گزشتہ تقریباً ایک سال سے میرا واسطہ ایک ایسی شخصیت کے ساتھ جڑا جو ہے تو کاروباری مگر عام زندگی میں وہ ہمارے لئے ایک بڑی مثال یوں ہے کہ خدا تعالیٰ نے اس بندے کو جس قدر عطاء کیا اسی قدر وہ اس کی راہ میں تقسیم کا سبب بنا۔ یہ حقیقت ہے کہ اللہ انہی کو نوازتا ہے جو اس کی راہ میں ایسے ہاتھ سے دیتے ہیں کہ دوسرے ہاتھ کو علم ہی نہیں ہوتا کہ پہلے ہاتھ نے کیا دیا۔ بلوچستان کے سنگلاخ پہاڑوں سے نکلا یہ انسان دیکھنے کو تو ایک عام آدمی، ملنسازی، سادگی، انکساری، دوستی وہ ہر روپ میں سب کو بھلا لگے۔ محمد ذاکر علی کے بارے میں یہ تین اقوال اس کی شخصیت کا مکمل احاطہ کرتے ہیں کہ خواہش کرو بہترین کی… امید رکھ کم ترین کی… اور ان بدترین نتائج کے لئے تیار رہو۔ یہ ایک نہیں کئی دہائیوں کی بات ہے جس نے ناممکنات کو ممکنات میں بدل کر ایک ایسے ادارے کی بنیاد رکھی جب پاکستان شدید انرجی کے ابتدائی دور میں داخل ہوا۔ INVEREX سولر کے نام سے کہ پاکستان کو روشنی کی ضرورت ہے اور اس قوم کو سستی بلکہ مفت بجلی کے منصوبے کے تحت اللہ کا نام لے کر قدم رکھا اور پھر کہتے ہیں کہ بستی بستے بستے بنتی ہے۔ محمد ذاکر علی نے صرف دو دہائیوں کومیں INVEREXکو نہ صرف قومی بلکہ بین الاقوامی ادارہ بنا دیا۔ ان کی زندگی کی کہانی کا ایک ایک لمحہ ہمیں اس بات کا احساس دلاتا ہے کہ اگر زندگی کو جینا ہے تو پھر ذاکر علی کی زندگی کوجیو… حضرت علی ؓ کا قول ہے کہ…’’اگر کسی کے ظرف کو آزمانا ہو تو اس کو زیادہ عزت دو تو وہ آپ کو اور عزت دے گا۔ کم ظرف ہوا تو خود کو اعلیٰ سمجھے گا، کسی کو پرکھنے کا اس سے بڑا کوئی اور پیمانہ نہیں۔‘‘
ذاکر علی آج زندگی کے بہترین عشرے سے گزرتے ہوئے پاکستان کو انرجی کرائسس سے نکالنے کے لئےINVEREX کی طرف سے خوبصورت تعاون کی پالیسی کے تحت حکومتی ایوانوں اور عوام کی بہتری کیلئے دن رات کوشاں ہے۔ INVEREXاب ایک ایسا خوبصورت گھر بن چکا ہے جس میں چاروں صوبوں کے لوگ آباد ہیں۔ کراچی اور دوسرے بڑے شہروںکے بعد گزشتہ دنوں INVEREXکو شہر لاہور میں بھی آباد کر دیا گیا۔ اس سلسلے میں اس کی افتتاحی تقریب کے لئے ذاکر علی کی طرف سے مجھے دعوت نامہ ملا تو میرے ذہن میں ایکINVEREXکی روایتی تقریب کے تصور کے سوا کوئی بڑا خاکہ نہیں تھامگر اس تقریب میں جانے کے بعد مجھے ذاکر بھائی کے بارے میں جہاں بہت کچھ دیکھنے کو ملاوہاں اس تقریب کی خاص بات لاہور قلندر کے سی ای او عاطف رانا بھی موجود تھے جن کی قلندرانہ باتیں اور خوش مزاجی نے تقریب کے ماحول کو اور خوبصورت بنا دیا۔ اس افتتاحی تقریب کی خاص بات پاکستان کے نامور کرکٹر، سابق کپتان اور سابق چیف سلیکٹر انضمام الحق، پاکستان کے مایہ ناز اوپنر بلے باز احمد شہزاد، سابق کپتان اظہر علی اور سابق کپتان محمد یوسف بھی اس بھرپور محفل کی جان تھے دوران محفل جب میں نے ذاکر بھائی کے بارے میں ملک کے مایہ ناز ہیروز کی باتیں سنیں تو یوں لگا کہ ذاکر بھائی کے اندر ایک لیڈر کی صلاحیتیں بھی موجود ہیں۔ وہ کہتے ہیں کہ زندگی کبھی بھی ایک سا رنگ نہیں رکھتی اور یہ بدلتے بدلتے کبھی اتنی مہربان ہو جاتی ہے کہ یوں لگتا ہے کہ اس کائنات میں کوئی اور غم نہیںشایدیہی وجہ ہے کہ مجھے ذاکر بھائی کا دوسرا روپ لاہور میں دیکھنے کو ملا جہاں وہ ایک سولر ادارے کے مینوفیکچر ہیں جہاں وہ گھر گھر اپنے سولر کا پیغام لے کر گئے۔ جہاں انہوں نے اپنے برینڈ کو عوام کی آواز بنایا وہاں وہ پاکستان کرکٹ ٹیم کی بھی ایک بڑی شناخت بھی بن گئے… عاطف رانا نے ذاکر بھائی کی کرکٹ بارے جو خدمات ہیں ان کو خوب سراہا۔ انضمام الحق، اظہر علی، محمد شہزاد اور محمد یوسف نے بھی INVEREX کی خدمات کو سراہتے ہوئے کہا کہ آنے والے دسویں پی ایس ایل کے موقع پر ایک بڑے برینڈ کے طور پر سامنے آئے گااوراگر ذاکر بھائی جیسے لوگ کرکٹ کوفروغ دیتے رہے تو پھر ہماری کرکٹ کا مستقبل اور روشن ہوگا۔
گل مکی نہ سجن نال میری بات ہو رہی تھی کہ وہ عام انسان سے بھی بڑے بڑے کام لے جاتا ہے اور حکمرانی بھی انہی لوگوں کو بخشتا ہے جو اس کے اہل ہوتے ہیں آپ کے اور میرے ذہن میں یہ سوال ضرور جنم لیتا ہے کہ یہ بڑی لیڈرشپ کیا ہوتی ہے اور وہ کون لوگ ہوتے ہیں جو بحیثیت لیڈر بڑے ادارے بنا جاتے ہیں۔ کیا بھائی ذاکر علی جیسے لوگ جن کے اندر متحرک رہنے کے ساتھ ساتھ دوسروں کو بھی متحرک رکھنا ہوتا ہے۔ دوسرا سب کو ساتھ لے کر چلنا اور اپنے خیالات اور عزائم دوسروں کے اندر اتارنا اور پھر انہی لوگوں کو متاثر کرنا کہ وہ اس کے ساتھ چلیں سوال یہ ہے کہ اچھا لیڈر کون ہوتا ہے وہ جو اپنے علم، تجربات اور اپنی خوبیوں اور صلاحیتوں سے ایک چھوٹے ادارے سے بڑا ادارہ بناتے ہوئے لوگوں کے دلوں میں گھر بنا جائے۔ جیسے پھر کہوں گا ذاکر بھائی… یہاں یہ بھی حقیقت ہے کہ انہی جیسے ذہین اور باکمال لوگوں کے ویژن اور ان کی محنت، لگن اور صاف نیت کے ساتھ ان کے بزرگوں کی دعائیں شامل ہونے سے وہ اپنی بڑی منزل پا جاتے ہیں۔
چلتے چلتے INVEREXکی محفل کو کئی رنگوں میں سمونے کا تمام تر کریڈٹ راؤ جاوید کو جاتا ہے جنہوں نے اپنے ادارے سٹار کام گروپ جس کے وہ روح رواں ہیں مل کر ذاکر بھائی کی خوشیوں کو دوبالا کردیا ، دیلڈن راؤ جاوید
منزل سے آگے بڑھ کر منزل تلاش کر
مل جائے تجھ کو دریا تو سمندر تلاش کر
اور آخری بات …
ذاکر بھائی سے محفل میں کسی نے INVEREX کے بارے میں سوال کیا تو انہوں نے بلند آواز میں کہا کہ میں نہ غلط کام کرتا ہوں نہ کروں گا۔ INVEREX کی کوالٹی پر کسی قسم کا کمپرومائز نہیں ہوگا… زبردست ذاکر بھائی INVEREX جیسے بڑے ادارے ایسے ہی نہیں بن جاتے اور زندہ دل لاہور آپ جیسی شخصیات اور INVEREX جیسے اداروں کو اپنے حسن میں شامل کرلیا باقی رہے نام اللہ کا۔
