روپے کا نیا موٹر سائیکل تھا۔ قریبی سی سی ٹی وی کیمروں کی فوٹیج نکلوا کر سب کچھ دیکھ لیا جائے اور موٹر سائیکل برآمد کروایا جائے۔
واقعے پر رابطہ کرنے پر ایس ایچ او ریس کورس انسپکٹر چوہدری جمیل کا کہنا تھا کہ موٹر سائیکل چوری کا مقدمہ درج کر لیا ہے، تفتیش اور تلاش میں مصروف ہیں۔
سولر پینلز کی قیمتوں میں مزید ہزاروں روپے کی کمی