الخدمت کی خدمات کا دائرہ وسیع ہو رہا ہے‘نوید علی بیگ
اشاعت کی تاریخ: 16th, January 2025 GMT
کراچی (اسٹاف رپورٹر ) چیف ایگزیکٹو الخدمت کراچی نوید علی بیگ نے کہا ہے کہ الخدمت کی خدمات کا دائرہ وسیع ہو رہا ہے، خدمت کا یہ سفر جاری رہنا چاہیے، کسی بھی ادارے کی ترقی و کام میں بہتری کے لیے باہمی روابط اور ٹیم ورک کی ضرورت سے انکار ممکن نہیں۔ ان خیالات کا اظہار انہوں نے الخدمت ہیڈ آفس میں2024ء کی کاکردگی سے متعلق سالانہ جائزہ اجلاس کی صدارت کرتے ہوئے کیا۔ اجلاس میں ایگزیکٹو ڈائریکٹر الخدمت کراچی راشد قریشی، چیف
فائنانشل آفیسر آصف جمال، ڈائریکٹر آرفن کیئر پروگرام یوسف محی الدین اور الخدمت کے8 پروگرامز تعلیم، صحت، واش پروگرام، مواخات آرفن کیئر پروگرام، ڈیزاسٹر مینجمنٹ ، بنوقابل اور دیگر شعبہ جات کے منیجر اجلاس میں شریک تھے۔ اس موقع پر تمام منیجر نے اپنے اپنے شعبہ جات کی سالانہ کارکردگی رپورٹ پیش کی اور2025ء کے لیے لائحہ عمل پیش کیا۔ نوید علی بیگ نے کہا کہ بلا شبہ الخدمت کے 2024ء میں کیے گئے کام نہایت اہم ہیں اور یہ مثالی کام ہیں، الخدمت ماضی میں بھی ملک و قوم کی مثالی خدمت کرتی رہی ہے مگر ہمیں 2025ء کو سامنے رکھتے ہوئے اس کے لیے محنت کرنا ہوگی اور استعداد کار کو مزید بڑھانا ہوگا۔ انہوں نے مزید کہا کہ ڈونرز اور مخیر حضرات کا اعتماد اور اطمینا ن ہمارے لیے حوصلہ افزاہے۔ ایگزیکٹو ڈائریکٹر الخدمت راشد قریشی نے2024ء کے جائزے کو حوصلہ افزا قرار دیا۔ انہوں نے کہا کہ الخدمت کا ایک بڑا مقصد ہے، اس کے لیے محنت اور جذبے کے ساتھ کام کو وسعت دی جائے گی،2025ء میں مزید بہتری کے لیے جدوجہد کی جائے گی۔ راشد قریشی نے کہا کہ الخدمت کے تمام ملازمین کی پیشہ ورانہ صلاحیتوں میں اضافے کے لیے کورسز کا اہتمام کیا جائے گا۔
ذریعہ: Jasarat News
کلیدی لفظ: کہا کہ کے لیے نے کہا
پڑھیں:
یوتھ پروگرام، نوجوانوں کے لیے شرح قرض بڑھانے کی ہدایت
وزیرِاعظم پاکستان شہباز شریف نے یوتھ پروگرام کے تحت قرض کی رقم کو 5 لاکھ سے بڑھا کر 15 لاکھ کرنے کی ہدایت کی ہے۔چھوٹے اور درمیانے درجے کے کاروباری امور پر جائزہ اجلاس وزیراعظم پاکستان محمد شہباز شریف کی صدارت میں آج اسلام آباد میں منعقد ہوا، جس میں وزیراعظم نے کاروبار کو سہولیات کی فراہمی کیلیے ان کا تفصیلی سروے کرکے جلد مکمل کرنے کی ہدایت کی۔اجلاس میں وزیراعظم نے اس بات پر زور دیا کہ چھوٹے اور درمیانے درجے کے کاروبار کو دی جانے والی سہولیات کو بین الاقوامی تقاضوں سے ہم آہنگ کرنے کیلیے ترقی یافتہ ممالک کے ماڈلز کا اطلاق یقینی بنایا جائے اور چھوٹے پیمانے کے کاروبار میں خواتین انٹرپرینیورز کے لیے خصوصی پیکیج تشکیل دے کر جلد پیش کیا جائے۔وزیراعظم نے کہا کہ دنیا بھر میں ایس ایم ایز معیشت کی ترقی میں کلیدی اہمیت رکھتی ہیں۔ پاکستان کی افرادی قوت کو کاروبار کی ترغیب دینے کیلیے حکومت چھوٹے اور درمیانے درجے کے کاروبار کو سہولت دینے کیلیے پرعزم ہے۔وزیراعظم نے حکومتی وژن پر روشنی ڈالتے ہوئے کہا کہ حکومت نوجوانوں اور خواتین انٹرپرینیورز کو اس قدر بااختیار بنانے کیلیے کوشاں ہے کہ وہ نہ صرف خود روزگار کمائیں بلکہ روزگار کے مزید مواقع پیدا کریں۔اجلاس میں وزیرِاعظم کی خصوصی ہدایات کی روشنی میں ایس ایم ایز کی ترقی و سہولت کیلیے حکومتی اقدامات پر پیش رفت سے آگاہ کیا گیا۔اجلاس کو بتایا گیا کہ وزیرِاعظم کی ہدایت پر عملدرآمد کرتے ہوئے تمام اسٹیک ہولڈرز کو اعتماد میں لینے کے بعد ایس ایم ایز کیلیے قرض کے فارم کو مزید آسان اور سادہ کردیا گیا ہے تاکہ زیادہ سے زیادہ ایس ایم ایز اپنے کاروبار کی بہتری کیلیے قرض کی سہولت سے مستفید ہوسکیں۔مزید برآں ایس ایم ایز کی درجہ بندی اس حوالے سے کی جارہی ہے کہ تمام چھوٹے اور متوسط پیمانے کے کاروبار حکومتی معاونت و سہولیات سے زیادہ سے زیادہ فائدہ اٹھا سکیں اور انہیں بروقت و آسان شرائط پر قرضوں کی فراہمی یقینی ہو۔
جے یو آئی کو زیر عتاب لایا جاتا ہے کہ لوگوں کو لڑاتے کیوں نہیں؟ فضل الرحمان