بدین، پولیس کی مختلف کارروائیاں ،16ملزمان منشیات سمیت گرفتار
اشاعت کی تاریخ: 17th, January 2025 GMT
بدین: کارروائیوں میں گرفتار منشیات فروش پولیس کی تحویل میں
بدین (نمائندہ جسارت) پولیس نے 5 دیسی شراب کی بٹھیوں سمیت دیگر مقامات پر کارروائیاں کرکے 1230 لیٹرز دیسی شراب اور 3750 سفینا/ گٹکے برآمد کر لیے۔ کارروائیوں کے دوران ایک روپوش سمیت 16 منشیات فروش ملزمان گرفتار، مقدمات درج، ایس ایس پی بدین محمد اسلم لانگاہ کی ہدایات پر ضلع بھر میں منشیات فروشوں کے خلاف کارروائیاں جاری ہیں۔ تفصیلات کے مطابق ڈی ایس پی بدین شہزاد علی سومرو، ڈی ایس پی ٹنڈو باگو راج کمار، ڈی ایس پی سی آئی اے عبد الرحیم خاصخیلی اور ایس ایچ او تھانہ بدین انسپکٹر محمد انور لغاری کی سربراہی میں پولیس نے شہر بھر میں منشیات کے مختلف اڈوں پر کارروائیاں کرکے 555 لیٹرز دیسی شراب برآمد کر لی، پولیس نے کارروائیوں کے دوران 3 بٹھی مالکان آکاش ملاح، حیدر نوندھو اور شہباز ملاح کو گرفتار کرلیا، بدین پولیس نے دیگر کارروائیوں کے دوران گٹکا فروش ملزمان ممتاز ملاح اور علی اصغر ملاح کو گرفتار کرلیا، ملزمان کے قبضے سے 500 دیسی گٹکے برآمد کر لیے، پولیس نے منشیات فروشی میں ملوث روپوش ملزم جاڑو ملاح کو گرفتار کر لیا، ایس ایچ او تھانہ نندو انسپکٹر اصغر علی سٹھیو نے اسٹاف کے ہمراہ دیسی شراب کی بٹھی پر چھاپا مارکر 150 لیٹرز دیسی شراب برآمد کر لی، جبکہ ملزم غلام مصطفیٰ عرف مستی ملاح موقع سے فرار ہو گیا۔ ایس ایچ او تھانہ کڑیو گھنور سب انسپکٹر عِلاول خاصخیلی نے اسٹاف کے ہمراہ کارروائی کرکے ملزم اشوک چوہان کو 15 لیٹرز دیسی شراب سمیت گرفتار کرلیا، ایس ایچ او تھانہ کڑیو گھنور نے مزید کارروائی کے دوران گٹکا فروش ملزم سجاد عرف شیرو عمرانی کو گرفتار کرلیا، ملزم کے قبضے سے 250 دیسی گٹکے برآمد کر لیے، ایس ایچ او تھانہ کھورواہ سب انسپکٹر شفقت زمان تنولی نے اسٹاف کے ہمراہ کارروائی کرکے گٹکا فروش ملزم محمد اسماعیل پالاری کو گرفتار کرلیا، ملزم کے قبضے سے 210 سفینا گٹکا برآمد کر لیے گئے، ایس ایچ او تھانہ شہید فاضل راہو انسپکٹر غلام مصطفی عاقلانی نے اسٹاف کے ہمراہ کارروائی کرکے گٹکا فروش ملزم آصف خاصخیلی کو گرفتار کرلیا، ملزم کے قبضے سے 1100 دیسی گٹکے برآمد کرلیے گئے، ایس ایچ او تھانہ پنگریو سب انسپکٹر منظور احمد نہڑی نے دیسی شراب کی بٹھی پر چھاپا مارکر 510 لیٹرز دیسی شراب برآمد کر لی، پولیس نے کارروائی کے دوران رمضان ملاح کو گرفتار کر لیا، ایس ایچ او تھانہ پنگریو سب انسپکٹر منظور احمد نہڑی نے اسٹاف کے ہمراہ کارروائی کرکے گٹکا فروش ملزم ابراہیم شیخ کو 300 