شادی کے لیے اسلام قبول کرنا کیسا تجربہ تھا، شرمیلا ٹیگور نے ساری تفصیل بیان کردی
اشاعت کی تاریخ: 15th, January 2025 GMT
بالی ووڈ کی ماضی کی معروف اداکارہ شرمیلا ٹیگور نے ایک انٹرویو میں اپنی محبت کی کہانی سنائی اور بتایا کہ انہوں نے شادی سے قبل کیسے اسلام قبول کیا تھا۔
شرمیلا ٹیگور نے بتایا کہ جب انہوں نے منصور علی خان جنہیں ٹائیگر پٹودی بھی کہا جاتا تھا، سے شادی کرنے کا فیصلہ کیا تو انہیں معاشرتی مخالفت کا بھی سامنا کرنا پڑا کیونکہ منصور پٹودی اور شرمیلا ٹیگور دونوں مختلف مذاہب سے تعلق رکھتے تھے اور اُس دور میں بین المذاہب شادیوں کا تصور آسان نہیں تھا۔
یہ بھی پڑھیں: کیا سیف علی خان پٹودی محل کو میوزیم میں تبدیل کرنا چاہتے ہیں؟
ایک انٹرویو میں شرمیلا ٹیگور نے یہ انکشاف کیا کہ انہوں نے شادی کے لیے اسلام قبول کیا تھا اور ٹائیگر پٹودی نے ان کا نام عائشہ بیگم تجویز کیا تھا۔ شرمیلا نے اپنی ساس، نواب بیگم ساجدہ سلطان آف بھوپال سے پہلی ملاقات کے بارے میں بھی بات کی۔ انہوں نے کہا، جب میں پہلی بار اپنی ساس سے ملیں تو وہ بہت گھبرائی ہوئی تھیں۔ انہوں نے مجھ سے پوچھا، ’تم میرے بیٹے کے بارے میں کیا سوچتی ہو؟‘ میں نے انہوں نے جواب دیا، ’مجھے وہ پسند ہے‘۔ پھر انہوں نے سوال کیا، ’تمہارا ارادہ کیا ہے؟‘ جس پر شرمیلا نے کہا، ’مجھے ابھی تک کچھ نہیں پتا میں نے ابھی انہیں جاننا ہے۔ مجھے ان سے بہت محبت ہے اور آپ انہیں مجھ سے زیادہ عرصہ سے جانتی ہیں‘۔
سمی گریوال کے ساتھ گفتگو کے دوران انہوں نے کہا، ’یہ نہ تو بہت آسان تھا اور نہ ہی بہت مشکل، لیکن اسے سمجھنا اور برداشت کرنا ضروری تھا‘۔ انہوں نے مزید کہا کہ اس سے پہلے وہ مذہب سے خاص تعلق نہیں رکھتی تھیں لیکن اب انہیں لگتا ہے وہ ہندوازم اور اسلام کے بارے میں زیادہ سمجھتی ہیں۔
یہ بھی پڑھیں: میرے دونوں بچے مذہب اسلام کی پیروی کرتے ہیں، سنیتا مارشل
اپنے ایک پرانے انٹرویو میں اداکارہ نے یہ بھی بتایا تھا کہ جب وہ ٹائیگر پٹودی سے شادی کر رہی تھیں تو انہیں جان سے مارنے کی دھمکیاں مل رہی تھیں۔ ان کے والدین کو ٹیلیگرام مل رہے تھے جن میں کہا جا رہا تھا کہ گولیاں بولیں گی اور ٹائیگر کے خاندان کو بھی ایسی ہی دھمکیاں ملیں جس سے وہ کافی پریشان ہو رہے تھے تاہم اس کے باوجود شادی بالکل خیریت سے ہوگئی اور کوئی غیر معمولی واقعہ پیش نہیں آیا۔
واضح رہے کہ مشہور بھارتی اداکارہ شرمیلا ٹیگور کو اپنے دور کی بہترین اداکاراؤں میں سے ایک مانا جاتا تھا، یہاں تک کہ وہ فلم کے لیے سب سے زیادہ معاوضہ لینے والی اداکارہ بن گئی تھیں، انہوں نے اسلام قبول کیا اور مشہور کرکٹر منصور علی خان پٹودی سے شادی کی، جس کے بعد نام تبدیل کرکے عائشہ سلطانہ رکھا گیا۔
شرمیلا ٹیگور کی شادی نواب منصور علی خان پٹودی سے 27 دسمبر 1968 میں ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیف علی خان شرمیلا ٹیگور منصور علی خان.ذریعہ: WE News
کلیدی لفظ: سیف علی خان منصور علی خان منصور علی خان اسلام قبول انہوں نے کے لیے
پڑھیں:
توشہ خانہ ٹوکیس؛اسلام آباد ہائیکورٹ کی درخواست گزاروں کے وکلا کو آفس اعتراضات دور کرنے کی ہدایت
اسلام آباد(ڈیلی پاکستان آن لائن)اسلام آباد ہائیکورٹ نے توشہ خانہ ٹوکیس میں درخواست گزاروں کے وکلا کو آفس اعتراضات دور کرنے کی ہدایت کردی۔
نجی ٹی وی چینل جیو نیوز کے مطابق اسلام آباد ہائیکورٹ میں توشہ خانہ ٹو کیس پر رجسٹرار آفس کے اعتراضات کیخلاف درخواست پر سماعت ہوئی، جسٹس میاں گل حسن اورنگزیب نے سماعت کی ،درخواستگزاروں کے وکیل ایڈووکیٹ سلمان صفدر عدالت میں پیش ہوئے۔عدالت نے استفسار کیا کہ اعتراضات کیا ہیں،سلمان صفدر نے کہاکہ مصدقہ کا پیز ساتھ منسلک نہ ہونے کا اعتراض عائد کیا گیا، تمام آرڈرز مصدقہ کاپیز کے ساتھ منسلک کردی ہیں،سب لوگوں کو سردیوں کی چھٹیاں ملیں ہمیں نہیں ملیں،ہفتہ میں ٹرائل کی تین سماعتیں ہورہی ہیں،عدالتی اوقات کار کے علاوہ بھی ٹرائل کی سماعتیں ہورہی ہیں،ٹرائل کورٹ کی کوشش تھی کہ سردیوں میں ہی کیس نمٹا دیں،سات گواہ ہو چکے آج کیلئے بھی تین گواہ عدالت نے رکھے ہوئے ہیں،توشہ خانہ ٹو کیس کا ٹرائل تیزی سے آگے بڑھ رہا ہے،کال اپ نوٹسز کے وقت بھی عدالت آیا تھا، ایک ہی معاملے میں چوتھی دفعہ ٹرائل کیا جارہا ہے،عدالت نے کہا کہ کیا ہائیکورٹ، ٹرائل کورٹ کو کہہ دے کہ ٹرائل تیز نہ چلائیں؟عدالت نے درخواست گزاروں کے وکلا کو آفس اعتراضات دور کرنے کی ہدایت کردی،رجسٹرار آفس کے اعتراضات دور کرنے کی ہدایت کرتے ہوئے سماعت ملتوی کردی گئی۔
سندھ حکومت کا ناکارہ سرکاری گاڑیاں ایک ماہ میں نیلام کرنے کا فیصلہ
مزید :
جے یو آئی کو زیر عتاب لایا جاتا ہے کہ لوگوں کو لڑاتے کیوں نہیں؟ فضل الرحمان