مریم نواز کاطالبعلموں کے لیے بڑا اعلان
اشاعت کی تاریخ: 15th, January 2025 GMT
لاہور : وزیراعلیٰ پنجاب مریم نواز نے سکینڈ اور تھرڈ ایئر کے طلبا کو بھی اسکالرشپ دینے کا اعلان کردیا اور کہا آئندہ بجٹ میں اسکالر شپ کی تعداد 30ہزار سے بڑھا کر 50ہزار کریں گے۔
تفصیلات کے مطابق وزیراعلیٰ پنجاب مریم نواز نے سیالکوٹ میں ہونہار طلبہ میں اسکالرشپ تقسیم کرنے کی تقریب سے خطاب کرتے ہوئے کہا کہ طلبہ نے یہ اسکالر شپ اپنی محنت سے حاصل کی ہے، ایک بھی اسکالر شپ کسی سفارش پر نہیں دی گئی ، اسکالرشپ 100فیصدمیرٹ پر دی گئی ہے۔وزیراعلیٰ پنجاب کا کہنا تھا کہ اسکالرشپ پروگرام 72 ارب روپےکا ہے ، اسکالرشپ توگھربیٹھےبھی دی جاسکتی تھیں لیکن جومحبتیں اورچہرےپرمسکراہٹیں دیکھیں وہ گھربیٹھےنہیں دیکھ سکتی تھی۔
انھوں نے کہا کہ 30ہزار اسکالرشپ کم ہیں اس سے کہیں زیادہ ہونی چاہئیں، سکینڈ اور تھرڈ ایئر کے بچے بھی قابل ہیں ان کو بھی اسکالرشپ ملیں گی، آئندہ بجٹ میں اسکالر شپ کی تعداد 30 ہزار سے بڑھا کر 50ہزار کریں گے۔وزیراعلیٰ کا مزید کہنا تھا کہ پاکستان میں 60 فیصد آبادی نوجونوں پرمشتمل ہے، نوجوان میری پہلی ترجیح ہیں، جومعیشت ڈوب رہی تھی وہ مستحکم ہورہی ہے، اسٹاک مارکیٹ ریکارڈ توڑ رہی ہے۔
انھوں نے کہا کہ والدین کا بوجھ کم کرکےمیں اٹھاؤں گی، بچوں کی دی گئی تصاویر میرااثاثہ ہے اپنے دفترمیں لگاؤں گی، اگر ابھی اسٹیج ٹوٹنے کا ڈر نہ ہوتا تو کہتی سب اسٹیج پر آجاؤ۔وزیراعلیٰ نے طلبا کو خوشخبری سناتے ہوئے کہا کہ اسکالرشپس کے بعدلیپ ٹاپس کی پہلی کھیپ آگئی ہے، جن بچوں کے65فیصدکےزائدنمبرز ہیں سب کو لیپ ٹاپ ملیں گے اور جلد ایک لاکھ الیکٹرک بائیکس نوجوانوں کو دوں گی، پنجاب کی حکومت آپ کی ہےآپ کے میرٹ کواون کرے گی۔
.ذریعہ: Daily Ausaf
پڑھیں:
القادر یونیورسٹی میرے پاس آگئی، وہاں کے بچوں کو بھی اسکالر شپ دونگی، مریم نواز
القادر یونیورسٹی میرے پاس آگئی، وہاں کے بچوں کو بھی اسکالر شپ دونگی، مریم نواز WhatsAppFacebookTwitter 0 17 January, 2025 سب نیوز
اوکاڑہ (سب نیوز )وزیراعلی پنجاب مریم نواز کا کہنا ہے 190 ملین پانڈ کیس کے بعد القادر یونیورسٹی میرے پاس آگئی ہے، وہاں کے بچوں کو بھی اسکالر شپ دوں گی، والد نے 45 سال ملک کی خدمت کی پھر بھی چور چور کہا گیا، آج عدالت میں دوسروں کو چور کہنے والے وزیراعظم پر رشوت لینا ثابت ہوگیا۔
اوکاڑہ میں تقریب سے خطاب کرتے ہوئے مریم نواز کا کہنا تھا ملک کو نفرت نہیں اتحاد چاہیے، ملک کو انتشار نہیں امن چاہیے، میرا دل چاہتا ہے کہ بچوں کے ہاتھوں میں اسکالرشپ دوں پیٹرول بم نہیں، جن بچوں کو پیٹرول بم دیے گئے وہ آج جیلوں میں ہیں، انہیں پولیس پرحملوں کی ترغیب دی گئی، نوجوانوں کو ترغیب دی گئی کہ سوشل میڈیا پر جو دیکھیں اس پر آنکھیں بند کرکے یقین کر لیں، جنہیں ورغلایا گیا وہ آج جیلوں میں ہیں۔مریم نواز کا کہنا تھا میرے والد نے 45 سال ملک کی خدمت کی ہے، نواز شریف کو اقامہ پر نکالا گیا، مجھے اپنے والد کے ساتھ کھڑے ہونے کی سزا دی گئی۔
انہوں نے کہا کہ آج 190 ملین پانڈ کیس کا فیصلہ آیا، القادر ٹرسٹ کیس میں چوری ثابت ہوئی، عمران خان پہلا وزیراعظم ہے جو چوری کرتے ہوئے رنگے ہاتھوں پکڑا گیا، بانی پی ٹی آئی عمران خان پہلے وزیراعظم ہیں جن کو کرپشن پر سزا سنائی گئی۔مریم نواز نے کہا کہ والد نے 45 سال ملک کی خدمت کی پھر بھی چور چور کہا گیا، آج عدالت میں دوسروں کو چور کہنے والے وزیراعظم پر رشوت لینا ثابت ہوگیا۔
وزیر اعلی پنجاب کا کہنا تھا کہ آج کے فیصلے کے بعد پاکستان اسٹاک مارکیٹ میں تیزی دیکھی گئی، یہ شخص اسی اڈیالہ جیل میں قید ہیں جس میں نواز شریف اور میں قید تھے، میرے سیل میں کیمرے لگائے گئے تھے، جیل میں ایک وقت کا کھانا دیا جاتا تھا، اچھی بات ہے میرا وزن کم ہو گیا۔ان کا کہنا تھا وقت ہمیشہ ایک جیسا نہیں رہتا، اس شخص کو جیل میں اچھا کھانا اور دیگرسہولیات مل رہی ہیں ہمیں کوئی اعتراض نہیں ہے۔ مریم نواز کا کہنا تھا القادر یونیورسٹی سرکاری تحویل میں دے دی گئی ہے، اب وہ یونیورسٹی میرے پاس آگئی ہے، القادر یونیورسٹی کے طلبا کو بھی اسکالرشپ دی جائے گی۔
حکومت اور اپوزیشن مذاکرات: سپیکر نے دونوں کمیٹیوں کا اجلاس 15 جنوری کو طلب کرلیا