حیدرآباد ، مرکزی مسلم لیگ کی سندھ حقوق مارچ کی تیاریاں عروج پر
اشاعت کی تاریخ: 17th, January 2025 GMT
حیدرآباد (اسٹاف رپورٹر) مرکزی مسلم لیگ کی جانب سے 25 سے 28 جنوری تک شروع ہونے والے حقوق سندھ مارچ کی تیاری کے لیے حیدرآباد سمیت سندھ کے تمام اضلاع، تحصیلوں، گائوں، بستیوں میں بھر پور تشہیری مہم زور و شور سے جاری ہے، مرکزی مسلم لیگ کے کارکنان نے شہر کے مختلف علاقوں کی اہم شاہراہوں اور اہم پوائنٹسں پر تشہیری مہم کے لیے پوسٹرز اور بینرز آویزاں کیے ہیں، جبکہ گلیوں کو چوں سندھ بھر کی بستیوں میں بھی اشتہارات لگائے جا رہے ہیں جس میں لوگوں کو مارچ میں شرکت کی بھرپور دعوت دی جا رہی ہے۔ اس حوالے سے مرکزی مسلم لیگ حیدرآباد ڈویژن کے صدر عقیل احمد نے کہا کہ ہمارے کارکنان دن رات محنت مشقت کے ساتھ شہر بھر میں بھر پور تشہیری مہم چلا کر لوگوں تک اپنا پیغام پہنچانے کی کو ششوں میں مصروف ہیں۔ انہوں نے کہا کہ اہلیان حیدرآباد سندھ کو مارچ میں شرکت کی بھرپور دعوت دی جارہی ہے، مارچ میں سندھ بھر کے عوام شرکت کریں گے۔ علاوہ ازیں عقیل احمد نے حیدرآباد شہر بھر کا دورہ کیا اور مختلف وفود سے ملاقاتیں کیں، انہیں اس حقوق مارچ میں شرکت کی دعوت بھی پیش کی۔ انہوں نے کہا اگر آج عوام ان نا اہل حکمرانوں کو آئینہ نہیں دکھائیں گے تو سندھ بھی کھنڈرات کا نقشہ پیش کرے گا، آج سندھ کی بستیاں اُجڑے چمن کا منظر نامہ پیش کر رہی ہیں، عوام اگر اب بھی بیدار نہ ہوئے اور عوامی حقوق کو فراموش کرنے والے حکمرانوں سے احتساب چاہتے ہیں جو پچھلی کئی دہائیوں سے عوام پر مسلط ہیں تو اپنے ذاتی، لسانی اور ہر قسم کے اختلافات کو پس پشت ڈال کر اپنے اور اپنے بچوں کے مستقبل کو مد نظر رکھتے ہوئے مارچ میں ہمارا ساتھ دیں۔ عقیل احمد نے کہا کہ اب وقت آگیا ہے عوام کے ٹیکسوں پر عیاشی کرنے والے حکمرانوں کو گھر بھیجا جائے اور ان کی جگہ اہل لوگوں کو موقع دیا جائے جو عوام کا درد رکھتے ہوں۔ انہوں نے کہا مرکزی مسلم لیگ عوام کی خدمت کرنے والی جماعت ہے اور ہمارے مختلف فلاحی کام اس بات کا منہ بولتا ثبوت ہیں۔
.ذریعہ: Jasarat News
کلیدی لفظ: مرکزی مسلم لیگ
پڑھیں:
غزہ کے فلسطینیوں کو شام کے شمال میں بسانے کی تیاریاں
غزہ کی پٹی کے فلسطینیوں کو شام کے شمال میں بسانے کی تیاریاں شروع کر دی گئی ہیں۔
اسرائیلی میڈیا کے مطابق غزہ کے شہریوں کے لیے شام میں ترکیہ کی سرحد کے قریب خیمہ بستیوں کی بحالی جاری ہے۔
یہ خیمہ بستیاں جنگ کے دوران شام کے شمالی سرحدی علاقے میں قائم کی گئی تھیں۔
غزہ کے شہریوں کو بسانے کے منصوبے پر قطر اور ترکیہ شامی حکومت سے رابطے میں ہے.
اسرائیلی میڈیا کا کہنا ہے کہ غزہ کے شہریوں کو بسانے کے منصوبے کی نگرانی ترکیہ کے 2 ادارے کر رہے ہیں۔
ان دونوں اداروں نے منصوبے کی تردید یا تصدیق سے انکار کیا ہے۔
Post Views: 4
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