لاہور میں 200 سے زائد مقامات پر فری وائی فائی سروس فراہم
اشاعت کی تاریخ: 15th, January 2025 GMT
لاہور(نیوز ڈیسک)لاہور میں 200 سے زائد مقامات پر فری وائی فائی سروس فراہم کر دی گئی۔سیف سٹی نے پنجاب کے 11 اضلاع میں مفت وائی فائی سروس فراہم کردی ہے، 270 وائی فائی ہاٹ اسپاٹس سے شہریوں کو انٹرنیٹ کی فراہمی کی جارہی ہے۔ لاہور، قصور، ناننکانہ صاحب، شیخوپورہ، سیالکوٹ، گجرات، جہلم، اٹک، ساہیوال، اوکاڑہ اور مری کے اہم مقامات پر مفت وائی فائی سروس دستیاب ہوگی۔
ترجمان سیف سٹیز کے مطابق اب تک 13 ملین سے زائد صارفین نے 265 ٹی بی ڈیٹا استعمال کیا، شہری مفت وائی فائی سروس سے استفادہ کر کے اپنی روزمرہ زندگی کو آسان بنا رہے ہیں۔ ترجمان سیف سٹیز نے کہا کہ وزیر اعلیٰ کے احکامات پر پنجاب کو ڈیجیٹل صوبہ بنا رہے ہیں، فری وائی فائی ویڈیو اسٹریمنگ یا انٹرٹینمنٹ کیلئے نہیں ہے۔
چیمپئینز ٹرافی میچز کیلئے ٹکٹوں کی قیمت سامنے آگئی
.ذریعہ: Daily Ausaf
کلیدی لفظ: وائی فائی سروس
پڑھیں:
یو اے ای نے رشتہ داروں یادوستوں کو بلانے کیلئے آن لائن سروس متعارف کروادی
دبئی(اردوپوائنٹ اخبار تازہ ترین۔18 جنوری 2025)متحدہ عرب امارات کی وفاقی اتھارٹی برائے شناخت، شہریت، کسٹمز اور پورٹ سیکیورٹی نے یو اے ای میں رہنے والے رہائشیوں کو اپنے دوستوں ورشتہ داروں کو بلانے کیلئے آن لائن ویزاسروس متعارف کروادی، یہ ویزا سروس30سے 90 دنوں تک کارآمد ہوگی اور قیام کے دوران مزید توسیع کیلئے درخواست دی جا سکتی ہے۔۔ آن لائن ویزاسروس کے حصول کیلئے درخواست دینے والے شہری کو اپنا تصدیقی پاسپورٹ ،ہیلتھ انشورنس سرٹیفکیٹ سمیت سفری ٹکٹ کی تمام تفصیلات بھی فراہم کرنا ہونگی۔متحدہ عرب امارات کی وفاقی اتھارٹی برائے شناخت، شہریت، کسٹمز اور پورٹ سیکیورٹی حکام کے مطابق اس ویزا سروس کے حصول کی سہولت متحدہ عرب امارات کے شہریوں یا غیر ملکی باشندوں کے نہایت قریبی رشتہ داروں کیلئے دی گئی ہے۔(جاری ہے)
حکام کا یہ بھی کہنا ہے کہ آن لائن سروس کے تحت ایک بار یا اس سے زیادہ مرتبہ یو اے ای میں آنے والے افراد کیلئے اس ویزا سروس کی مدت 30سے 90دنوں تک رہتی ہے۔
مزید قیام کے دوران توسیع کیلئے درخواست دی جا سکتی ہے۔ حکام نے مزید کہا ہے کہ وہ یو اے ای میں آنے والے شہریوں کو مقررہ ٹائم سے زیادہ قیام کرنے اور جرمانے سے بچنے کیلئے اپنے ویزا کی مدت تک یہاں رہنے پر زوردیا جاتا ہے۔درخواست دینے والے افراد کلائنٹ اتھارٹی کی ویب سائٹ یا موبائل ایپلیکیشن پر اپنی ڈیجیٹل شناخت کو ظاہر کرکے دی گئی مطلوبہ ویزہ کی قسم اور مدت کا انتخاب کرکے اپنی تفصیلات کی درستگی کی تصدیق کے بعد اپنی درخواست جمع کر کے آسانی سے اس سروس کو حاصل کر سکتے ہیں۔آن لائن ویزا سروس کے حصول کیلئے درخواست گزار کے پاس6 ماہ سے زیادہ کا درست پاسپورٹ، سفری ٹکٹ، درست ہیلتھ انشورنس، اور ویزا ہولڈر کا متحدہ عرب امارات کے شہری کا دوست یا رشتہ دار یا فرسٹ یا سیکنڈ ڈگری کا غیر ملکی رہائشی ہونا ضروری ہے جبکہ غیر ملکی شہریوں کو اتھارٹی کی طرف سے درجہ بندی کے مطابق پہلے یا دوسرے درجے کی نوکری کرنی چاہیے۔متحدہ عرب امارات کی وفاقی اتھارٹی برائے شناخت، شہریت، کسٹمز اور پورٹ سیکیورٹی اتھارٹی کے ڈائریکٹر جنرل میجر جنرل سہیل سعید الخیلی نے اس حوالے سے مزید کہا ہے کہ اس ویزا سروس کو اپنے رشتہ داروں اور دوستوں کو دوبارہ ملانے میں سہولت فراہم کرنے کیلئے ڈیزائن کیا گیا ہے جس سے کمیونٹی میں معیار زندگی بہتر ہو گا۔ان کایہ بھی کہنا تھا کہ اس اقدام کا مقصداپنے دوستوں اور رشتہ داروں کو متحدہ عرب امارات کا دورہ کرنے اوروہاں رہنے اور سرمایہ کاری کے فوائد سے لطف اندوز ہونے کی اجازت دیتا ہے۔ سہیل سعید الخیلی نے آن لائن سروس ویزا کی مخصوص مدت پر عمل کرنے کی اہمیت پر زور دیتے ہوئے متنبہ کیا ہے کہ زیادہ قیام یا ملک چھوڑنے میں ناکامی جیسی خلاف ورزیوں پر انتظامی جرمانے بھی لاگو ہوں گے۔انہوں نے کہا کہ اس اقدام کا مقصدرشتہ داروں کوآپس میں ملانے کی سہولت فراہم کرنا اوریہاں آنے والوں کے مجموعی تجربے کو بڑھانے کیلئے متحدہ عرب امارات کے عزم کی عکاسی کرتا ہے۔
حکومت کا ایران کے ساتھ نئی سرحدی راہداری کھولنے کا اعلان، نوٹی فکیشن جاری