تقسیم تعلیمی نظام کو تبدیل کررہے ہیں، چیئرمین گلبرگ ٹائون
اشاعت کی تاریخ: 17th, January 2025 GMT
چیئرمین گلبرگ ٹائون نصرت اللہ کا محکمہ تعلیم کے اساتذہ کے ساتھ گروپ فوٹو
کراچی (اسٹاف رپورٹر)گلبرگ ٹاؤن انتظامیہ کا ایک اور احسن اقدام سرکاری اسکولوں میں کیے جانے والے انقلابی اقدامات و اصلاحات پرکارکردگی رپورٹ پیش کی گئی۔تعلیمی اصلاحات کا پروگرام متعارف کرا رہے ہیں اس سلسلے میں ایک خصوصی تقریب کا انعقاد کیا گیا، ایجوکیشن آفس میں ایک پروگرام منعقد کیا گیا جس کا آغاز تلاوت قران کریم اور نعت رسول مقبول سے ہوا اس موقع پر چیئرمین گلبرگ ٹاؤن نصرت اللہ نے شرکاء سے خطاب کرتے ہوئے کہا کہ جب ہم نے حلف اٹھایا تو کام بہت سارے تھے میونسپل سروسز بنیادی کام تھا جو کہ ہماری ذمہ داری تھی ہم نے محدود وسائل میں عوام کو سہولیات مہیا کرنی تھی ہماری ترجیحات صحت اور تعلیم تھی ریاست پاکستان کی ذمہ داری ہے کہ عوام کو صحت اور تعلیم مفت فراہم کی جائے مگر ہماری یہ بدقسمتی ہے کہ ہمیں یہ میسر نہیں۔جب لوگوں کو تعلیم نہ ملے تو وہ شعور کی کس منزل پہ کھڑے ہوں گے اور کیا معاشرہ تشکیل دیں گے اسکولوں کو پرائیویٹائز کر دیا گیا اور تعلیم کو طبقوں میں بانٹ دیا گیا یہ وہ نظام ہے جو ہم تبدیل کر رہے ہیں ہم نے اسکولوں کے انفراسٹرکچر کو درست کیا اورتدریسی عمل میں اصلاحات کیں جو ماضی میں کمی رہ گئی تھی، تعمیراتی کام کروائے، صاف پانی کی فراہمی کو ممکن کیا، بچوں کے بیٹھنے کا انتظام کیا، بچوں کو مفت کتابیں فراہم کیں اور محکمہ تعلیم کو جدید تقاضوں سے ہم آہنگ کر رہے ہیں۔ اساتذہ کی رہنمائی کی ہم Digital Learning Spaceسٹم کا قیام عمل میں لا رہے ہیں تاکہ اساتذہ کو جدید طرز تعلیم سے متعارف کرائیں تاکہ وہ بچوں تک منتقل ہو اس موقع پر سابقہ ٹاؤن ناظم فاروق نعمت اللہ نے کہا کہ ہمارا کام اپنی ذمہ داری پوری کرنا ہے جب منتخب بلدیاتی نمائندوں نے کام کا آغاز کیا تو اسکول، ٹیچر، بچے سب موجود تھے مگر نظام کے خستہ حالی کا شکار تھے ہم نے سب سے پہلے اسکول کے انفراسٹرکچر کو درست کیا اساتذہ کی کلاسیں کروائیں ٹیچروں کا ٹائم ٹیبل بنایا تمام اسکولوں کا سرپلس مرتب کیا تاکہ ہم اپنی قوم کے معماروں کو بہترین تعلیمی نظام میسر کر سکیں تاکہ ہمارا مستقبل روشن ہو۔
.ذریعہ: Jasarat News
کلیدی لفظ: رہے ہیں
پڑھیں:
ترکیہ؛ مریم نواز کی ڈپلومیسی فورم میں شرکت، پنجاب میں تعلیمی اقدامات اجاگر کریں گی
ISTABUL:وزیراعلیٰ مریم نواز ڈپلومیسی فورم 2025 کے تحت ترکیہ میں منعقدہ کانفرنس میں حکومت پنجاب کے تعلیم کے فروغ کے لیے کیے گئے اقدامات اور اپنی جماعت کے منشور پر مبنی خطاب کریں گی۔وزیراعلیٰ پنجاب کے دفتر سے جاری بیان کے مطابق وزیر اعلیٰ مریم نواز ترکیہ میں ڈپلومیسی فورم2025کے تحت منعقدہ بین الاقوامی کانفرنس میں شرکت کے لیے اناطالیہ ایئرپورٹ پہنچنے پر ڈپٹی گورنر پروفیسر ڈاکٹر سعد سید اوغلو نے استقبال کیا۔
بیان میں بتایا گیا کہ مریم نواز شریف نے اناطالیہ پہنچنے کے فوری بعد ڈپلومیسی فورم 2025 کے تحت منعقدہ بین الاقوامی کانفرس کے افتتاحی سیشن میں شرکت کی جہاں ترک صدر رجب طیب اردوان نے کانفرنس سے خطاب کرتے ہوئے شرکا کاخیر مقدم کیا۔
وزیراعلیٰ مریم نوازشریف سے ترکیہ کے سابق نائب صدر اور اے کے پارٹی کے نائب چیئرمین فواد اقطائے اور دیگر سرکردہ رہنماؤں نے بھی ملاقات کی اور وزیراعلیٰ نے کانفرنس میں شرکت کی دعوت پر ان کا شکریہ ادا کیا اور کہا کہ پاکستان اورترکیہ تعلقات محض سفارتی ہی نہیں بلکہ عقیدت، محبت اور اعتماد پر مبنی ہیں۔
وزیراعلیٰ مریم نے بعدازاں ترکیہ کے صدر رجب طیب اردوان کی جانب سے دیے گئے خصوصی عشائیے میں بھی شرکت کی اور بتایا کہ ترک خاتون اول ایمنہ اردوان کی دعوت پر ترکیہ کا دورہ کر رہی ہیں۔
قبل ازیں اناطالیہ ایئرپورٹ پہنچنے پر ڈپٹی گورنر ڈاکٹر سعدسید اوغلو اور دیگر حکام نے وزیراعلیٰ پنجاب مریم نواز کا استقبال کیا اور اناطالیہ آمد پر خیر مقدم کرتے ہوئے نیک تمناؤں کا اظہار کیا۔
مریم نواز ڈپلومیسی کانفرنس سے آج خطاب کریں گی، ڈپلومیسی کانفرنس کا عنوان 'تقسیم دنیا میں مستقبل کی تعمیر، تعلیم! تبدیلی لانے کی ایک طاقت' رکھا گیا ہے۔
کانفرنس میں وزیر اعلی مریم نواز صوبہ پنجاب میں تعلیم کے فروغ کے لیے اپنی حکومت کے اقدامات اور اپنی جماعت کے منشور پر روشنی ڈالیں گی۔
وزیراعلی پنجاب نے استقبال کے لیے آمد اور مہمان نوازی پر ترکیے کی حکومت اور قیادت کا شکریہ ادا کیا، ان کے ہمراہ پنجاب کی سینئر صوبائی وزیر مریم اورنگزیب اور پرویز رشید بھی ترکیے میں موجود ہیں۔
آپ کے ہاتھ خون سے رنگے ہیں، بہادر خاتون ملازم کا بل گیٹس کے سامنے احتجاج