گٹکا سمیت گرفتار کرلیا، ایس ایچ او تھانہ ڈیئی انسپکٹر طفیل احمد جلالانی نے اسٹاف کے ہمراہ دوران گشت کارروائی کرکے گٹکا فروش ملزم ارض محمد عرف ارضو جاکھرو کو 550 سفینا ساشے سمیت گرفتار کرلیا، ایس ایچ او تھانہ ٹنڈو باگو سب رمیز حیدر نے اسٹاف کے ہمراہ کارروائیاں کرکے گٹکا فروش ملزمان چمن لال اور اللہ بچایو رستمانی کو گرفتار کرلیا، ملزمان کے قبضے سے 440 سفینا ساشے برآمد کر لیے گئے، ایس ایچ او تھانہ گلاب لغاری انسپکٹر عاشق علی لْنڈ نے بمع اسٹاف کارروائی کرکے گٹکا فروش ملزم ایاز علی چانڈیو کو گرفتار کرلیا، ملزم کے قبضے سے 400 مین پوریاں برآمد کر لی گئیں۔
.ذریعہ: Jasarat News
کلیدی لفظ: ملاح کو گرفتار کر لیٹرز دیسی شراب کو گرفتار کرلیا ملزم کے قبضے سے برا مد کر لیے سمیت گرفتار منشیات فروش برا مد کر لی سب انسپکٹر کے دوران پولیس نے ایس پی
پڑھیں:
13 سالہ لڑکی کا مہینوں تک ریپ کرنے والے 4 نوجوان لڑکوں سمیت 8 افراد گرفتار
بھارت میں 13 سالہ لڑکی کے ساتھ مہینوں تک ریپ کرنے کے الزام میں 4 نابالغ نوجوان لڑکوں سمیت 8 افراد کو گرفتار کرلیا گیا۔
بھارتی میڈیا کی رپورٹ کے مطابق پولیس نے بتایا کہ سکم کے ضلع گیالشنگ میں 13 سالہ لڑکی کے ساتھ مہینوں تک ریپ کرنے کے الزام میں 4 نوجوان لڑکوں سمیت 8 افراد کو گرفتار کرلیا گیا۔
پولیس نے یہ کارروائی جمعہ کے روز چائلڈ ویلفیئر کمیٹی کی طرف سے دائر شکایت کی بنیاد پر کی جب کہ لڑکی کے اسکول نے این جی او لڑکی کی حالت کے بارے میں آگاہ کیا۔
کلاس میں ہمیشہ بیمار اور مضمحل حالت میں رہنے والی لڑکی نے کونسلنگ کے دوران اپنے علاقے کی ایک خاتون کا نام لیا جو اسے گھریلو کاموں میں مدد کے لیے باقاعدگی سے بلاتی تھی، پولیس نے بتایا کہ خاتون نے بچی کو مبینہ طور پر اپنے کے شوہر جنسی فعل کرنے پر مجبور کیا۔
حکام نے بتایا کہ اس دوران یہ بھی انکشاف ہوا کہ 2 مزید مردوں کو بھی لایا گیا اور لڑکی کو مبینہ طور پر پیسوں کے عوض جنسی تعلقات قائم کرنے پر مجبور کیا گیا۔
انہوں نے مزید کہا کہ متاثرہ لڑکی نے 4 لڑکوں کے نام بتائے جو گزشتہ ایک سال کے دوران مبینہ طور پر اس کے ساتھ جنسی زیادتی میں ملوث رہے۔
لڑکی کے بیان کی بنیاد پر پولیس نے خاتون، اس کے شوہر اور 2 مردوں کو گرفتار کر لیااور اس کے علاوہ 4 نابالغ لڑکوں کو بھی اپنی تحویل میں لے لیا۔
لڑکی اس وقت چائلڈ ویلفیئر کمیٹی کے پاس ہے اور اس کی کونسلنگ جاری ہے اور طبی علاج ہو رہا ہے۔
پولیس نے بتایا کہ مختلف دفعات کے تحت معاملہ کا مقدمہ درج کیا گیا ہے۔
ملتان، ایم ڈبلیو ایم کے زیراہتمام اسرائیلی جارحیت کیخلاف احتجاجی مظاہرہ، شہداء کی یاد میں شمعیں روشن