موسم کی تبدیلی سے ذیابیطس کے مریض متاثر ہوتے ہیں،ڈاکٹر ثانیہ
اشاعت کی تاریخ: 16th, January 2025 GMT
حیدرآباد (اسٹاف رپورٹر) ماہر ذیابیطس ڈاکٹر ثانیہ بشیر نے کہا ہے کہ موسم کی تبدیلی جہاں انسان کے سونے، جاگنے اور کام کرنے کی صلاحیت پر اثر انداز ہوتی ہے وہاں ذیابیطس کے مریضوں کو خاص چیلنچز کا سامنا ہوتا ہے، اس لیے سردی کے موسم میں شوگر کے مریضوں کو اپنی شوگر کا خاص خیال رکھنا چاہیے، اس موسم میں متوازن غذا لیں، چکنائی اور زیادہ میٹھے کھانے سے پرہیز کریں جبکہ خون کی روانی معمول پر رکھنے کیلیے ضروری ہے کہ گرم کپڑے زیب تن کریں، روزانہ ہلکی پھلکی ورزش کریں تاکہ خون میں شوگر نارمل رہے۔ انہوں نے اپنے بیان میں شوگر کے مریضوں کو مفید معلومات دیتے ہوئے کہا کہ خون میں شوگر لیول بڑھنے کی اہم وجوہات ورزش میں سستی، طبیعت میں آرام پسندی، موسم کے حساب سے کھانے پینے کی مقدار میں اضافہ، مختلف اقسام کے حلوہ جات کا استعمال، غیر معمولی نزلہ، زکام، جسم میں انفیکشن کا باعث بنتا ہے جس سے لڑنے والے ہارمونز شوگر میں اضافے کا باعث بنتے ہیں جبکہ ہاتھ کے ٹھنڈے ہونے کی وجہ سے شوگر ٹیسٹ کرنے میں غیر معمولی کمی اور جسم میں پانی کی کمی ہے۔ ڈاکٹر ثانیہ بشیر نے کہا کہ سرد موسم میں جسمانی سرگرمیاں کم ہو جاتی ہیں اور خون کا دوران کم ہو جاتا ہے، خون میں شوگر کی سطح میں فرق آتا رہتا ہے۔ ذیابیطس کے مریض اس موسم میں اپنی صحت کا خاص خیال رکھتے ہوئے شوگر کے تمام مریض مندرجہ ذیل چیزوں پر عمل کرکے سردی کے موسم میں اپنی شوگر کو کنٹرول کرکے بہترین زندگی گزار سکتے ہیں، جیسا کہ گھر کے اندرونی حصے میں ورزش کا اہتمام، روزانہ آدھے گھنٹے کی تیز چہل قدمی لازمی کریں، گرم کھانوں کا انتخاب کریں جس میں سوپ (یخنی والا) اُبلے ہوئے انڈے، سبز چائے اور بلیک کافی جیسی چیزیں نہ صرف انسان کے جسم کو گرم رکھتی ہیں بلکہ اسے فلو نزلہ زکام جیسی بیماریوں سے بھی بچاتی ہیں، پائوں کی صفائی کا خاص خیال رکھیں جبکہ اعتدال میں رہتے ہوئے خشک میوہ جات کا استعمال بھی سردیوں میں شوگر کے مریضوں کے لیے مفید ثابت ہوتا ہے۔ انہوں نے شوگر کے مریضوں کو مشورہ دیا کہ وہ تازہ سبزیاں اور پھلوں کا استعمال، تلی ہوئی اشیاء سے گریز کریں، گھی اور چینی میں بنے ہوئے حلوے سے اجتناب، کیچپ اور سوسز سے پرہیز کریں، پانی کا زیادہ سے زیادہ استعمال کریں اور اپنی شوگر پر نظر رکھیں۔ ڈاکٹر ثانیہ بشیر نے کہا کہ سردیوں میں ذیابیطس کے مریض میں نزلہ، زکام کھانسی اور فلو خطرناک ثابت ہو سکتے ہیں، ویکسین لگوائیں۔ ذیابطیس کے مریضوں کو چاہیے کہ وہ اپنی ڈاکٹر کی ہدایات پر عمل کریں تاکہ سردیوں کے موسم میں ذیابیطس کی پیچیدگیوں سے محفوظ رہ سکیں جبکہ گھر بیٹھے ڈائبٹیز ٹیلی کیئر کی سروس کو استعمال کریں۔
.ذریعہ: Jasarat News
کلیدی لفظ: ذیابیطس کے مریض شوگر کے مریضوں کے مریضوں کو ڈاکٹر ثانیہ میں شوگر
پڑھیں:
فضائی آلودگی سے ذیابیطس جیسی سنگین بیماری بھی ہوسکتی ہے،ماہرین صحت
کراچی:فضائی آلودگی سے ذیابیطس جیسی سنگین بیماری بھی ہوسکتی ہے اور بعض افراد محض کچھ ہی دن میں فضائی آلودگی کے باعث بیماری کا شکار بن سکتے ہیں۔
طبی جریدے میں شائع تحقیق کے مطابق امریکی یونیورسٹی کے ماہرین نے ہر عمر کے افراد پر فضائی آلودگی کے پڑنے والے اثرات کی متعدد تحقیقات اور ڈیٹا کا جائزہ لیا۔
ماہرین نے پایا کہ فضائی آلودگی میں پائے جانا والا خطرناک کیمیکل (benzene metabolites) انسان کے جسم میں داخل ہونے کے بعد طبی پیچیدگیاں بڑھاتا ہے اور اس سے انسولین کی مزاحمت بھی پیدا ہوتی ہے۔
ماہرین کے مطابق مذکورہ مرکب فضائی آلودگی میں پایا جاتا ہے اور اسے ’ایئربورن کیمیکل‘ کے نام سے بھی جانا جاتا ہے، اس کے جسم میں داخل ہونے سے بلڈ شوگر کی سطح نارمل حد سے بڑھ جاتی ہے، جس کا مطلب ہے کہ جسم میں انسولین کی مزاحمت کم ہوجاتی ہے۔
ماہرین کے مطابق فضائی آلودگی سے متعلق کی جانے والی متعدد تحقیقات کے ڈیٹا سے معلوم ہوا کہ فضائی آلودگی کے شکار ہر عمر کے افراد کے پیشاب میں مذکورہ کیمیکل (benzene metabolites) موجود تھا۔
ماہرین کے مطابق بعد ازاں مذکورہ کیمیکل (benzene metabolites) کو چوہوں میں شامل کرکے اس کے اثرات جانچے گئے، جس سے معلوم ہوا کہ اس سے انسولین کی مزاحمت کم ہوتی ہے۔
ماہرین نے بتایا کہ چوہوں کے اندر محض 7 دن کے اندر ہی انسولین کی مزاحمت کم ہوگئی اور ان میں بلڈ شوگر کی سطح زیادہ ہوگئی، جس سے عندیہ ملتا ہے کہ فضائی آلودگی ذیابیطس کا شکار بھی بنا سکتی ہے۔
اس سے قبل فضائی آلودگی سے متعلق کی جانے والی متعدد تحقیقات میں اسے قبل از وقت موت سمیت کئی سنگین بیماریوں کا سبب قرار دیا جا چکا ہے۔
فضائی آلودگی سے جہاں کینسر، امراض قلب، پھیپھڑوں اور سانس لینے میں مشکلات جیسی بیماریاں ہو سکتی ہیں، وہیں اس سے مرد اور خواتین بانجھ پن کا شکار بھی بن سکتے ہیں۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی