شدید سردی اور دھند کا راج، کون سے موٹرویز ٹریفک کے لیے بند ہیں؟
اشاعت کی تاریخ: 15th, January 2025 GMT
پنجاب میں شدید دھند کی وجہ سے موٹروے کے کئی سیکشنز ٹریفک کے لیے بند کردیے گئے ہیں۔
ترجمان موٹروے پولیس کا بتانا ہے کہ موٹروے ایم۔2 لاہور سے خانقاہ ڈوگرہ تک، موٹروے ایم۔3 لاہور سے درخانہ تک، موٹروے ایم۔4 گوجرہ سے ملتان تک، موٹروے ایم۔5 ملتان سے روہڑی تک اور موٹروے ایم۔11 لاہور سے سیالکوٹ تک بند کردیا گیا ہے۔
یہ بھی پڑھیے:دھند، بارش اور برفباری، سردی نے ملک میں ڈیرے جما لیے
دوسری طرف ملک میں سردی کا راج بھی برقرار ہے۔ محکمہ موسمیات نے پیش گوئی کی ہے کہ جمعہ سے کراچی میں سرد ہواؤں کی نئی لہر داخل ہوجائے گی جس سے درجہ حرارت گرنے کا امکان ہے۔ کراچی میں آج دن میں درجہ حرات 26 ڈگری سینٹی گریڈ رہنے کی پیش گوئی کی گئی ہے۔
پنجاب میں بھی محکمہ موسمیات نے آئندہ چند دنوں میں سردی کی شدت میں اضافے کی پیش گوئی کی ہے اور دھند کا سلسلہ بھی برقرار رہنے کا امکان ہے۔ لاہور میں آج زیادہ سے زیادہ درجہ حرارت 18 جبکہ کم سے کم درجہ حرارت 6 ڈگری سینٹی گریڈ رہنے کا امکان ہے۔
بلوچستان کے بیشتر اضلاع میں موسم سرد اور خشک جبکہ شمال مغربی بلوچستان میں برف باری کی پیش گوئی کی گئی ہے۔
اسی طرح خیبرپختونخوا کے میدانی علاقوں میں موسم سرد رہنے کا امکان ہے جبکہ چترال سمیت پہاڑی علاقوں میں 17 سے 20 جنوری تک برف باری کی پیش گوئی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CLIMATE Fog SNOW weather دھند شدید دھند موسم.ذریعہ: WE News
کلیدی لفظ: کی پیش گوئی کی کا امکان ہے موٹروے ایم
پڑھیں:
کراچی: جنوری کے آخری ہفتے درجۂ حرارت سنگل ڈیجٹ ہونے کا امکان
— فائل فوٹوموسمیاتی تجزیہ کار نے کہا ہے کہ جنوری کے آخری ہفتے کے دوران کراچی میں درجۂ حرارت سنگل ڈیجٹ میں جا سکتا ہے۔
موسمیاتی تجزیہ کار کے مطابق مغربی ہواؤں کا سلسلہ آج سے ملک پر اثر انداز ہو سکتا ہے جبکہ مغربی ہواؤں کا سلسلہ 23 جنوری تک ملک پر اثرانداز رہ سکتا ہے۔
کراچی سمیت سندھ کے مختلف علاقوں میں 24 جنوری سے سردی کی لہر اثر انداز ہو سکتی ہے۔
ملک بھر کی طرح کراچی میں بھی سردی بڑھ گئی ہے، جناح ٹرمینل اور اطراف کے علاقوں میں گزشتہ رات کا کم سے کم درجۂ حرارت سنگل ڈیجٹ میں ریکارڈ کیا گیا ہے۔
دوسری جانب ملک کے مختلف مقامات پر بارش اور پہاڑوں پر برف باری کا امکان ہے ۔
21 سے 23 جنوری کے دوران سکھر، جیکب آباد، لاڑکانہ اور دیگر مقامات پر ہلکی بارش کا امکان ہے ۔
پاکستان کے ہر شہری کو کم لاگت رہائش کی فراہمی کیلئے ہر ممکن اقدام کریں گے، وزیراعظم