انفرا ضامن پاکستان اور حبیب میٹرو کے درمیان شراکت داری، جعفر بزنس سسٹمز کو 800 ملین روپے کی اسٹرکچرڈ گارنٹڈ ٹریڈ فنانس سہولت فراہم
اشاعت کی تاریخ: 16th, January 2025 GMT
اسلام آباد: انفرا ضامن پاکستان (آئی زیڈ پی) اور حبیب میٹرو نے جعفر بزنس سسٹمز کے لئے 800 ملین روپے کی ٹریڈ فنانس سہولت کے بدلے 600 ملین روپے کی پہلی قلیل مدتی ضمانت کامیابی کے ساتھ جاری کر دی ہے۔ یہ تاریخ ساز اشتراک جعفر بزنس سسٹمز (جے بی ایس)، ایک مستند ٹیکنالوجی اور کاروباری حل فراہم کرنے والا ادارہ، کو ڈیجیٹل اور آئی ٹی انفراسٹرکچر سلوشنز میں اپنے کاروبار کو وسعت دینے میں مدد فراہم کرے گا۔
یہ ضمانتی ڈھانچہ جعفر بزنس سسٹمز کے کاروباری آپریشنز میں تیزی لائے گااور ضروری آئی ٹی انفراسٹرکچر کی درآمد کے لئے تجارتی فنانس میں سہولیات کی محدود دستیابی کے مسئلہ کو حل کرے گی۔ یہ سہولت جے بی ایس کو اپنے صارفین بالخصوص بینکوں اور بڑی ملٹی نیشنل کمپنیوں کو فوری آئی ٹی آلات، انفراسٹرکچر اور سہولیات فراہم کرنے کے قابل بنائے گی اور پاکستان کی اقتصادی اور ڈیجیٹل ترقی میں اہم کردار ادا کرے گی۔
ٹریڈ فنانس کے لئے انفرا ضامن کی طرف سے پہلی بار پاکستانی روپے میں قلیل مدتی گارنٹی کی حیثیت سے یہ ٹرانزیکشن نجی شعبے میں کریڈٹ کے حصول کی اہلیت قائم رکھنے سے متعلق ادارے کے عزم کی عکاسی کرتی ہے۔ درآمدی ایل سی سے وابستہ کریڈٹ کے خطرات کو کم کرکے یہ ضمانت کافی ترقی اور معاشی فائدے فراہم کرتی ہے اور جے بی ایس اپنے صارفین کی تعداد کو بڑھانے اور ملکی سطح پر اپنی رسائی کو بڑھانے کے لئے متعدد مقامی کاروباری اداروں کے ساتھ شراکت داری قائم کرنے کا ارادہ رکھتا ہے۔ توقع ہے کہ ان اشتراک کی بدولت اگلے دو سالوں میں 80 سے 90 ملازمتوں کے مواقع بھی پیدا ہونگے، ان ملازمتوں میں 20 فیصد حصہ خواتین کے لئے مختص ہے، جبکہ مالیاتی شمولیت کو فروغ دینے اور معاشی سرگرمیوں کو آگے بڑھانے کے لئے انٹرنیٹ بینکنگ اور ڈیجیٹل والٹز کے لئے تعاون میں بھی اضافہ ہوگا۔
انفرا ضامن پاکستان کی سی ای او ماہین رحمان نے کہا، یہ ٹرانزیکشن نجی شعبے کے قرضوں کی توسیع کی اہم مارکیٹ کی ضروریات پوری کرنے سے متعلق انفرا ضامن کے عزم کی عکاسی کرتی ہے۔ ہمیں جعفر بزنس سسٹمز اور حبیب میٹرو کے ساتھ شراکت داری پر فخر ہے جس سے ٹریڈ فنانس، آئی ٹی انفراسٹرکچر اور ڈیجیٹل معیشت کی ترقی میں مدد مل سکے گی۔
جعفر بزنس سسٹمز کے سی ای او وقار الاسلام نے کہا، ہمیں اس معاہدے پر نہایت خوشی ہے۔ جے بی ایس مقامی اور بین الاقوامی سطح پر تیزرفتاری سے ترقی کر رہا ہے۔ اس کے پاس 2030 کے لئے ایک جرات مندانہ وژن ہے اور انفرا ضامن اور حبیب میٹرو کے ساتھ شراکت داری اس وژن کو بھرپور انداز سے سے آگے بڑھانے کے لئے اہم کردار اداکرے گی۔
حبیب میٹرو کے صدر اور سی ای او خرم شہزاد خان نے کہا، ہم جعفر بزنس سسٹمز کو تجارتی فنانس کی ضمانتی سہولت فراہم کرنے کے لئے انفرا ضامن پاکستان کے ساتھ شراکت داری پر خوش ہیں۔ یہ اشتراک پاکستان میں بالخصوص ڈیجیٹل اور آئی ٹی انفراسٹرکچر کے شعبوں میں کاروبار کی ترقی میں معاونت کرنے سے متعلق ہمارے عزم کی عکاسی کرتا ہے۔ جے بی ایس جیسی کمپنیوں کو فعال بنا کر ہمارا مقصد پاکستان کی ڈیجیٹل معیشت کی ترقی میں اپنا کردار ادا کرنا ہے۔
یہ ٹرانزایکشن اقوام متحدہ کے پائیدار ترقیاتی اہداف بالخصوص صنفی مساوات کو فروغ دینے، روزگار کے مواقع پیدا کرنے اور پائیدار ترقی کی حمایت کے لئے ڈیجیٹل انفراسٹرکچر میں توسیع سے متعلق پاکستان کے عزم سے مطابقت رکھتی ہے۔
.ذریعہ: Daily Ausaf
کلیدی لفظ: انفرا ضامن پاکستان اور حبیب میٹرو حبیب میٹرو کے ٹریڈ فنانس جے بی ایس ا ئی ٹی ا کے لئے
پڑھیں:
ملازمت پیشہ خواتین کیلئے بڑی سہولت، اسلام آباد میں ورکنگ ویمن ہاسٹل بنانے کا فیصلہ
اسلام آباد(نیوز ڈیسک)وزیراعظم شہباز شریف کی ہدایت پر ملازمت پیشہ خواتین کے لیے اسلام آباد کے سیکٹر آئی-9 میں ورکنگ ویمن ہاسٹل قائم کرنے کا فیصلہ کیا گیا ہے۔ سی ڈی اے بورڈ نے آئی-9 فور میں موجود اسپیشل ایجوکیشن سینٹر کو ورکنگ ویمن ہاسٹل میں تبدیل کرنے کی منظوری دے دی ہے۔
اس منصوبے کی درخواست وزارت تعلیم اور وزارت انسانی حقوق کی جانب سے دی گئی تھی، جس پر وزیراعظم نے فوری عملدرآمد کی ہدایت جاری کی۔ سی ڈی اے نے وزارت تعلیم کو منظوری کا نوٹیفکیشن بھی بھجوا دیا ہے۔
سیکرٹری وزارت تعلیم محی الدین احمد وانی کے مطابق وزیراعظم کی ہدایت پر اٹھایا گیا یہ اقدام ورکنگ خواتین کے رہائشی مسائل میں نمایاں کمی لائے گا۔
ان کا کہنا تھا کہ اسلام آباد میں کام کرنے والی خواتین کو محفوظ اور باعزت رہائش کی اشد ضرورت ہے، اسی لیے یہ فیصلہ بروقت اور اہمیت کا حامل ہے۔
مزیدپڑھیں:رجب بٹ نے ماں کے نام پر ایک اور تنازعہ کھڑا کردیا
ترجمان سندھ حکومت کا مریم اورنگزیب کے بیان پر ردعمل