Juraat:

سی ایم پنجاب آسان کاروبار فنانس اورآسان کاروبار کارڈ اسکیموں کا اجراء، مریم نواز

اشاعت کی تاریخ: 16th, January 2025 GMT

لاہور : صوبے میں کاروباری سرگرمیوں کے فروغ کے لئے حکومت پنجاب  نے بڑا اقدام کرتے ہوئے سی ایم پنجاب آسان کاروبار فنانس اورآسان کاروبار کارڈ اسکیموں کا اجراء کر دیا۔

زرائع  کے مطابق وزیر اعلیٰ پنجاب مریم نوازشریف نے دونوں اسکیموں کا باضابطہ افتتاح کیا۔

آسان کاروبار فنانس اسکیم کے تحت 10لاکھ سے 3کروڑ روپے تک بلاد سود قرضے دیئے جائیں گے، ادائیگی بھی آسان ترین اقساط میں ہوگی، آسان کاروبار کارڈ کے ذریعے 5 سے 10لاکھ روپے تک قرضے دیئے جائیں گے۔

ان سکیموں سے فائدہ اٹھانے کے خواہش مند آج ہی آن لائن اپلائی کر سکتے ہیں، اسکیموں کے لئے مزید معلومات ہیلپ لائن 1786 کے ذریعے حاصل کی جا سکتی ہیں۔

مریم نوازشریف نے کہا کہ  پنجاب حکومت نے صوبے میں چھوٹے اور درمیانے درجے کے کاروبار کے فروغ کے لئے انقلابی اسکیموں کا آغاز کیا ہے، یہ اسکیمیں پنجاب اور پاکستان کی تقدیر بدلنے کی اہلیت رکھتی ہیں۔

ان کا کہنا تھا ک چھوٹے اور درمیانے درجے کے کاروبار سے ہی معیشت کا پہیہ چلتا ہے، سی ایم پنجاب آسان کاروبار فنانس اور آسان کاروبار کارڈ پنجاب حکومت کی اپنی نوعیت کی پہلی اور منفرد سکیمیں ہیں، پہلے کاروبار شروع کرنا آسان نہ تھا، ہم نے ان اسکیموں کے ذریعے کاروبار کو آسان بنا دیا ہے۔

مریم نوازشریف  نے کہا کہ چھوٹے کاروبار شروع کرنے کے لئے نہایت رعایتی نرخوں پر زمین بھی دیں گے، صوبے کی تاریخ کا پہلا پروگرام ہے جس کے تحت 3کروڑ روپے تک کا قرضہ 100فیصد بلاسود دیا جارہا ہے، قرضے کے حصول کے لئے فوری طور پر کسی این او سی، لائسنس اور نقشہ پاس کرانے کی بھی ضرورت نہیں۔

وزیر اعلیٰ پنجاب نے کہا کہ آج قرضہ حاصل کریں اور کل اپنے کاروبار شروع کریں، یہ بلاسود قرضے بینک آف پنجاب کے ذریعے دیئے جائیں گے،  ملک کی برآمدات بڑھانے کے لئے ایکسپورٹ پراسیسنگ زون میں انڈسٹری لگانے پر مزید مراعات دیں گے، ایکسپورٹ پراسیسنگ زون میں انڈسٹری لگانے والوں کو 50لاکھ روپے تک کی مالیت کا سولر سسٹم بھی فری دیں گے۔

ان کا کہنا تھا کہ ان اسکیموں کے ذریعے ایس ایم ایز کے لئے ایسی نئی راہ متعین ہوگی جس کی منزل خوشحال پنجاب ہے، نوجوان کاروباری افراد ان اسکیموں سے فائدہ اٹھا کر اپنے کاروبار کو وسعت دیکر معاشی ترقی میں اپنا کردار ادا کر سکیں گے، حکومت کی ان بلاسود قرضوں کی سکیموں سے اقتصادی ترقی کو نئی جہت ملے گی۔

مریم نواز نے کہا کہ پاکستان مسلم لیگ (ن)کے اقتدار میں آنے سے قبل ملک کی معیشت ڈوب رہی تھی، ہر طرف پاکستان کے ڈیفالٹ کر جانے کی باتیں ہورہی تھیں، وزیر اعظم محمد شہباز شریف کی شب روز کی محنت سے پاکستان ان خطرات سے باہر نکلا، سابق وزیر اعظم محمد نوازشریف کے دور میں ترقی کی شرح 5.

7 کے قریب تھی۔

ان کا کہنا تھا کہ لوڈشیڈنگ اور دہشت گردی کا تقریباً خاتمہ ہوچکا تھا، ملک معاشی طور پر مستحکم تھا، بد قسمتی سے گزشتہ 4سال کے دوراقتدارمیں ملک تباہی سے دوچار ہوا، مہنگائی کی شرح38فیصد پر آگئی، ڈالر 104روپے سے بڑھ کر پونے تین سوروپے تک چلا گیا۔

وزیر اعلیٰ پنجاب نے کہا کہ وزیر اعظم شہباز شریف کی کاوشوں سے قومی معیشت مستحکم ہوئی ہے، معاشی اشاریے بہتر ہورہے ہیں، ترسیلات زر اور زرمبادلہ کے ذخائر بڑھ رہے ہیں، اسٹاک مارکیٹ ایک لاکھ18ہزار پوائنٹس کو کراس کر چکی ہے، ہمیں اجتماعی کاوشوں سے ان اقدامات کے ثمرات عوام تک پہنچانے ہیں۔

ان کا کہنا تھا کہ ترقی یافتہ ممالک نے صنعت کاری کے عمل کو تیز کرکے ہی ترقی کا سفر طے کیا ہے، ہمیں بھی صنعت کاری کے عمل کو تیز کرنا ہے، پنجاب معدنیات کی دولت سے مالا مال ہے، بد قسمتی سے زمین میں چھپے خزانوں سے پورا فائدہ نہیں اٹھایا جارہا۔

مریم نواز  کا مزید کہنا تھا کہ پنجاب حکومت معدنی دولت سے استفادہ کرنے کے لئے اقدامات کررہی ہے ـ

ذریعہ: Juraat

کلیدی لفظ: آسان کاروبار فنانس آسان کاروبار کارڈ ان کا کہنا تھا کہنا تھا کہ اسکیموں کا نے کہا کہ کے ذریعے روپے تک کے لئے

پڑھیں:

جس سیاسی جماعت نے بچوں کو انتشار کا راستہ دکھایا وہ آج ان کو جیل میں پوچھنے تک نہیں آتے:مریم نواز

وزیر اعلی پنجاب مریم نواز کا کہنا ہے کہ مجھے تکلیف ہے کہ نوجوان کسی کے بہکاوے میں آکر جیل چلے گئے.جس سیاسی جماعت نے انہیں انتشار کا راستہ دکھایا وہ آج انہیں جیل میں پوچھنے بھی نہیں آتے.میں گلا پھاڑ کر جھوٹے وعدے نہیں کر رہی کہ گورنر ہاوس کو یونیورسٹی بنا دوں گی . طلبہ کے روشن مستقبل کے لیے ہر ممکن اقدام اٹھایا جائے گا۔گورنمنٹ کالج یونیورسٹی یونیورسٹی فیصل آباد میں ہونہار اسکالر شپ پروگرام کے تحت سرٹیفکیٹس تقسیم کی تقریب سے خطاب کرتے ہوئے وزیر اعلی پنجاب مریم نواز شریف کا کہنا تھا کہ جس طرح میں نے دو بار بنا کسی قصور کے جیل کاٹی ہے آج میں بھی بدلے لینے شروع کردوں. آپ کو انتشار پر اکساؤں تو میں آپ کا مستقبل خراب کروں گی۔مریم نواز نے کہا کہ جس سیاسی جماعت نے بچوں کو انتشار کا راستہ دکھایا وہ آج ان کو جیل میں پوچھنے تک نہیں آتے. اپنی جان اور مستقبل کی حفاظت آپ کا فرض ہے، اگر آپ اپنی زندگیوں کو خطرے میں ڈالیں گے تو یہ آپکی اپنے ماں باپ سے نافرمانی ہے . مجھے تکلیف ہے کہ بچے کسی کے بہکاوے میں آگئے. کاش انہوں نے اس وقت سمجھ اور عقل کا راستہ اپنا لیا ہوتا۔وزیر اعلیٰ پنجاب کا مزید کہنا تھ کہ طلبہ کو 30 ہزار اسکار شپس دی ہیں جو ملکی تاریخ کا سب سے بڑا پروگرام ہے . یہ اسکالر شپس 50 ہزار تک لیجائیں گے. نواز شریف انٹرنیٹ سٹی میں نالج سٹی الگ سے بناہا گیا ہے۔انہوں نے کہا کہ مختلف ممالک کی انٹرنیشنل یونیورسٹیز کو لاہور اور پنجاب میں کیمپسز کھولنے کی دعوت دی ہے تاکہ جو بچے بیرون ملک نہیں جا سکتے وہ اپنے ملک میں دور جدید کی تعلیم حاصل کر سکیں. انہوں نے بتایا کہ پنجاب کی پہلی آرٹیفیشل انٹیلی جینس یونیورسٹی کی بھی جلد تعمیر شروع ہو رہی ہے۔وزیراعلی پنجاب مریم نواز نے طلبہ کے لیے ایک لاکھ جدید لیپ ٹاپ لانے کا بھی اعلان کیا. جی سی یونیورسٹی میں منعقدہ تقریب کے دوران وزیر اعلٰی مریم نواز نے سیکیورٹی ہٹا دی اور وہ طلبہ میں گھل مل گئیں جبکہ طلبہ نے وزیراعلی کے ساتھ سیلفیاں بھی بنائیں۔تقریب میں وزیر تعلیم راوسکندر حیات، لیگی رہنما عابد شیر علی اور طلال چوہدری سمیت دیگر رہنماء بھی موجود تھے۔