سندھ کی زمینوں پر قبضے کیخلاف جدوجہد کر رہے ہیں، عوامی تحریک
اشاعت کی تاریخ: 17th, January 2025 GMT
حیدرآباد (اسٹاف رپورٹر) عوامی تحریک کے مرکزی صدر ایڈووکیٹ وسند تھری، مرکزی جنرل سیکرٹری ایڈووکیٹ ساجد حسین مہیسر، مرکزی رہنما ڈاکٹر رسول بخش خاصخیلی اور ممتاز کھوسو نے اپنے مشترکہ بیان میں شہید فاضل راہو کو سلام پیش کرتے ہوئے کہا ہے کہ رسول بخش پلیجو اور شہید فاضل راہو نے سندھ کی زمینوں پر قبضوں کے خلاف بھرپور جدوجہد کی، نیلام بند کرو تحریک کی قیادت کی اور عوامی تحریک نے ان قائدین کی رہنمائی میں جمہوریت کی بحالی اور صحافت کی آزادی سمیت کئی جدوجہد کیں، عوامی تحریک آج بھی جدوجہد کرکے اپنے عظیم رہنماؤں کو خراج عقیدت پیش کر رہی ہے۔ کارپوریٹ فارمنگ کے نام پر سندھ کی زمینوں پر ہونے والے قبضوں کے خلاف عوامی تحریک بھرپور جدوجہد کر رہی ہے، زمینوں پر قبضوں اور سندھ کے پانی پر ڈاکوئوں کے خلاف آج بھی رسول بخش پلیجو اور شہید فاضل راہو کے نقشِ قدم پر چلنے والی عوامی تحریک جدوجہد کے میدان میں ہے۔ انہوں نے کہا کہ شہید فاضل راہو سندھ کا ہیرو ہے، انہوں نے سندھ کی بقا اور محنت کش طبقے کی آزادی کے لیے اپنی جان قربان کر دی، سندھی قوم اپنے عظیم رہنما شہید فاضل راہو کو سلام پیش کرتی ہے۔
.ذریعہ: Jasarat News
کلیدی لفظ: عوامی تحریک سندھ کی
پڑھیں:
کراچی، دریائے سندھ پر کینالز کی تعمیر کیخلاف بھوک ہڑتالی کیمپ، ایم ڈبلیو ایم رہنماؤں کی شرکت
کراچی پریس کلب کے باہر قوم پرست رہنماؤں سے گفتگو کے دوران مجلس وحدت مسلمین کے رہنماؤں نے سندھ کے اس اہم اور بنیادی مسئلے پر مکمل حمایت کا یقین دلایا اور مجلس وحدت مسلمین کے چیئرمین سینیٹر علامہ راجہ ناصر عباس جعفری کا خصوصی پیغام بھی پہنچایا۔ اسلام ٹائمز۔ مجلس وحدت مسلمین کراچی ڈویژن کے رہنما علامہ حیات عباس نجفی، سیکریٹری سیاسیات علامہ مبشر حسن، حوزہ علمیہ صادقینؑ کے مدیر علامہ امتیاز علی امینی، سندھ سید ایسوسی ایشن کے سابق صدر کراچی سید علی اکبر شاہ اور اتم علی نے سندھو دریا پر ناجائز 6 کینال کی تعمیرات کے خلاف جاری احتجاج میں شرکت کی۔ یہ رہنما کراچی پریس کلب کے باہر سندھ قوم پرست رہنما نیاز کالانی کی جانب سے قائم بھوک ہڑتال کیمپ میں پہنچے جہاں انہوں نے نیاز کالانی، ریاض چانڈیو اور صوفی فقیر محترم مانجھی فقیر سے ملاقات کی۔ اس موقع پر مجلس وحدت مسلمین کے رہنماؤں نے سندھ کے اس اہم اور بنیادی مسئلے پر مکمل حمایت کا یقین دلایا اور مجلس وحدت مسلمین کے چیئرمین سینیٹر علامہ راجہ ناصر عباس جعفری کا خصوصی پیغام بھی پہنچایا۔ رہنماؤں نے زور دیا کہ قدرتی وسائل اور دریاؤں کا تحفظ قومی ذمہ داری ہے اور اس حوالے سے سندھ کے عوام کے ساتھ ہر ممکن تعاون کیا جائے گا۔
چائنا میڈیا گروپ کی اعلیٰ معیار کی فلم اور ٹیلی ویژن پروگراموں کی نمائش ویتنام میں شروع