سیاسی استعمال اور مفاد پرستی
اشاعت کی تاریخ: 16th, January 2025 GMT
بانی پی ٹی آئی کی بہن علیمہ خان کی سوشل میڈیا پر ایک گفتگو زیر بحث ہے جس میں انھوں نے اپنے بھائی کو سونے کا انڈہ دینے والی مرغی سے تشبیہ دی ہے اور ان کے سیاسی استعمال پر باتیں کی ہیں اور پارٹی کے بعض رہنماؤں اور اپنی تیسری بھابھی بشریٰ بی بی سے متعلق اپنے خیالات کا اظہار کیا ہے۔
علیمہ خان ایک غیر سیاسی خاتون ہیں، نہ ان کے پاس پارٹی کا کوئی عہدہ ہے نہ وہ پی ٹی آئی حکومت میں سیاسی طور پر اتنی متحرک تھیں جتنی اب ہیں اور اپنے اسیر بھائی کی رہائی کے مطالبے بھی اپنی بہنوں سے مل کر، کر رہی ہیں ۔ علیمہ خان اپنے بھائی کی واحد بہن ہیں کہ جن پر اپنے بھائی کی حکومت میں مبینہ طور پر کروڑوں روپے کمانے کے الزامات لگے تھے، جس کی انھوں نے وضاحت بھی کی تھی۔ علیمہ خان اپنے بھائی سے جیل میں ملاقاتیں کر کے میڈیا سے کچھ باتیں شیئر کرتی ہیں ۔
بانی پی ٹی آئی کی اہلیہ بشریٰ بی بی اپنے گھر لاہور اور اسلام آباد کو چھوڑ کر چیف منسٹر ہاؤس پشاور میں خود کو محفوظ سمجھ کر رہ رہی ہیں اور اپنے طور سیاست کر رہی ہیں مگر بانی پی ٹی آئی سے اڈیالہ جیل میں زیادہ ملاقاتیں علیمہ خان کی ہوتی ہیں اور وہ میڈیا میں نمایاں رہتی ہیں اور تینوں بہنوں کے بانی پی ٹی آئی کی دو سابق بیویوں کی طرح تیسری بیوی بشریٰ بی بی کے ساتھ تعلقات نہیں ہیں اور بہنوں اور بھابھی کے تعلقات کی خبریں میڈیا میں آتی رہی ہیں اور بہنوں اور بیوی کی طرف سے پی ٹی آئی پر اجارہ داری کی خبریں بھی میڈیا پر گردش کر رہی ہیں۔
حکومت کے بانی پی ٹی آئی کے خلاف مقدمات اور ایسے فیصلوں کے عدالتی اخراج نے واقعی سونے کی چڑیا اور ہما بنا دیا ہے جس سے پارٹی کے باہر کے نئے آنے والوں نے سب سے زیادہ فائدہ اٹھایا اور اس سے قبل جس نے کبھی کونسلر کا الیکشن نہیں لڑا تھا وہ باقی کے سر پر ہاتھ رکھنے سے پارلیمنٹ پہنچ گیا اور ایسے لوگ اب ایک دوسرے پر ترجیح کے لیے ایک دوسرے پر تنقید کر رہے ہیں اور آپس کی سیاسی لڑائی کے لیے اپنے اسیر بانی کو بھی پریشان کر رہے ہیں ۔ کے پی میں بانی کا پنجاب سے زیادہ سیاسی اثر ہے اس لیے وہاں سے کچھ لوگ ممبر قومی اسمبلی منتخب ہوئے تھے ۔
ملک کے بعض بڑے وکلا جو پی ٹی آئی حکومت میں بانی پی ٹی آئی سے دور تھے بعد میں خان کی گرفتاری پر ان کی وکالت کے لیے بھاری فیسیں وصول کرتے رہے پی ٹی آئی میں آئے اور انھوں نے سیاسی مفاد کے لیے فیس کے بجائے بانی سے انتخابی ٹکٹ لیا اور پارلیمنٹ میں پہنچ گئے مگر پی پی میں رہ کر بانی کی حمایت کرنے والے چوہدری اعتزاز احسن واحد نامور وکیل ہیں جنھوں نے پی پی سے وفاداری نبھائی مگر پی ٹی آئی میں شامل ہو کر لاہور سے انتخابی ٹکٹ نہیں لیا جب کہ پی پی دور کے گورنر پنجاب لطیف کھوسہ پی پی چھوڑ کر پی ٹی آئی میں آئے اور قومی اسمبلی کے رکن بن گئے۔
حکومتی رہنما خصوصاً (ن) لیگی بانی پی ٹی آئیپر بہت الزامات لگاتے ہیں مگر انھیں حیرت ہوئی ہوگی بانی پی ٹی آئی سوا سال سے ان کی اپنی لیگی حکومت میں جیل میں ہیں اور مسلسل حکومت کو پریشان کر رہے ہیں اور دو سو حکومتی مقدمات اور سزائیں انھیں جھکانے میں کیوں ناکام رہے اور حکومت کے غلط سیاسی فیصلوں نے انھیں سونے کی چڑیا بنا دیا جس کی زیر عتاب پارٹی نے ان کے جیل میں ہونے کے باوجود فروری کے الیکشن میں حیرت انگیز کامیابی حاصل کی تھی۔
