ٹریفک حادثات ،تین افراد جاں بحق،خاتون منشیات فروش سمیت3 گرفتار
اشاعت کی تاریخ: 16th, January 2025 GMT
حیدرآباد/مٹیاری(اسٹاف رپورٹر +نمائندہ جسارت)نوری آباد اور مٹیاری میں ٹریفک حادثات میں باپ بیٹا اور پولیس افسر جاںبحق جبکہ ایک شخص زخمی ہوگیا،سی آئی اے پولیس نے خاتون سمیت منشیات فروش گروہ کے 3کارندوںکو دھرلیا، ڈکیتی مزاحمت پر شہری کو زخمی کردیا گیا۔تفصیلات کے مطابق نوری آباد پاور سیمنٹ فیکٹری کے قریب تیز رفتار ڈبل کیبن کار اور ٹرک میں تصادم کے نتیجے میں ٹنڈوالہیار کے گوٹھ شاہ ہوتی کا ر ہائشی پولیس انسپکٹر محبوب علی موقع پر ہی جاں بحق ہوگیا جبکہ ڈرائیور نہرو کو تشویشناک حالت میں سول اسپتال حیدرآباد منتقل کردیا گیا ہے۔ پولیس نے ٹرک ڈرائیور کو گرفتار کرکے ٹرک اپنی تحویل میں لے لیا۔ ادھر مٹیاری کے قریب پلیجانی موری کے مقام پرٹریکٹر نے موٹرسائیکل سوار 2 افراد کو کچل دیادونوں افراد موقع پر جاںبحق، مرنے والے دونوں افراد محمد رحیم بروہی اور امام بخش بروہی باپ بیٹا ہیں واقعے پر علاقہ مکین جائے وقوعہ پہنچ گئے، اطلاع پر شاھپور پولیس نے لاش اپنے تحویل میں لے کر تعلقہ اسپتال منتقل کر دیا گیا ٹریکٹر تحویل میں لے لیا ہے اطلاع پر علاقے میں کہرام مچ گیا۔دریں اثناء سی آئی اے پولیس حیدرآباد نے خفیہ اطلاع پر ہالاناکہ کے قریب کارروائی کرتے ہوئے منشیات فروش گروہ کے تین کارندوں خلیل بلوچ، زاہد بلوچ اور ان کی ساتھی رانی بلوچ کو گرفتار کر کے ان کے قبضے سے 6 کلو آئس اور کرسٹل کار برآمد کرلی جس کی مالیت بین الاقوامی منڈی میں 12کروڑ روپے بتائی جاتی ہے اس حوالے سے ایس ایس پی حیدرآباد ڈاکٹر فرخ لنجار نے بتایا کہ یہ منشیات بلوچستان سے سندھ میں فروخت کے لیے لائی جارہی تھی جسے حیدرآباد میں پکڑا ہے ،مقدمات درج کرلیے گئے ۔علاوہ ازیںتھانہ ہٹڑی کی حدود میں واقع فضل سن سٹی کے قریب مسلح افراد نے دکاندار غلام عباس سے رقم، موبائل فون چھین لیا مزاحمت پر دکاندار کو زخمی کردیا جبکہ ملزمان اپنی موٹر سائیکل چھوڑ کر فرار ہوگئے۔
.
ذریعہ: Al Qamar Online
کلیدی لفظ: پاکستان کھیل کے قریب
پڑھیں:
خیر پور: دشمنی پرفائرنگ، خاتون سمیت 3 افرادجاں بحق، 2 بچیاں زخمی
—فائل فوٹوخیرپور کے گوٹھ پنہل کورائی میں دشمنی پر فائرنگ سے خاتون سمیت 3 افراد جاں بحق جبکہ 2 بچیاں زخمی ہو گئیں۔
پولیس کے مطابق فائرنگ کا واقعہ پرانی دشمنی کا نتیجہ لگتا ہے۔
دورہ روڈ سفید ڈھیری میں نامعلوم افراد کی فائرنگ سے قاری اعجاز جاں بحق ہوگئے۔
پولیس نے نامعلوم افراد کے خلاف مقدمہ درج کر کے تحقیقات شروع کر دی ہیں۔
دوسری جانب واقعے میں زخمی ہونے والی بچیوں کو اسپتال منتقل کر دیا گیا ہے جہاں انہیں طبی امداد دی جا رہی ہے۔
پارٹی رہنماوں کے ایک دوسرے پر الزامات، عمران خان نے وارننگ دیدی