الیکٹرک گاڑیوں کے چارجنگ سٹیشنز کے منصوبے کو تیز تر تکمیل کی طرف لے جایا جائے:وزیراعظم کی ہدایت
اشاعت کی تاریخ: 15th, January 2025 GMT
اسلام آباد:وزیراعظم شہباز شریف نے پاکستان میں الیکٹرک وہیکلز (EVs) کے فروغ کے لیے چارجنگ سٹیشنز کے منصوبے کو تیز رفتار سے مکمل کرنے کی ہدایت کی ہے تاکہ ماحولیاتی آلودگی کو کم کیا جا سکے۔ انہوں نے کہا کہ دنیا بھر میں ماحولیاتی تبدیلی کے اثرات پر گہری تشویش ہے، اور اگر پاکستان روایتی ایندھن کی گاڑیوں کے بجائے الیکٹرک گاڑیوں کو ترجیح دے، تو آلودگی میں نمایاں کمی لائی جا سکتی ہے۔
وزیراعظم نے کہا کہ الیکٹرک گاڑیوں کا استعمال پاکستان کے خزانے پر امپورٹڈ ایندھن کے بوجھ کو کم کرنے میں مددگار ثابت ہو گا۔ وزارت توانائی نے چارجنگ اسٹیشنز کے لیے بجلی کے ٹیرف میں 45 فیصد کمی کر کے 70 روپے سے کم کر کے 40 روپے فی یونٹ کر دیا ہے، جس سے نہ صرف الیکٹرک گاڑیوں کی استعمال کی لاگت کم ہو گی بلکہ اس شعبے میں مزید سرمایہ کاری کی حوصلہ افزائی ہو گی۔
وزیراعظم نے وزیر توانائی اویس لغاری اور ان کی ٹیم کی محنت کو سراہا اور کہا کہ اس فیصلے سے سرمایہ کاروں کو اعتماد حاصل ہو گا اور وہ اس شعبے میں مزید سرمایہ کاری کریں گے۔ انہوں نے اس منصوبے کی تشہیری مہم شروع کرنے کی ہدایت بھی کی تاکہ عوام کو الیکٹرک گاڑیوں کے فوائد کے بارے میں آگاہ کیا جا سکے۔
شہباز شریف نے مزید کہا کہ ماحول دوست منصوبے نہ صرف ماحولیاتی بہتری کے لیے ضروری ہیں بلکہ یہ پاکستان کی معیشت کے لیے بھی فائدہ مند ثابت ہوں گے۔
.ذریعہ: Nai Baat
پڑھیں:
چیئرمین سی ڈی اے کا سرینا، جناح ایونیو انٹرچینج اور ایف ٹین راؤنڈ آباؤٹ منصوبوں کا دورہ، جلد کام مکمل کرنے کی ہدایت
چیئرمین سی ڈی اے کا سرینا، جناح ایونیو انٹرچینج اور ایف ٹین راؤنڈ آباؤٹ منصوبوں کا دورہ، جلد کام مکمل کرنے کی ہدایت WhatsAppFacebookTwitter 0 16 January, 2025 سب نیوز
اسلام آباد (سب نیوز) چیئرمین سی ڈی اے محمد علی رندھاوا نے متعلقہ افسران کے ہمراہ سرینا، جناح ایونیو انٹرچینج اور ایف ٹین راؤنڈ آباؤٹ منصوبوں کا دورہ کیا۔
چیئرمین سی ڈی اے محمد علی رندھاوا نے سرینا انٹرچینج منصوبے پر جاری تعمیراتی سرگرمیوں کا جائزہ لیا۔
چیئرمین سی ڈی اے کو منصوبے پر جاری تعمیراتی سرگرمیوں کے حوالے سے متعلقہ افسران کی بریفننگ دی گئی ۔
بریفننگ میں بتایا گیا کہ سرینگر ہائی وے پر زیر تعمیر دونوں انڈر پاسسز پر اسفالٹ کے کام کا آغاز جلد کر رہے ہیں،
سرینا انٹرچینج انڈر پاس کے اطراف بیوٹیفکیشن اور ہارٹیکلچر کام تیزی سے جاری ہے،
چیئرمین سی ڈی اے نے ہدایت کی کہ منصوبے کے اطراف دیدہ زیب لینڈ سکیپنگ اور ہارٹیکلچر کا کام کو جلد مکمل کیا جائے،
چیئرمین سی ڈی اے نے منصوبے کو خوبصورت بنانے کیلئے گرین بیلٹس پر خوبصورت اور پرکشش شجرکاری کے کام کو جلد از جلد مکمل کرنے کی ہدایت کی
چیئرمین سی ڈی اے محمد علی رندھاوا نے کہا کہ منصوبے پر 24/7 تعمیراتی سرگرمیاں جاری رکھ کر جلد از جلد مکمل کیا جائے،
ہر حال میں تعمیراتی کاموں کے اعلیٰ معیار کو یقینی بنایا جائے، چیئرمین سی ڈی اے کی ہدایت کی
چیئرمین سی ڈی اے نے ہدایت کی کہ کوالٹی کے معیار پر کسی بھی قسم کا سمجھوتہ ہرگز برداشت نہیں کیا جائے گا،
چیئرمین سی ڈی اے کا ایف ایٹ انٹرچینج منصوبے کا دورہ اور وہاں تعمیراتی سرگرمیوں کا معائنہ کیا۔
چیئرمین سی ڈی اے کو منصوبے پر جاری تعمیراتی سرگرمیوں کے حوالے سے متعلقہ افسران کی بریفننگ دی گئی ۔
چیئرمین سی ڈی اے نے ہدایت کی کہ ایف ایٹ انٹرچینج منصوبے کے اطراف سافٹ لینڈ سکیپنگ کا کام فورا شروع کیا جائے،
چیئرمین سی ڈی اے محمد علی رندھاوا نے ایف ٹین راؤنڈ آباؤٹ پر تعمیراتی کاموں کا جائزہ بھی لیا ۔
چیئرمین سی ڈی اے کو بریفننگ دی گئی کہ ایف ٹین راؤنڈ آباؤٹ کی تکمیل سے ٹریفک بغیر کسی رکاوٹ کے جناح ایونیو سے ناظم الدین تک جائے گئی،
ایف ٹین راونڈ آباؤٹ کی تعمیر سے جناح ایونیو پر شہریوں کو بغیر رکاوٹ کے ٹریفک کی سہولت ملے گی،
جناح ایونیو انٹرچینج منصوبے کی تکمیل کے ساتھ ہی ایف ٹین راؤنڈ آباؤٹ کا تعمیراتی کام بھی مکمل کرلیا جائے گا،
چیئرمین سی ڈی اے نے ہدایت کی کہ تعمیراتی سرگرمیوں کے ساتھ ساتھ منصوبے کے اطراف مزید شجر کاری کی جائے،
چیئرمین سی ڈی اے نے جناح ایونیو انٹرچینج منصوبے کے اطراف بیوٹیفکیشن کے کام کو بھی بروقت مکمل کرنے کی ہدایت کی اور کہا کہ تعمیراتی کاموں کے اعلیٰ معیار کو ہر حال میں یقینی بنایا جائے،
کنسلٹنٹس اور ریزیڈنٹ انجنئیرز سائٹ پر معیار اور تیز تر تعمیراتی سرگرمیوں کو یقینی بنائیں،
حکومت اور اپوزیشن مذاکرات: سپیکر نے دونوں کمیٹیوں کا اجلاس 15 جنوری کو طلب کرلیا