خاص مدت تک ملازمت کرنیوالے افراد کو پری میچور رٹائرمنٹ کا آپشن دیا جائے گا، اعظم تارڑ
اشاعت کی تاریخ: 16th, January 2025 GMT
اسلام آباد:
سینیٹ کا اجلاس ڈپٹی چیئرمین سیدال خان کی زیر صدارت پارلیمنٹ ہاؤس میں ہوا۔حاجی ہدایت کے سوال پروفاقی وزیر قانون اعظم نذیر تارڑ نے جواب دیتے ہوئے کہا کہ کاروبار کرنا حکومتوں کا کام نہیں، خسارے میں چلنے والے اداروں کی وجہ سے قومی خزانے کو سیکڑوں ارب کا خسارہ برداشت کرنا پڑرہا ہے، ایک خاص مدت تک ملازمت کرنے والے ملازمین کو پری میچور رٹائرمنٹ کا آپشن دیا جائیگا.
انہوں نے کہا کہ کہ جو بینک پرائیویٹائز ہوئے وہ آج بہترین کام کررہے ہیں،تین وزارتیں بند ہوگئی ہیں۔
وقفہ سوالات کے دوران اعظم تارڑ نے بتایا کہ بے نظیر انکم سپورٹ پروگرام میں8,747بے ضابطگیوں کے کیسز رجسٹر ہوئے تھے تاہم انھوں نے وضاحت کی کہ ان بے ضابطگیوں کے باعث کوئی مالی نقصان نہیں ہوا کیونکہ ان تمام کیسز میں رقم کی ریکوری کر لی گئی ہے۔
پروگرام میں 14کروڑ سے زائد کا غبن ہوا، تقریباً 7 کروڑ سے زائد رقم واپس کروالی گئی،12 یا 14سو ارب روپے تقسیم کے دوران 14کروڑ کا غبن اتنا بڑا مسئلہ نہیں، اس میں کاہلی یا سستی بھی ہوئی ہے، اتنی بڑی رقم کے مقابلے میں 14کروڑ کی رقم کا تناسب انتہائی کم ہے۔
تحریک انصاف کے سینیٹرعون عباس نے کہا کہ یہ نہیں ہوسکتا کہ ملازم صبح نوکری پر آئے اور شام کو کہا جائے صبح آپ نا آئیں۔
ڈپٹی چیئرمین سینیٹ نے دوران اجلاس سینیٹر عون عباس کے رویے پر برہمی کا اظہار کرتے ہوئے انہیں وارننگ جاری کی اور کہا کہ وہ ان کے پارلیمانی لیڈر علی ظفر کو اپنے چیمبر میں طلب کر رہے ہیں تاکہ آئندہ نظم و ضبط کو یقینی بنایا جا سکے۔
اجلاس میں پاکستان منرلز ریگولیٹری اتھارٹی بل 2024 پر قائمہ کمیٹی برائے پٹرولیم کی رپورٹ پیش کی۔کھاد پروڈیوسر زکو گیس کی قیمت میں 17ارب روپے کی سالانہ سبسڈی کی فراہمی تفصیلات اور وجوہات سے متعلق قائمہ کمیٹی برائے پٹرولیم کی رپورٹ بھی پیش کی گئی اجلاس جمعے کی صبع ساڑھے دس تک کیلیے ملتوی کردیا گیا۔
ذریعہ: Express News
پڑھیں:
اسرائیل کا دورہ کرنیوالے پاکستانی صحافیوں پر پابندی اور شہریت پر نظرثانی ہوسکتی ہے: طلال چوہدری
پاکستان کی وزارتِ داخلہ کے وزیر مملکت طلال چوہدری نےبتایا ہےکہ اسرائیل کا دورہ کرنے والے پاکستانی صحافیوں پر پابندی لگانے کے ساتھ ان کی شہریت پر بھی نظرثانی کی جاسکتی ہے۔
برطانوی میڈیا کو انٹرویو میں طلال چوہدری نے انکشاف کیا کہ اسرائیل کا دورہ کرنے والے صحافیوں کے معاملے پر وزارت داخلہ اور وزارت خارجہ رابطے میں ہیں۔ پاکستانی پاسپورٹ پر اسرائیل کا سفر نہیں کیا جاسکتا ہے۔
صدر مملکت نے پیٹرولیم لیوی بڑھانے کا آرڈیننس جاری کر دیا
طلال چوہدری نے کہا صحافی یقینا پاکستانی پاسپورٹ پر اسرائیل نہیں گئے ہوں گے، اس کا جائزہ لے رہے ہیں۔ اگر پاکستانی پاسپورٹ پر سفر یا استعمال کیا گیا ہے تو سفر کرنے پر پابندی اور فوجداری کارروائی ہوسکتی ہے۔
خیال رہےکہ مارچ کے وسط میں دس پاکستانی صحافیوں نے تل ابیب اور مقبوضہ بیت المقدس کا دورہ کیا تھا۔
پاکستان کا پاسپورٹ اسرائیل جانے کے لئ کارآمد نہ ہونے کے باوجود یہ لوگ پاکستانی پاسپورٹ پر ہی اسرائیل گئے تھے۔
پنجاب میں بارشوں کی پیشگوئی، لاہور کا موسم کیسارہیگا؟
وزیر داخلہ نے اپنے انترویو میں وضاحت نہیں کہ کہ اسرائیل جانے والے پاکستانی صحافیوں کے خلاف قانونی کارروائی پاکستان پینل کوڈ کی کن سیکشنز کے تحت کی جا سکے گی۔
Waseem Azmet
پارٹی رہنماوں کے ایک دوسرے پر الزامات، عمران خان نے وارننگ دیدی