ذریعہ: Nai Baat
کلیدی لفظ: کے بارے میں ذاکر بھائی ذاکر علی کے ساتھ ہیں کہ
پڑھیں:
خدائی طاقت کے سامنے بے بس سپر طاقت
امریکا عصر حاضر کی واحد سپر پاور مگر بدقسمتی سے اس کی طاقت ہمیشہ ظلم اوردہشت گردی کے لیے استعمال ہوئی، انسانیت کے خلاف امریکی مظالم کی تاریخ دو چار برس کا قصہ نہیں، صدیوں پر محیط لمبی داستان ہے، روئے زمین کا ایسا کوئی گوشہ نہیں جہاں امریکی بربریت کے نشانات موجود نہ ہوں۔ امریکا کی مسلم دشمنی پر نظر ڈالیں تو ہسپانیہ سے لے کر عراق، عراق سے افغانستان، افغانستان سے شام، شام سے فلسطین تک لاکھوں مسلمانوں کی لاشیں امریکا کے ظلم و بربریت اور ظالموں کی پناہی کی ان گنت کہانیاں سنا رہی ہیں۔
افعانستان میں عبرت ناک شکست کے بعد سوویت یونین کے ٹکڑے ہونے سے امریکا بلا شرکت غیرے دنیا کی واحد سپر پاور بن گئی اور طاقت کے نشے میں بدمست امریکا نے عالمی قوانین اور انسانیت کو اپنے پاؤں تلے روندنا اپنا حق سمجھا ہے۔ گزشتہ چاردہائیوں سے اسے ٹکر دینے والا کوئی ملک سامنے نہیں آیا جو امریکی مظالم کے آگے مظلوموں کی ڈھال بن سکے اور وہ بد مست ہاتھی کی طرح پوری دنیا میں انسانیت کو روندتے ہوئے آگ اور خون کی ہولی کھیل کر دنیا پر جنگیں مسلط کرکے دہشت پھیلا رہا ہے، لگاتار پے در پے مظلوم اقوام کے خلاف اور ظالموں کے حق میں اقوام متحدہ سے من چاہے فیصلے لیے۔ عراق کی اینٹ سے اینٹ بجا دی، افغانستان کو کھنڈرات میں تبدیل کیا۔
شام میں لاشوں کے ڈھیر لگائے، دنیا بھر میں بالخصوص اسلامی دنیا میں جہاں موقع ملا دہشت و وحشت کا کھیل کھیلا۔ فلسطین کے مظلوم مسلمان اس کے ناجائز بغل بچے اسرائیل کی بربریت کی آگ میں جھلس رہے ہیں کیونکہ امریکا کے کاسہ لیس مسلم دنیا کے حکمرانوں کا اقتدار تک پہنچنے کا راستہ واشنگٹن سے ہوکر آتا ہے اور یہی ہمارا سب سے بڑا المیہ ہے۔ اس غلامی نے مسلم امہ کی سیاہ بختی میں مزید اضافہ کیا۔
ہم صدیوں سے خون آشامی کا شکار ہیں، لیکن نائن الیون کے بعد کی خون آشامی نے ماضی کی تمام خون آشامیوں کو اپنے لہو سے دھندلا کردیا ہے، ہر طرف خون ہی خون، ذلت و ہزیمت، بے آبروئی، بے چارگی، تباہی و بربادی اور آزمائشیں ہی آزمائشیں ہیں۔ ایسی ایسی آزمائشیں گزریں کہ مسلمانوں کو کہا گیا کہ کلمہ طیبہ سے دست بردار ہوجاؤ اور جان کی امان پاؤ، ذلت ایسی کہ مسلمانوں کو اسلام چھوڑنے پر مبارک باد دیتے تھے، بے آبروئی ایسی کہ زمین شق ہو کہ آسمان ٹوٹے۔ مسلمان صالح عورتیں جو اپنے خاندان کے نامحرموں سے بھی فاصلے اور پردے میں رہتی تھیں برہنہ سر و بے ردا، ننگے پاؤں پناہ کی تلاش میں بے سمت بھاگتی پھرتی تھیں۔ داڑھی اور ٹوپی جرم بنا دیا گیا تھا مگر میرا منتقم اللہ سب دیکھ رہا تھا۔
لمحہ موجود میں بھی امریکا کا یہ گھناؤنا کھیل بند نہیں ہوا۔ امریکی سرپرستی میں ہونے والی دہشت گردی کا اس وقت سب سے بڑا شکار مقدس سرزمین فلسطین ہے، جہاں ایک ناجائز صیہونی ریاست اسرائیل بلا تفریق معصوم بچوں، خواتین، ضعیفوں اور نوجوانوں کے خون سے ہولی کھیل رہا ہے۔ امریکا اسرائیل کو ارض فلسطین کے باسیوں کے قتل عام کے لیے ابھارتا رہا اور ان پر برسانے کے لیے گولہ و بارود مہیا کرتا ہے، جہاں مظلوم فلسطینیوں کے حق میں آواز اٹھتی ہے اسے دبایا جاتا ہے، اقوام متحدہ میں اسرائیل کے جنگی جرائم روکنے کے لیے جو فیصلے ہوتے ہیں انھیں ویٹو کا اختیاراستعمال کرکے روکتا ہے، اسرائیل نے گزشتہ پندرہ ماہ کے دوران امریکی آشیر باد کی بدولت غزہ پر اپنے طیاروں کے ذریعے آگ کے گولے برسائے، انسانی بستیاں، اسکول، اسپتال، پناہ گزین کیمپ صیہونی فوجیوں نے غزہ میں کچھ بھی نہیں چھوڑا۔ لاشوں کے ڈھیر لگا دیے، اسرائیلی بربریت کا شکار بن کر اب تک 70 ہزار سے زائد فلسطینی جام شہادت نوش کرچکے ہیں، لاکھوں معذور ہوگئے ہیں، غزہ چٹیل میدان کا منظر پیش کررہا ہے، کوئی عمارت سلامت نہیں۔ میرے کانوں میں اس مظلوم فلسطینی بچی کا شکوہ گونج رہا ہے جو کہتی تھی "اوپر جاکر اپنے رب سے مسلم امہ کے حکمرانوں کی شکایت کرونگی اور اپنے رب کو سب کچھ بتاؤں گی"۔
اس کی اس پکار کے باوجود ظالم اسرائیل ظلم ڈھاتا رہا اور مسلم امہ کے حکمران سوتے رہے۔ امریکا اور اس کی سرپرستی میں ہونے والے ان مظالم کو دیکھتا ہوں تو مایوسی کی طرف بڑھنے لگتا ہوں لیکن قرآن کریم مایوسی کی جانب بڑھتے ہوئے میرے قدموں کو روک لیتا تھا۔ سورہ ابراہیم کی آیت نمبر 52 میں ارشاد فرمایا گیا کہ "اور ہرگزاللہ کو بے خبر نہ جاننا ظالموں کے کام سے انھیں ڈھیل نہیں دے رہا ہے مگر ایسے دن کے لیے جس میں آنکھیں کْھلی کی کْھلی رہ جائیں گی"۔ پھر سورۃ البروج کی آیت نمبر 22 میرے حوصلے کو بڑھاتی رہی، جس میں ارشاد باری تعالیٰ ہے کہ "بے شک تیرے رب کی پکڑ بہت سخت ہے"۔ بحیثیت مسلمان قرآن کریم کے ایک ایک لفظ پر میرا ایمان کامل ہے کہ اللہ رب العزت کا ہر وعدہ سچا اور ہر بات ضرور پوری ہوگی لیکن جب میں نے گزشتہ ہفتے امریکا کے ترقی یافتہ ترین شہر لاس اینجلس کو قدرتی طور پر لگنے والی بھانک آگ میں جلتے ہوئے دیکھا تو میرا یہ یقین مزید پختہ ہو گیا۔
مجھے قطعی طور پر اس بھیانک آگ کی تباہ کاریوں سے خوشی نہیں، میں اسے اللہ کے عذاب کی صورت میں دیکھ رہا ہوں، جو قہر بن کر ظالم امریکا پر ٹوٹ پڑا اور اس میں عقل والوں کے لیے واضح نشانیاں ہیں۔ لاس اینجلس میں منگل سے لگی بدترین آگ پر کئی روز تک قابو نہ پایا جاسکا درجنوں لوگ اس آگ کی لپیٹ میں آکر موت کی آغوش میں جاچکے ہیں۔ تاوقت تحریر 55 ہزار ایکڑ رقبہ اس بھیانک آگ کی لپیٹ میں آچکا ہے، آگ میں ہالی ووڈ اداکاروں کے پرتعیش گھروں سمیت 12 ہزار سے زائد بنگلے، کوٹھیاں، پلازے، بلند آہنگ عمارتیں خاکستر ہوچکے ہیں، دو لاکھ سے زائد امریکی شہری نقل مکانی کرچکے ہیں، مزید علاقے خالی کرانے کے اعلانات ہورہے ہیں، لوٹ مار کی وارداتیں جاری ہیں، جنھیں روکنے کے لیے متاثرہ علاقوں میں کرفیونانذ کرنا پڑا۔ ایک محتاط اندازے کے مطابق اب تک نقصان 150 ارب ڈالر سے تجاوز کر چکا ہے۔
سپر پاور امریکا کی طاقت اور حوصلہ جواب دے چکی ہے، اس کی ساری ٹیکنالوجی دھری کی دھری رہ گئی، آگ بجھانے والا واٹر سسٹم بھی ناکام ہوگیا، فائر فائٹرز کم پڑگئے، لوگ اپنے گھر جلتے دیکھتے رہ گئے، امریکی انتظامیہ مدد کرنے سے قاصر ہے، آگ کو بجھانے کے لیے ہمسایہ اور اتحادی ممالک بھی امریکا کی مدد کو پہنچ چکے ہیں، 12 ہزار فائرفائٹرز، 1100 سے زائد فائر انجن، 60 طیارے اور 143 واٹر ٹینکر آگ بجھانے کی کوششوں میں مصروف رہے۔ پینٹاگون کے500 اہلکار اور 10 نیوی ہیلی کاپٹر بھی آگ بجھانے کی کوششوں میں مصروف رہے، جیسے جیسے آگ بجھانے کی کوششیں تیز ہورہی تھیں ویسے ویسے اللہ ہوا کو تیز کررہا تھا جس سے آگ مزید خوفناک طریقے سے پھیلتی جارہی تھی۔ ایک ویڈیو میں آگ بجھانے کے لیے پانی لے جانے والا جہاز ابھی اڑا ہی تھا کہ گر کر آگ کے شعلے میں بدل کر تباہ ہوگیا۔
امریکی نیوز چینل کے لائیو شو میں آسکر ایوارڈ کے لیے 2 بار نامزد ہونے والے اور 3 ایمی ایوارڈز کے فاتح ہالی ووڈ کے اداکار جیمز ووڈ اس وقت پھوٹ پھوٹ کر رو پڑے جب وہ اپنے عالیشان گھر کے جلنے کی داستان سنا رہے تھے۔ یہ وہی امریکی اداکار ہیں جس نے غزہ پر اسرائیل کی وحشیانہ بمباری پر خوشی کا اظہار کرتے ہوئے ۔فلسطینیوں کی نسل کشی پر اسرائیلی درندوں کی حوصلہ افزائی کی تھی۔ جیمزووڈ نے اُس وقت اپنی ٹوئٹس میں لکھا تھا کہ "ان سب کو مار ڈالو، شاباش نیتن یاہو، آپ نے امریکی کٹھ پتلیوں کی ایک نہ سنی۔ غزہ پر حملے جاری رکھیں"۔ آگ کی وجوہات، اسباب اور محرکات جاننے کے لیے ماہرین کی ٹیمیں تحقیقات میں مصروف ہیں، وہ اپنی جو بھی رپورٹیں دیں، میری نظر میں یہ منتقم اللہ کا انتقام اور میرے رب کی پکڑ ہے۔
عقلمندوں کے لیے اس میں واضح نشانیاں اور عبرت کے ہزار رنگ موجود ہیں۔ اسرائیلی مظالم کے خلاف ایک تقریر میں شیخ الاسلام مفتی تقی عثمانی نے کہا تھا "امریکا سپر پاور ہے لیکن خدائی اس کے پاس نہیں ہے"۔ آج امریکا اور اسرائیل سمیت دنیا کے ہر جابر کو یقین ہو جانا چاہیے کہ خدائی صرف اللہ رب العزت کی ہے دنیا کی تمام طاقتیں اور امریکا جیسی سو سپر طاقتیں مل کر بھی رب العالمین کی طاقت کا مقابلہ نہیں کرسکتیں۔
حکومت کا ایران کے ساتھ نئی سرحدی راہداری کھولنے کا اعلان، نوٹی فکیشن جاری