کرکٹ کے بہترمستقبل کیلیے کرکٹر عثمان قادرآسٹریلیا چلے گئے
اشاعت کی تاریخ: 16th, January 2025 GMT
لاہور(اسپورٹس ڈیسک)کرکٹ کے بہتر مستقبل کیلئے کرکٹرعثمان قادرآسٹریلیا چلے گئے۔ انٹرنیشنل کرکٹرعثمان قادر نینیوساوتھ ویلزمیں رہائش اختیار کر لی،وہ ہاکسبری کلب کی جانب سے کھیل رہے ہیں،عثمان قادر نے گزشتہ برس اکتوبرمیں مایوس ہو کر پاکستان کرکٹ سے ریٹائر منٹ لے لی تھی،وہ اپنے مرحوم والد عبدالقادر کی خواہش پر آسٹریلیا چھوڑ کر پاکستان آئے تھے۔عثمان قادر نے سائوتھ آسٹریلیا کی نمائندگی کی،پرتھ اور ایڈیلیڈ کی جانب سے بی بی ایل بھی کھیلی انھیں آسٹریلیا کی پرائم منسٹرالیون کی جانب سے بھی کھیلنے کا اعزاز ملا۔
.ذریعہ: Jasarat News
پڑھیں:
دریا پر نہروں کی تعمیر سے سندھ موت کی وادی مٰں تبدیل ہوجائیگا،قادر مگسی
حیدرآباد (اسٹاف رپورٹر)سندھ ترقی پسند پارٹی کے چیئرمین ڈاکٹر قادر مگسی کی جانب سے سانا کے رہنماؤں مقبول ہالیپوٹو، علی خاصخیلی، جمال ناصر، اعجاز تر، خلیل میم، ستار ہالیپوٹو، غفار سومرو کے اعزاز میں ظہرانہ دیا گیا۔ ظہرانے کے دوران سانا کے رہنماؤں اور سندھ ترقی پسند پارٹی کے چیئرمین ڈاکٹر قادر مگسی کے درمیان سندھ اور پاکستان کی صورتحال پر خیالات کا تبادلہ ہوا۔ اس موقع پر سندھ ترقی پسند پارٹی کے چیئرمین ڈاکٹر قادر مگسی نے کہا کہ سندھ اس وقت انتہائی مشکل صورتحال سے گزر رہا ہے، سندھ کے عوام کو متحد ہو کر جدوجہد کرنی ہوگی۔ سندھ کی زندگی کا واحد ذریعہ سندھ دریائے ہے، جسے چھیننے کے لیے سازشیں کی جا رہی ہیں۔ انہوں نے کہا کہ سندھ دریا پر نہر بنانے سے سندھ کو موت کے وادی میں تبدیل کر دیا جائے گا، جسے سندھ کسی بھی صورت میں قبول نہیں کرے گا۔ انہوں نے مزید کہا کہ سندھ کے پرائیویٹ اسکولوں میں سندھی زبان کی تدریس نہیں کی جا رہی، جس کی وجہ سے ہمارا نیا نسل سندھی زبان لکھنے پڑھنے سے محروم ہو رہا ہے۔ سندھ کی تعلیم تباہ ہو چکی ہے، سندھ کے ہزاروں اسکول بند ہیں۔ جو اسکول چل رہے ہیں، وہاں کسی بھی قسم کی تدریسی سہولتیں میسر نہیں ہیں۔ سندھ کی تاریخ درست طریقے سے نہیں پڑھائی جا رہی۔ سندھ کے محققین اور تاریخ دانوں کو سندھ کی حقیقی تاریخ لکھ کر نئی نسل کو آگاہ کرنا ہوگا۔
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد