ملک کی اقتصادی صورت حال بہتر ہو رہی ہے،عالمی سرمایہ کار پاکستان کی طرف متوجہ ہیں: مریم نواز
اشاعت کی تاریخ: 16th, January 2025 GMT
لاہور:وزیراعلیٰ پنجاب مریم نواز نے کہا ہے کہ وزیراعظم شہباز شریف کی محنت اور قائدانہ صلاحیتوں کے باعث ملک کو ڈیفالٹ کے خطرے سے بچا لیا گیا ہے۔ لاہور میں "آسان کاروبار فنانس” اور "آسان کاروبار کارڈ” کے منصوبوں کی افتتاحی تقریب سے خطاب کرتے ہوئے مریم نواز نے کہا کہ اب ملک کی اقتصادی صورت حال بہتر ہو رہی ہے، سٹاک مارکیٹ نے نئے ریکارڈ قائم کیے ہیں اور عالمی سرمایہ کار پاکستان کی طرف متوجہ ہیں۔
مریم نواز نے وزیراعظم کے حالیہ اعلان کا حوالہ دیتے ہوئے کہا کہ بجلی کی قیمتوں میں مزید 11 روپے کمی کی جائے گی۔ انہوں نے اس بات پر زور دیا کہ کسی بھی ملک کی ترقی کے لیے انڈسٹریلائزیشن ضروری ہے اور پاکستان کو بھی اس سمت میں قدم بڑھانا ہوگا۔
وزیراعلیٰ پنجاب نے "آسان کاروبار فنانس” اور "آسان کاروبار کارڈ” کے منصوبوں کی تفصیلات بتاتے ہوئے کہا کہ ان منصوبوں کے تحت شہریوں کو تین کروڑ روپے تک بلاسود قرضے فراہم کیے جائیں گے تاکہ وہ اپنے کاروبار کا آغاز کر سکیں۔ اس کے علاوہ، بزنس پلانز اور ہینڈ ہولڈنگ سسٹم بھی فراہم کیا جائے گا تاکہ کاروباری افراد کو ہر ممکن مدد دی جا سکے۔ چھوٹے کاروباروں کے لیے زمین بھی رعایت پر دی جائے گی۔
مریم نواز نے اس سکیم کو نوجوانوں کے لیے ایک بڑا موقع قرار دیا جو اپنا کاروبار شروع کرنا چاہتے ہیں۔ انہوں نے پنک سالٹ کی کانوں کی اہمیت کو اجاگر کرتے ہوئے کہا کہ اس شعبے میں پاکستان کے پاس بڑے تجارتی مواقع ہیں۔
وزیراعلیٰ پنجاب نے مزید کہا کہ بڑی صنعتوں کے لیے 50 لاکھ روپے مالیت کے سولر پینلز مفت فراہم کیے جائیں گے تاکہ انڈسٹریلائزیشن کو فروغ مل سکے۔ ان کا کہنا تھا کہ یہ اقدامات پنجاب میں سرمایہ کاری کے نئے دروازے کھولیں گے اور ملک کی معیشت کی ترقی میں اہم کردار ادا کریں گے۔
.ذریعہ: Nai Baat
پڑھیں:
تاریخ کا پہلا وزیراعظم رشوت لیتے ہوئے پکڑا گیا، مریم نواز
سٹی 42 : پنجاب کی وزیراعلیٰ مریم نواز نے کہا ہے کہ ملک کو انتشار و فساد نہیں امن کی ضرورت ہے ، اس ملک کو انتشار نہیں اتحاد چاہیے ۔
مریم نواز نے اوکاڑہ میں عوام سے خطاب کرتے ہوئے کہا کہ طلبا کو کبھی ملک پر حملہ کرنے کا نہیں کہوں گی، جن کو پٹرول بم چلانا سکھایا گیا وہ جیلوں میں سڑر ہے ہیں۔ انہوں نے کہا کہ مخالفین نے جلسوں میں مجھ پر ذاتی تنقید کی۔
مریم نواز نے کہا کہ میرے لیے بھی کیلوں والے ڈنڈے اٹھانے کا کہنا آسان ہے، نوجوانوں کو ورغلانے والا سکون کی نیند کیسے سوسکتاہے۔ انہوں نے کہا کہ تاریخ کا پہلا وزیراعظم رشوت لیتے ہوئے پکڑا گیا، مریم نواز
طلبہ کے روشن مستقبل کے لیے ہر ممکن اقدام اٹھایا جائے گا، مریم نواز
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی