گوادر ،شہید زکریا یعقوب کی یاد میں ریلی کا انعقاد
اشاعت کی تاریخ: 16th, January 2025 GMT
گوادر(نمائندہ جسارت) گزشتہ روز گوادر میں شہید ہونے والے نوجوان زکریا یعقوب کی یاد میں کینڈل بردار ریلی نکالی گئی۔ ریلی کا آغاز بی اینڈ آر چوک میرین ڈرائیو سے مارچ کرتے ہوئے دی اویس اسکول گوادر کی گلی جہاں زکریا یعقوب کو فائرنگ کرکے شہید کیا گیا تھا وہاں تک ہوا۔ ریلی میں کثیر تعداد میں خواتین اور بچے بھی شریک تھے جنہوں نے زکریا یعقوب کو خراج عقیدت پیش کرنے کے لئے اپنے ہاتھوں میں موم بتیاں اور زکریا یعقوب کے پورٹریٹ اٹھائے رکھے تھے۔ اس موقع پر گوادر کے گلوکار سمیر رحیم نے نظم سناکر زکریا یعقوب کو خراج عقیدت پیش کیا۔ یاد رہے کہ زکریا یعقوب کو تین دن قبل نامعلوم افراد نے گولیاں مارکر شہید کردیا تھا۔ زکریا یعقوب لیویز فورس کے حاضر سروس اہلکار بھی تھے جب کہ وہ کچھ عرصہ قبل گمشدگی کا بھی شکار بنے جسے بعد میں چھوڑ دیا گیا تھا۔
.ذریعہ: Jasarat News
کلیدی لفظ: زکریا یعقوب کو
پڑھیں:
نیو گوادر انٹرنیشنل ائیرپورٹ 20 جنوری سے آپریشنل کرنے کا اعلان
سول ایوی ایشن اتھارٹی ( سی اے اے) نے نیو گوادر انٹرنیشنل ائیرپورٹ کو 20 جنوری سے آپریشنل کرنے کا اعلان کردیا۔
ذرائع سی اے اے نے نیو گوادر انٹرنیشنل ائیرپورٹ کو آپریشنل کرنے کے حوالے سے نوٹم جاری کردیا۔ نوٹم کے مطابق نیو گوادر انٹرنیشنل ائیرپورٹ 20 جنوری سے پروازوں کے لیے آپریشنل ہوگا۔
سی اے اے نے نوٹم جاری کرکے تمام ائیرلائنز کو آگاہ کردیا۔ نیو گوادر انٹرنیشنل ایرپورٹ کے حوالے سے یہ باضابطہ طور پہلا تحریری نوٹم ہے۔ ابتدائی طور پر قومی ائیرلائن پی آئی اے کی پروازیں چلا کر نیو گوادر انٹرنیشنل ائیرپورٹ کو آپریشنل کیا جائے گا۔ ملکی اور غیر ملکی ائیرلائنز نے بھی نیو گوادر انٹرنیشنل ایرپورٹ پر پروازیں چلانے میں دلچسپی کا اظہار کیا ہے۔
توشہ خانہ ٹو کیس :عمران خان اور اہلیہ کا بریت کیلئے اسلام آباد ہائیکورٹ سے رجوع