چین نے ہمیشہ سری لنکا کو اپنی ہمسائیگی سفارت کاری میں اہم مقام دیا ہے، چینی صدر
اشاعت کی تاریخ: 15th, January 2025 GMT
بیجنگ: چینی صدر شی جن پھنگ سے بیجنگ کے عظیم عوامی ہال میں سری لنکا کے صدر انورا کمارا ڈسانائیکے نے ملاقات کی، جو چین کے سرکاری دورے پر موجود ہیں۔بدھ کے روزشی جن پھنگ نے نشاندہی کی کہ چین اور سری لنکا کی روایتی دوستی ہے۔ چین نے ہمیشہ سری لنکا کو اپنی ہمسائیگی سفارت کاری میں اہم مقام دیا ہے اور ہمیشہ سری لنکا کے اقتدار اعلیٰ اور علاقائی سالمیت کے تحفظ میں حمایت کی ہے۔چین سری لنکا کی جانب سے اپنے قومی حالات کے مطابق آزادانہ ترقی کی راہ تلاش کرنے کو سراہتا ہے ۔
چین اقتصادی ترقی پر توجہ مرکوز کرنے، بیلٹ اینڈ روڈ انیشی ایٹو کی مشترکہ تعمیر، جدید زراعت، ڈیجیٹل معیشت، سمندری معیشت اور دیگر شعبوں میں اعلیٰ معیار کے تعاون کو فروغ دینے میں فعال طور پر سری لنکا کی حمایت کرے گا۔ انورا کمارا ڈسانائیکے نے کہا کہ چین ہمیشہ سری لنکا کا قابل اعتماد دوست اور شراکت دار رہا ہے۔ سری لنکا چین کے ساتھ اپنے تعلقات کو بہت اہمیت دیتا ہے اور ایک چین کے اصول پر مضبوطی سے عمل پیرا ہے۔ سری لنکا مشترکہ طور پر “بیلٹ اینڈ روڈ” کی تعمیر کے لیے پرعزم ہے اور سری لنکا میں سرمایہ کاری اور کاروبار کرنے کے لیے مزید چینی کمپنیوں کا خیرمقدم کرتا ہے۔
انہوں نے کہا کہ سری لنکا چین کے ساتھ انفراسٹرکچر، توانائی، زراعت، مالیات، غربت میں کمی، ڈیجیٹل تبدیلی، سیاحت، سمندر، اور اہلکاروں کی تربیت جیسے شعبوں میں تعاون کو مضبوط بنانے کا خواہاں ہے ۔بات چیت کے بعد، دونوں سربراہان مملکت نے مشترکہ طور پر “بیلٹ اینڈ روڈ” تعاون منصوبے کی مشترکہ تعمیر اور چین کو زرعی مصنوعات کی برآمد، عوامی فلاح و بہبود ، خبروں اور نشریات وغیرہ کے حوالے سے متعدد دوطرفہ تعاون کی دستاویزات پر دستخطوں کا مشاہدہ کیا۔
.ذریعہ: Daily Mumtaz
کلیدی لفظ: ہمیشہ سری لنکا چین کے
پڑھیں:
حکومت پاکستان کا آزاد کشمیر میں ایئرپورٹ تعمیر کرنے کا فیصلہ
وفاقی حکومت نے سمندر پار پاکستانیوں کے مطالبے پر آزاد جموں وکشمیر میں انٹرنیشنل ایئرپورٹ بنانے کا فیصلہ کر لیا ہے۔سمندر پار پاکستانیوں کے دیرینہ مطالبے پر وفاقی حکومت نے آزاد جموں وکمشمیر میں بین الاقوامی ایئرپورٹ بنانے کا فیصلہ کر لیا ہے۔اس حوالے سے کچھ عرصہ قبل وزیراعظم شہباز شریف کو اس سلسلے میں کشمیری نژاد برطانوی ممبران پارلیمنٹ کا لکھا گیا ایک خط بھی منظر عام پر آیا ہے جس میں اس مطالبے کی حمایت کی گئی ہے۔برطانوی ارکان پارلیمنٹ نے وزیراعظم شہباز شریف کو خط لکھ کر آزاد کشمیر میں ایئرپورٹ کی تعمیر پر زور دیا تھا۔اوور سیز پاکستانیوں کے پرزور مطالبہ کے بعد وفاقی حکومت کی ہدایت پر اسلام آباد میں ایئرپورٹس اتھارٹی نے اس منصوبے کے لیے کنسلٹنسی فرم کی خدمات حاصل کرنے کا اشتہار بھی جاری کر دیا ہے۔حکام کے مطابق اہل کنسلٹنٹس طے شدہ طریقہ کار کے مطابق ٹینڈر کے عمل میں حصہ لے سکتے ہیں۔
دریں اثناء اوورسیز پاکستانیوں کا پہلا سالانہ کنونشن آج اسلام آباد میں شروع ہوگا۔ اس کنونشن کا مقصد بیرون ملک مقیم پاکستانیوں کی قومی معیشت میں شراکت کو تسلیم کرنا ہے۔حکومت نے کنونشن میں شرکت کرنے والے سمندر پار پاکستانیوں کو ریاستی مہمانوں کا درجہ دے دیا ہے۔اوورسیز پاکستانیز کنونشن ایک ایسا پلیٹ فارم فراہم کرے گا، جہاں سمندر پار پاکستانیوں کے ساتھ حکومتی نمائندے اور قومی ادارے ایک چھت کے نیچے اکٹھے ہوں گے۔اس کی سہولت کے لیے مختلف سرکاری محکموں کے ہیلپ ڈیسک قائم کیے گئے ہیں تاکہ سمندر پار پاکستانیوں کو ایک ہی جگہ پر معلومات، رہنمائی اور خدمات فراہم کی جا سکیں۔ایک ویڈیو پیغام میں وزیر اوورسیز پاکستانیز چوہدری سالک حسین نے سمندر پار پاکستانیوں کی فلاح و بہبود اور ان کے مسائل کے حل کے لیے حکومت کے عزم کا اظہار کیا ہے۔انہوں نے کہا کہ یہ پہلا موقع ہے کہ اوورسیز پاکستانیز کنونشن کا انعقاد کیا جا رہا ہے اور بیرون ملک مقیم پاکستانیوں کی آراء اور تجاویز کا خیر مقدم کیا جائے گا۔وزیر مملکت برائے سمندر پار پاکستانی عون چوہدری نے پاکستان کی معیشت میں سمندر پار پاکستانیوں کے کردار کو سراہا اور کہا کہ سمندر پار پاکستانیوں کے دل پاکستان کے لیے دھڑکتے ہیں۔
آخری معرکہ! مایوس ہیں نہ محروم ہیں ہم