پاک بھارت میچ؛ ریونیو شیئرنگ پر پاکستان اور اماراتی بورڈ معاہدے کے قریب
اشاعت کی تاریخ: 16th, January 2025 GMT
کراچی:
چیمپیئنز ٹرافی کے حوالے سے پاکستان اور امارات بورڈ جلد ریونیو شیئرنگ معاہدے کے قریب ہیں، سی او او سبحان احمد کے مطابق ٹکٹوں کی فروخت اور دیگر تفصیلات تقریباً مکمل ہو چکی ہیں، پاک بھارت شائقین کیلیے الگ اسٹینڈز مختص کرنے کی کوئی ضرورت نہیں ہے۔
انہوں نے یو اے ای میں پاکستان اور بھارت کے مزید دو طرفہ میچز کی میزبانی میں بھی دلچسپی ظاہر کر دی۔
تفصیلات کے مطابق امارات کرکٹ بورڈ کے سی او او سبحان احمد نے دبئی میں ’’ایکسپریس‘‘ کو خصوصی انٹرویو میں کہا کہ پی سی بی کے ساتھ ریونیو شیئرنگ اور دیگر معاملات پر بات چیت مثبت انداز میں جاری ہے، اس حوالے سے آخری مراحل میں ہیں، مجھے کسی ایشو کی توقع نہیں ہے، دونوں فریقین باہمی فوائد کو یقینی بنانے کے لیے پْرعزم ہیں۔
تعاون کی اہمیت کو اْجاگر کرتے ہوئے انہوں نے کہا کہ کسی بھی شراکت داری کی کامیابی کے لیے ضروری ہے کہ دونوں فریقین خود کو اہم محسوس کریں، پی سی بی نے ہماری باتوں کو سمجھا اور ہمارے درمیان خیالات کا مثبت تبادلہ ہوا، ہم جلد ہی معاملات کو حتمی شکل دینے کا ارادہ رکھتے ہیں۔
سبحان احمد نے یقین دہانی کرائی کہ ٹکٹوں کی فروخت اور دیگر تفصیلات تقریباً مکمل ہو چکی ہیں، جلد شائقین کو قیمت اور خریداری کے عمل کے بارے میں مطلع کیا جائے گا، ٹکٹ پہلے آئیں پہلے پائیں کی بنیاد پر دستیاب ہوں گے تاکہ پاکستان اور بھارت کے شائقین سمیت دیگر افراد بھی اس ایکشن کا لطف اٹھا سکیں۔
امارات کرکٹ بورڈ کے سی او او نے متحدہ عرب امارات میں بھارت اور پاکستان کے شائقین میں ہم آہنگی کے جذبے کو اجاگر کرتے ہوئے کہا کہ یہاں شائقین بغیر کسی مسئلے کے ایک ساتھ بیٹھتے ہیں، الگ اسٹینڈز مختص کرنے کی کوئی ضرورت نہیں ہے۔
انہوں نے یو اے ای میں پاکستان اور بھارت کے مزید دو طرفہ میچز کی میزبانی میں دلچسپی کا اظہار کرتے ہوئے کہا کہ ہمارے وینیوز اور انفرا اسٹرکچر ہمیں انٹرنیشنل کرکٹ کے لیے مثالی انتخاب بناتے ہیں، اگر ٹیمیں تیار ہوں تو ہم میزبانی کے لیے تیار ہوں گے، یو اے ای کا منفرد کثیر الثقافتی ماحول ان میچز میں جوش و خروش کا نیا رنگ بھر دیتا ہے، چونکہ یہاں بہت سے بھارتی اور پاکستانی رہتے ہیں، اس لیے پاک بھارت میچ صرف کرکٹ نہیں بلکہ ایک جشن ہے، دونوں طرف کے شائقین اپنی ٹیموں کی حمایت کے لیے جمع ہوتے اور کھیل کا لطف اٹھاتے ہیں جس سے شاندار ماحول پیدا ہوتا ہے۔
سبحان احمد نے حالیہ ایونٹس جیسے ایشیا کپ اور 2021 ورلڈ کپ میں عوامی دلچسپی کا حوالہ دیتے ہوئے اس بار چیمپیئنز ٹرافی میں مزید جوش و خروش کی امید ظاہر کر دی۔ انہوں نے کہا کہ ہم توقع کرتے ہیں یہ میچز بہت دلچسپ ہوں گے اور شائقین کی ریکارڈ توڑ حمایت دیکھنے کو ملے گی، ٹکٹس سب کے لیے قابلِ رسائی ہوں گے۔