مسلم لیگ ن اور پیپلز پارٹی کے متعدد سینئر سیاستدان بار بار حکومتوں میں رہے اور اب بھی ہیں مگر اقتدار کے باوجود وہ اسیر بانی کی بڑھتی ہوئی مقبولیت کو نہ روک سکے جب کہ بانی ایک بار وزیر اعظم بنا جس کی حکومت اچھی شہرت کی حامل نہ تھی مگر وہ اب بھی جیل میں ان سے زیادہ مقبول ہے۔ عوام کی ایک تعداد اس کی حامیہے اور اسی وجہ سے ان کا سیاسی استعمال ہو رہا ہے اور مفاد پرست ان کی حمایت کرکے فائدے اٹھا رہے ہیں۔
.ذریعہ: Express News
کلیدی لفظ: بانی پی ٹی آئی اپنے بھائی علیمہ خان حکومت میں ہیں اور رہی ہیں جیل میں رہے ہیں کے لیے ہے اور
پڑھیں:
بانی پی ٹی آئی ڈیل کرنا چاہتے ہیں، کرپشن پر ڈیل یا این آر او نہیں ہو گا: عطا تارڑ
اسلام آباد (اپنے سٹاف رپورٹر سے) وزیر اطلاعات عطاء اللہ تارڑ نے کہا ہے کہ عمران خان ڈیل کرنا چاہتے ہیں مگر کرپشن پر ڈیل یا این آر او نہیں ہوگا، سنا ہے عمران خان اپنے لوگوں سے کہتے ہیں کہ مجھے باہر نکالو۔اسلام آباد میں پریس کانفرنس کرتے ہوئے انہوں نے کہا کہ 190 ملین پائونڈ میگا کرپشن کا سکینڈل ہے ایسے کرپشن سکینڈل کی تاریخ میں مثال نہیں ملتی، برطانیہ میں نیشنل کرائم ایجنسی نے شہباز شریف کو بے گناہ قرار دیا، نیشنل کرائم ایجنسی نے وہ پیسہ حکومت پاکستان کو کیوں دیا؟ 190 ملین پائونڈ اس لیے دیئے کیونکہ یہ حکومت پاکستان اور پاکستان کے عوام کا پیسہ تھا، اگر پیسہ ضبط شدہ نہیں تھا تو نیشنل کرائم ایجنسی نے یہ پیسہ پاکستان کے حوالے کیوں کیا؟وزیر اطلاعات نے کہا کہ بانی پی ٹی آئی پاکستان کی تاریخ میں واحد لیڈر ہیں جو کہتے ہیں میرا کوئی سورس آف انکم نہیں ہے، پوری پی ٹی آئی کو چیلنج ہے کہ عمران نیازی کا سورس آف انکم بتا دیں، ذریعہ آمدن نہیں تو لاہور میں پچیس کروڑ روپے کا گھر کیسے بن گیا؟وزیر اطلاعات نے کہا کہ ایک شخص کو 80 سے 90 ارب روپے کا فائدہ دیا گیا، پی ٹی آئی دور حکومت میں کابینہ سے بند لفافے کی منظوری دی گئی، کابینہ کے بند لفافے کے بعد جرمانہ سیٹل کرکے بانی چیئرمین پی ٹی آئی نے اربوں روپے کمائے، انہوں نے اپنے دور میں ہمارے خلاف جھوٹے کیسز بنائے، یہ پاکستان کی تاریخ کا سب سے بڑا میگا کرپشن سکینڈل ہے، بانی چیئرمین پی ٹی آئی، بشریٰ بی بی اور فرح گوگی کے ہاتھ کرپشن میں رنگے ہوئے ہیں۔ وفاقی وزیر اطلاعات و نشریات عطا تارڑ نے کہا ہے کہ پاکستانی ترکیہ کو اپنا دوسرا گھر سمجھتے ہیں، پاکستان اور ترکیہ کے تعلقات دہائیوں پر محیط ہیں۔اسلام آباد میں پاک ترکیہ فرینڈ شپ ریڈیو میوزیم کی افتتاحی تقریب سے خطاب کرتے ہوئے انہوں نے کہا کہ جو قوم اپنے ماضی پر فخر نہیں کرسکتی وہ کبھی ترقی نہیں کرتی۔انہوں نے کہا کہ پاکستان اور ترکیہ کے درمیان دیرینہ دوستی ہے، دونوں ممالک کے تعلقات کئی دہائیوں پر محیط ہیں۔عطاتارڑ کا کہنا تھا کہ ترکیہ میں پاکستانیوں کو قدر کی نگاہ سے دیکھا جاتا ہے ۔
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد