نرگس فخری کو کچھ عرصہ قبل بالی ووڈ کیوں چھوڑنا پڑا؟
اشاعت کی تاریخ: 15th, January 2025 GMT
نرگس فخری کو آج بھی ‘راک اسٹار’ گرل کے نام سے یاد کیا جاتا ہے، جہاں امتیازعلی کی اس فلم میں رنبیرکپور کے ساتھ ان کی جوڑی ہمیشہ کے لیے یادگار رہے گی، وہیں اداکارہ ‘میں تیرا ہیرو’ جیسی دیگر فلموں کا بھی حصہ رہی ہیں۔
معروف بھارتی صحافی اور فلم نقاد سبھاش کے جھا کو دیے گئے ایک حالیہ انٹرویو میں نرگس نے اس صورتحال کا انکشاف کیا ہے جس میں انہیں چند سال قبل انڈسٹری چھوڑنا پڑی تھی۔
یہ بھی پڑھیں: اداکارہ نرگس فخری کی زندگی ایک ای میل نے کیسے تبدیل کردی؟
’مجھے ایک بدقسمت صورت حال کا سامنا کرنا پڑا جس کی وجہ سے میں بالی ووڈ میں واپس نہیں آسکی، میں اس کے بارے میں بات نہیں کرنا چاہتی، مردانہ انا کی تسکین کے یہ عوامل بین الاقوامی ہیں، نہیں اس اس کی وجہ سے مجھے پیچھے ہٹنا یا بالی ووڈ چھوڑنا نہیں پڑا۔‘
نرگس فخری کے مطابق یہ بات انڈسٹری کے تمام لوگوں کے لیے درست نہیں ہے اور انہوں نے کچھ شاندار لوگوں کے ساتھ کام کیا ہے اور ان کے کام کو سراہتی ہوں۔‘
مزید پڑھیں: ’ہم آپ کے لیے آرہے ہیں‘، بہن کی گرفتاری کے بعد نرگس فخری کی پوسٹ وائرل
نرگس فخری نے بتایا کہ وہ بالی ووڈ اور یہاں کی ثقافت کے مطابق کیسے ڈھلنے میں مشکل کا سامنا کرنا پڑا، ابتدا میں انہیں یہاں رقص کرنا بھی کافی مشکل لگا لیکن آہستہ آہستہ اس میں بہتری آگئی، تاہم انہیں ہمیشہ یہ خیال رہا کہ ‘آئٹم گرل’ یا ‘آئٹم سانگ’ کا ٹیگ ان کے لیے کافی منفی ہے۔
’یہاں تک کہ ‘آئٹم سونگ’ کی اصطلاح میرے لیے نئی ہے، جب لوگ کہتے ہیں کہ کوئی لڑکی آئٹم سونگ کر رہی ہے تو ان کا مطلب بہت اچھا نہیں ہوتا تھا، بالی ووڈ ڈانس میرے لیے اتنا ہی اجنبی ہے جتنا کہ ہندی، تاہم میں انہیں سیکھنے سے لطف اندوز ہو رہی ہوں۔‘
مزید پڑھیں:بالی وڈ ستارے جو بھارت میں پیدا نہیں ہوئے مگر انڈسٹری کی پہچان بن گئے
نرگس فخری ‘ہاؤس فل 5’ کے ساتھ بالی ووڈ میں واپس آرہی ہیں، اس فلم میں ان کے ہمراہ اکشے کمار، ابھیشیک بچن، رتیش دیش مکھ، سونم باجوہ اور جیکولین فرنینڈس بھی جلوہ گر ہورہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکشے کمار امتیازعلی بالی ووڈ راک اسٹار رنبیرکپور میں تیرا ہیرو نرگس فخری ہاؤس فل 5.ذریعہ: WE News
کلیدی لفظ: اکشے کمار امتیازعلی بالی ووڈ راک اسٹار رنبیرکپور میں تیرا ہیرو ہاؤس فل 5 بالی ووڈ کے لیے
پڑھیں:
اے پی ایس اورایئربیس حملے کے وقت ملٹری ٹرائل کیوں نہیں ہوا؟آئینی بینچ
فوجی عدالتوں میں سویلینز کے کیسز کی سماعت سے متعلق کیس میں جسٹس جمال خان مندوخیل نے استفسار کیا ہے کہ فوجی عدالت میں دہشت گردوں کے ٹرائل کے لیے آئین میں ترمیم کیوں کرنا پڑی؟گٹھ جوڑ اور آرمی ایکٹ ہوتے ہوئے بھی ملٹری ٹرائل کیوں نہیں ہوا؟فوجی عدالتوں میں سویلینز کے کیسز سے متعلق مقدمے کی سماعت سپریم کورٹ میں جسٹس امین الدین خان کی سربراہی میں 7 رکنی آئینی بینچ نے کی، جس میں وزارت دفاع کے وکیل خواجہ حارث نے آج بھی دلائل دیے۔خواجہ حارث نے دلائل کا آغاز کرتے ہوئے عدالت کو بتایا کہ جرم کی نوعیت سے طے ہوتا ہے ٹرائل کہاں چلے گا۔ اگر سویلینز کے جرم کا تعلق آرمڈ فورسز سے ہو تو ٹرائل ملٹری کورٹ میں جائے گا، جرم کی نوعیت سے ٹرائل کا تعین ہوتا ہے، کہ وہ کہاں چلے گا۔جسٹس جمال خان مندوخیل نے ریمارکس دیے کہ ہم نیت کو بھی دیکھ سکتے ہیں، انہوں نے استفسار کیا کہ جرم کرنے والے کا مقصد کیا تھا، کیا جرم کا مقصد ملک کے مفاد کیخلاف تھا؟وزارت دفاع کے وکیل نے بتایا کہ عدالت کا پوچھا گیا سوال شواہد سے متعلق ہے۔ سپریم کورٹ براہ راست شواہد کا جائزہ نہیں لے سکتی۔جسٹس محمد علی مظہر نے کہا کہ جرم کرنے والے کی نیت کیا تھی، یہ ٹرائل میں طے ہوگا۔ جسٹس جمال خان مندوخیل نے کہا کہ میں مانتا ہوں شواہد کی بنیاد پر ہی نیت کو جانچا جائے گا، لیکن پہلے بنیادی اصول تو طے کرنا ہے۔ انہوں نے استفسار کیا کہ ڈیفنس آف پاکستان سے کیا مراد ہے؟۔وکیل وزارت دفاع نے بتایا کہ جنگ کے خطرات ڈیفنس آف پاکستان سے جڑے ہوئے ہیں۔جسٹس جمال خان مندوخیل نے کہا کہ جسٹس حسن اظہر رضوی صاحب نے ایک سوال کیا تھا۔ سوال میں پوچھا گیا تھا کہ جی ایچ کیو پر حملہ، ایئر بیس کراچی پر حملے کا کیس ملٹری کورٹس میں کیوں نہیں گیا؟۔ اس سوال کا جواب 21ویں آئینی ترمیم فیصلے میں موجود ہے۔وکیل وزارت دفاع نے بتایا کہ جی اکیسویں آئینی ترمیم کیس میں جی ایچ کیو حملہ، ایئر بیس حملہ، فوج پر حملے، عبادت گاہوں پر حملوں کی تفصیل کا ذکر ہے، دہشت گردی کے یہ تمام واقعات بتائیں گے کہ اکیسویں آئینی ترمیم ہوئی کیوں تھی۔جسٹس جمال خان مندوخیل نے استفسار کیا کہ کیا سانحہ آرمی پبلک اسکول میں گٹھ جوڑ موجود تھا؟ جس پر وکیل نے تبایا کہ اے پی ایس حملے کے وقت گٹھ جوڑ بالکل موجود تھا۔ ایک گٹھ جوڑ یا تعلق کسی فوجی افسر دوسرا فوج سے متعلقہ جرم سے ہوتا ہے۔جسٹس جمال نے پوچھا کہ گٹھ جوڑ اور آرمی ایکٹ کے ہوتے ہوئے بھی فوجی عدالت میں ٹرائل کیوں نہیں ہوا؟ فوجی عدالت میں دہشت گردوں کے ٹرائل کے لیے آئین میں ترمیم کیوں کرنا پڑی؟ جس پر خواجہ حارث نے جواب دیا کہ ترمیم میں ڈسپلن اور فرائض کی انجام دہی سے ہٹ کر بھی کئی جرائم شامل کیے گئے تھے۔جسٹس حسن اظہر رضوی نے کہا کہ کچھ دن پہلے یہ خبر آئی کچھ لوگوں کو اغوا کیا گیا ان میں سے 2کو چھوڑا گیا۔ جسٹس جمال مندوخیل نے استفسار کیا کہ کوئی دہشت گرد تنظیم تاوان کے لیے کسی آرمڈ پرسن کو اغوا کرے تو ٹرائل کہاں چلے گا، جس پر وکیل نے جواب دیا کہ فرض کریں ٹرائل ملٹری کورٹ میں نہیں چل سکتا۔ سوال یہ ہے کہ ایسے میں اس کیس پر کیا اثر پڑے گا۔جسٹس محمد علی مظہر نے ریمارکس دیے کہ ہم یہاں بیٹھ کر جرم کی نوعیت کا جائزہ نہیں لے رہے۔ ہم نے صرف یہ دیکھنا ہے کہ آرمی ایکٹ کی متعلقہ شقیں آئین کے تحت ہیں یا نہیں۔جسٹس امین الدین خان نے کہا کہ سپریم کورٹ نے صرف قانون اور فیصلے کی آئینی حیثیت دیکھتی ہے۔جسٹس محمد علی مظہر نے کہا کہ تقابلی جائزہ بھی دینا پڑے گا، ملٹری ٹرائل کے لیے کیا طریقہ کار اپنایا گیا۔ طریقہ کار میں دیکھیں گے کہ کیا مرضی کا وکیل دیا گیا، کیا شواہد فراہم کیے گئے۔ اکیسویں آئینی ترمیم میں دو جسٹس میاں ثاقب نثار اور جسٹس ناصر الملک نے اپنی رائے میں کہا کہ آئینی ترمیم عدالت میں چیلنج ہی نہیں ہو سکتی۔خواجہ حارث نے دلائل میں بتایا کہ اگر سپریم کورٹ نے آرمی ایکٹ کی شق 2 ون ڈی اور 2 ڈی ٹو کو آرٹیکل 8 شق تین کے تحت درست قرار دیا تو ملٹری کورٹس کیخلاف درخواستیں ہی ناقابل سماعت قرار دینی ہوں گی۔عدالت میں ایڈووکیٹ فیصل صدیقی نے کہا کہ خواجہ حارث صاحب کے دلائل سن کر سوچ رہے ہیں ملٹری کورٹس میں ہی پریکٹس شروع کردیں۔جسٹس محمد علی مظہر نے کہا کہ پہلے ہمیں فیصلہ کرنے دیں پھر جس نے جہاں پریکٹس کرنی ہے جاکر کرتے رہیں۔ عدالت نے وکیل وزارت دفاع خواجہ حارث کے دلائل سننے کے بعد کیس کی سماعت ملتوی کردی جو آج پھر ہوگی۔
حکومت کا ایران کے ساتھ نئی سرحدی راہداری کھولنے کا اعلان، نوٹی فکیشن جاری