پاکستانی شائقین کو درپیش ویزا چیلنجز کے حوالے سے سبحان احمد نے انکشاف کیا کہ یو اے ای حکومت کے ساتھ اس حوالے سے بات چیت جاری ہے، ہم اس بات کے لیے پْرعزم ہیں کہ کرکٹ کے شائقین کسی غیر ضروری رکاوٹ کے بغیر میچز میں شریک ہو سکیں، یو اے ای شاندار سہولیات اور حکومتی تعاون فراہم کرتا ہے، یہ اسے ایونٹس کے لیے قلیل مدت کے نوٹس پر بھی بہترین مقام بناتا ہے۔
.ذریعہ: Express News
کلیدی لفظ: پاکستان اور کے شائقین حوالے سے انہوں نے یو اے ای کہا کہ کے لیے ہوں گے
پڑھیں:
چیمپیئنز ٹرافی کے لیے ٹکٹوں کی قیمتوں پر مشاورت مکمل، کم سے کم قیمت کیا ہوگی؟
آئی سی سی چیمپیئنز ٹرافی میں میچز کی ٹکٹوں پر مشاورت مکمل ہوگئی ہے اور اب جلد ہی چیمپیئنز ٹرافی کے میچز کے ٹکٹس کی فروخت شروع ہوجائے گی۔
میڈیا رپورٹس کے مطابق، جوں جوں چیمپیئنز ٹرافی شروع ہونے کے قریب آرہی ہے، اس سے جڑے تمام معاملات کو حتمی شکل دی جارہی ہے۔ اس حوالے سے شائقین کو میچز کی ٹکٹوں کی فروخت کا شدت سے انتظار ہے، جو اب جلد ہی شروع کردی جائے گی۔
یہ بھی پڑھیں: چیمپیئنز ٹرافی: شائقین کرکٹ کا لہو گرمانے کے لیے آئی سی سی نے نیا پرومو جاری کردیا
پاکستان میں آئی سی سی چیمپیئنز ٹرافی کے میچز 3 شہروں لاہور، کراچی اور راولپنڈی میں کھیلے جائیں گے، جہاں ٹکٹوں کی مختلف کیٹیگریز بنائی گئی ہیں جن میں پریمیئم، وی آئی پی، فرسٹ کلاس اور ہاسپیٹیلیٹی کیٹیگریز شامل ہیں۔
لاہور میں آئی سی سی چیمپیئنز ٹرافی کے میچز کے لیے ٹکٹس کی قیمت کم از کم ایک ہزار روپے سے شروع ہوکر 25 ہزار روپے تک جانے کا امکان ہے، دیگر شہروں میں ہونے والے میچز کے لیے ٹکٹس کی قیمت لاہور سے مختلف ہوسکتی ہے، اس حوالے سے بھی مشاورت مکمل ہوگئی ہے۔
یہ بھی پڑھیں: چیمپیئنز ٹرافی: بھارتی ٹیم کے نہ آنے کے باوجود روہت شرما کا دورہ پاکستان متوقع، مگر کیوں؟
میڈیا رپورٹس میں کہا گیا ہے کہ لاہور میں کھیلے جانے والے چیمیئنز ٹرافی کے سیمی فائنل میچ کے ٹکٹ کی کم از کم قیمت 3800 روپے سے شروع ہوگی اور فائنل میچ کے لیے ٹکٹوں کی شرح اس سے الگ رکھی جائے گی۔
واضح رہے آئی سی سی چمپیئنز ٹرافی کا آغاز 19 فروری کو پاکستان میں ہونے جارہا ہے، تاہم ٹورنامنٹ میں شامل ملک بھارت کے تمام میچز نیوٹرل وینیو دبئی پر ہوں گے، کیونکہ بھارت کی جانب سے اپنی ٹیم پاکستان نہ بھیجنے کا اعلان کیا گیا ہے۔ چیمپیئنز ٹرافی کا افتتاحی میچ پاکستان اور نیوزی لینڈ کے درمیان 19 فروری کو کراچی میں کھیلا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹکٹس چیمپینز ٹرافی راولپنڈی سیمی فائنل فائنل کراچی کم از کم قیمت لاہور مشاورت میچز
اپنا گھر بنانے کے خواہشمند افراد کے لیےاچھی خبر آ گئی