سیف علی خان پر حملے کے بعد اداکارہ کرینہ کپور کا پہلا بیان سامنے آگیا
اشاعت کی تاریخ: 16th, January 2025 GMT
بالی ووڈ کے معروف اداکار سیف علی خان کو گذشتہ رات ایک نامعلوم شخص نے ان کے گھر گھس کر چاقو سے حملہ کر کے زخمی کر دیا جس کے بعد انھیں لیلاوتی ہسپتال منتقل کر دیا گیا ہے۔
اس حوالے سے اب بالی ووڈ کی نامور اداکارہ کرینہ کپور کا بیان بھی سامنے آیا ہے جس میں ان کی ٹیم نے کہا ہے کہ سیف علی خان اور کرینہ کپور کے گھر میں گزشتہ رات ڈکیتی کی واردات کی کوشش کی گئی اس دوران سیف علی خان کو شدید چوٹیں آئی ہیں اور وہ اسپتال میں زِیر علاج ہیں۔
کرینہ کپور کی ٹیم کی جانب سے مداحوں سے درخواست کی گئی کہ وہ صبر سے کام لیں اور اس معاملے پر مزید قیاس آرائیاں نہ کریں کیونکہ پولیس اپنی تحقیقات کر رہی ہے۔
یہ بھی پڑھیں: بالی ووڈ اداکار سیف علی خان چاقو حملے میں زخمی، اسپتال منتقل
اداکار سیف علی خان کی ٹیم نے بھی اس معاملے پر باقاعدہ ایک بیان جاری کیا ہے۔ اس بیان میں کہا گیا ہے کہ سیف علی خان کے گھر پر چوری کی واردات کی کوشش کی گئی۔ اس وقت وہ اسپتال میں ہیں اور ان کی سرجری ہو رہی ہے جبکہ پولیس اس معاملے کی چھان بین کر رہی ہے۔
میڈیا رپورٹس کے مطابق، یہ واقعہ جمعرات کی رات تقریباً 2 بجے پیش آیا، اس دوران سیف علی خان کی چور سے ساتھ ہاتھا پائی ہوئی اور وہ زخمی ہوگئے جبکہ حملہ آور فرار ہوگیا۔
یہ بھی پڑھیں: سیف علی خان نے فوٹوگرافرز کو اپنی خواب گاہ میں کیوں بلایا؟
بعدازاں، انہیں لیلاوتی اسپتال میں داخل کرایا گیا۔ اس معاملے میں باندرہ پولیس نے ایک نامعلوم شخص کے خلاف ایف آئی آر درج کرکے تحقیقات شروع کردی ہیں۔
پولیس کے مطابق، سیف کی گردن پر 10 سینٹی میٹر کا زخم ہے، انہیں کل 6 زخم آئے ہیں جن میں سے 2 گہرے زخم ہیں۔ سیف کے ہاتھ اور پیٹھ پر بھی چوٹیں آئی ہیں۔ ان کی پیٹھ میں کوئی تیز دھار چیز گھونپی گئی تھی جسے کل رات آپریشن کے ذریعے نکال دیا گیا۔
ممبئی پولیس کے مطابق جب نامعلوم شخص سیف کے گھر میں داخل ہوا تو اس نے ان کے ہاؤس ہیلپر سے جھگڑنا شروع کردیا۔ سیف علی خان نے مداخلت کرکے نامعلوم شخص کو روکنے کی کوشش کی تو اس نے سیف علی خان پر حملہ کردیا۔ اس کے بعد سیف علی خان زخمی ہو گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیف علی خان سیف علی خان حملہ کرینہ کپور.ذریعہ: WE News
کلیدی لفظ: سیف علی خان سیف علی خان حملہ کرینہ کپور نامعلوم شخص سیف علی خان کرینہ کپور اس معاملے کے گھر
پڑھیں:
کرینہ نے شوہر سیف کو کس چیز پر قصور وار ٹھہرادیا؟
ممبئی(شوبز ڈیسک)بالی وڈ اداکارہ کرینہ کپور نے ایک مضحکہ خیز انکشاف کرتے ہوئے شوہر سیف علی خان کو ان کی خوبصورتی کیلئے قصوروار ٹھہرادیا۔
بیبو نے اپنے انسٹاگرام اکاؤنٹ پر اپنی اور شوہر سیف علی خان کی چند تصاویر پوسٹ کرتے ہوئے یہ مضحکہ خیز انکشاف کیا۔
تصاویر میں کرینہ کپور کو بطور پولیس کردار مہرون شرٹ، بلیک پینٹ اور بلیک شوز پہنے صوفے پر بیٹھے پوز دیتے دیکھا جاسکتا ہے۔
تصاویر میں اگلی تصویر سیف علی خان کی گھڑ سواری کی ہیں جب کہ آخری تصویر بھی سیف کے کلوزاپ کی ہے۔
View this post on InstagramA post shared by Kareena Kapoor Khan (@kareenakapoorkhan)
تصاویر کے کیپشن میں کرینہ نے لکھا کہ ’ ایک پولیس اہلکار کا کردار ادا کیا جس دوران اپنے شوہر کو اس کی خوبصورتی کیلئے قصوروار پایا‘۔
اداکارہ نے اپنی پوسٹ میں مزید لکھا کہ ’ایک ہی دن میں ہم نے مختلف سیٹ، مختلف شہر وں میں بہت محنت سے کام کیا جیسا کہ آپ دیکھ سکتے ہیں‘۔
یاد رہے کہ رواں برس 16 جنوری کو رات 3 بجے کے قریب سیف علی خان کے ممبئی کے باندرا والے گھر میں ڈکیتی کی کوشش کی گئی تھی جسے اداکار نے مزاحمت کرکے ناکام بنادیا تھا۔
مزاحمت کے دوران سیف علی خان پر چاقو سے حملہ کیا گیا جس سے انہیں 6 زخم آئے جن میں سے 2 کافی گہرے تھے، اداکار کو کئی روز اسپتال میں زیر علاج رہنے کے بعد ڈسچارج کیا گیا تھا۔
مزیدپڑھیں:استعمال شدہ موبائل فونز کی خریداری کیلئے نئی شرائط عائد
شمالی وزیرستان میں تیل و گیس کا نیا ذخیرہ دریافت