سمیڈا تاجروں کو مختلف چیلنجز سے نمٹنے میں اہم کردار ادا کررہا ہے،احمد ادریس
اشاعت کی تاریخ: 15th, January 2025 GMT
حیدرآباد (اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے سینئر نائب صدر احمد ادریس چوہان نے کہا کہ اسمال اینڈ میڈیم انٹرپرائزز ڈیولپمنٹ اتھارٹی (سمیڈا) حیدرآباد کا مشترکہ تعاون حیدرآباد میں تاجروں کی معاونت کے لیے ایک اہم کردار ادا کر رہا ہے اور تاجروں کو اپنے کاروبار کو نئے دور کے چیلنجزز سے نمٹنے کے لیے شاندار مدد فراہم کر رہا ہے ۔ ان خیالات کا اظہار انہوں نے حیدرآباد چیمبر آف اسمال ٹریڈرز اینڈ اسمال انڈسٹری کے سیکرٹریٹ میں سمیڈا حیدرآباد کے تعاون سے منعقد ”اکاؤنٹنگ اور بک کیپنگ” کے موضوع پر تربیتی سیشن سے خطاب کرتے ہوئے کیا۔ انہوں نے پروگرام میں شامل موضوعات جیسے کہ مالیاتی ریکارڈ کی اہمیت، بنیادی اکاؤنٹنگ کے تصورات، کلیدی مالیاتی اسٹیٹ منٹس اور عملی ریکارڈ کیپنگ پر بریفنگ کو چیمبر کے ممبران اور ان کے کاروباری معاملات کو زیادہ مؤثر طریقے سے چلانے میں مدد فراہم کرنے کے لیے اہم قرار دیا۔ خاص طور پر نئے کاروباری افراد کے لیے یہ موضوعات ان کے کاروبار کی بنیاد مضبوط کرنے میں اہم کردار ادا کریں گے۔ انہوں نے کہا کہ حیدرآباد چیمبر آف اسمال ٹریڈرز اینڈ اسمال انڈسٹری ہمیشہ سے ہی کاروباری برادری کی ترقی اور مسائل کے حل کے لیے پیش پیش رہا ہے اورحیدرآباد کے تاجروں کے مسائل کو اُجاگر کیا ہے اور ان کے حل کے لیے ہر ممکن اِقدام اُٹھایا ہے۔ یہ سیمینار اِس بات کی ایک اور مثال ہے کہ ہم اپنے ممبران کی ترقی اور بہتری کے لیے کس قدر پُر عزم ہیں۔ اِس سے قبل کنسلٹنٹ سمیڈادانش ریاض نے تربیتی سیشن میں شرکاء کو اکاؤنٹنگ کے بنیادی تصورات، بک کیپنگ کے اُصول اور کاروبار کے لیے ٹیکسیشن کے بنیادی نکات پر روشنی ڈالی۔ اُنہوں نے وضاحت کی کہ کس طرح اکاؤنٹنگ کاروبار کی مالی کارکردگی کو ٹریک کرنے، بجٹ سازی اور مالیاتی فیصلے کرنے میں مددگار ثابت ہوتی ہے۔ دانش ریاض نے مزید کہا کہ مالیاتی ریکارڈ کی درستگی اور اُن کے محفوظ رکھنے کی اہمیت کو سمجھنا ہر کاروباری فرد کے لیے نہایت ضروری ہے۔ اُنہوں نے اکاؤنٹنگ کے بنیادی اصطلاحات جیسے کہ اثاثے، واجبات، ایکویٹی، آمدنی اور اخراجات کی وضاحت کی اور اُن کے کاروبار پر اَثرات کے بارے میں آگاہ کیا۔ تربیتی سیشن میں مالیاتی بیانات جیسے بیلنس شیٹ، انکم اسٹیٹمنٹ، اور کیش فلو اسٹیٹمنٹ کے بارے میں بھی تفصیل سے بات کی گئی۔ اِس کے علاوہ ڈبل انٹری بک کیپنگ سسٹم کی وضاحت کی گئی، جس میں ہر مالیاتی لین دین کے لیے ڈیبٹ اور کریڈٹ کا اصول لاگو ہوتا ہے۔ ٹیکسیشن کے حوالے سے دانش ریاض نے کاروباری افراد کو مختلف اِقسام کے ٹیکسز جیسے انکم ٹیکس، سیلز ٹیکس، کارپوریٹ ٹیکس اور ودہولڈنگ ٹیکس کے بارے میں آگاہ کیا۔ انہوں نے ٹیکس رجسٹریشن کے عمل ٹیکس ریٹرن فائل کرنے کے فوائد اور نان کمپلائنس کے نتائج پر روشنی ڈالی۔ انہوں نے کہا کہ اس سیشن کا مقصد کاروباری افراد کو ان کے مالیاتی معاملات کو منظم کرنے، ٹیکس قوانین کی پابندی کو یقینی بنانے اور مالیاتی ریکارڈ رکھنے کے بہترین طریقوں سے آگاہ کرنا ہے۔ اس موقع پر ریجنل بزنس کو آرڈینیٹر سمیڈا حیدرآباد احسن ابڑو نے حیدرآباد چیمبر آف اسمال ٹریڈرز اینڈ اسمال انڈسٹری کے تعاون کا شکریہ ادا کیا اور اِس سیشن کو کامیابی سے آرگنائزکرنے میں سیکریٹری جنرل فرقان احمد لودھی کے کردار کو سراہا اور مستقبل میں ہونے والے چیمبر اور سمیڈا کے مشترکہ سیمینارز کی تفصیل بھی بتائی۔ اُنہوں نے کہا کہ سمیڈا حکومت پاکستان کی ہدایات پر نئے کاروبار کو فروغ دینے کے لیے ہر ممکن اقدامات اٹھارہا ہے۔ اس موقع پر سینئر نائب صدر وومین چیمبر ڈاکٹر قمر النساء جتوئی، اراکین ایگزیکٹیو کمیٹی، کنونیئر سب کمیٹیز اور اراکین جنرل باڈی موجود تھے۔
.ذریعہ: Jasarat News
کلیدی لفظ: نے کہا کہ انہوں نے کے لیے
پڑھیں:
صدر ن لیگ آزاد کشمیر شعبہ خواتین مریم کشمیری کی مریم ادریس سے ملاقات
صدر ن لیگ آزاد کشمیر شعبہ خواتین مریم کشمیری کی مریم ادریس سے ملاقات WhatsAppFacebookTwitter 0 15 January, 2025 سب نیوز
اسلام آباد(آئی پی ایس )مسلم لیگ ن آزاد جموں وکشمیر شعبہ خواتین کی صدر مریم کشمیری اور جنرل سیکریٹری ناصرہ خان کی شعبہ خواتین کی رہنما مریم ادریس سے ان کی رہائش گاہ پر ملاقات،،مریم ادریس نے صدر اور جنرل سیکریٹری کو رہائش گاہ آمد پر خوش آمدید کہا اور پارٹی کے لیے خدمات کو سراہا
مریم ادریس نے شعبہ خواتین کی صدر مریم کشمیری کی آزاد جموں وکشمیر میں شعبہ خواتین کو متحرک کرنے کی کاوشوں کو سراہتے ہوئے انہیں آزاد کشمیر میں حالیہ کامیاب خواتین ورکزر کنونشنز کروانے پر مبارکباد پیش کرتے ہوئے کہا کہ آپ کی قیادت میں شعبہ خواتین دن بدن مضبوط ہو رہا ہے بڑی تعداد میں خواتین ن لیگ جوائن کر رہی ہیں آپ کی کاوشیں لائق تحسین ہیں، ملاقات میں مسلم لیگ ن آزاد جموں وکشمیر شعبہ خواتین کی صدر مریم کشمیری نے مریم ادریس کو پارٹی میں شمولیت پر مبارکباد پیش کرتے ہوئے کہا کہ پارٹی کو آپ جیسی پڑھی لکھی، سیاسی سماجی اور متحرک خواتین کی ضرورت ہے آپ نے بڑے مناسب وقت پر بہترین فیصلہ کیا آپ کی ن لیگ میں شمولیت اچھا اضافہ ہے،میں عرصہ دراز سے آپ کی سیاسی سماجی سرگرمیاں سوشل میڈیا پر دیکھتی آ رہی ہوں آپ معاشرے کے اندر بالخصوص نوجوانوں میں موجودہ حالات کے مطابق آگاہی پیدا کرنے کے حوالے سے بھرپور کردار ادا کر رہی ہیں آپ جیسی بیٹیاں ملک وقوم کا فخر ہیں پارٹی آپ کی صلاحیتوں سے بھرپور استفادہ کرے گی
ملاقات میں مریم ادریس نے کہا کہ وزیر اعلی پنجاب مریم نواز شریف صوبہ پنجاب میں بہترین کام کر رہی ہیں انہیں پہلی خاتون وزیر اعلی بننے کا اعزاز حاصل ہوا، تعلیم، صحت، آئی ٹی، زراعت، عوامی فلاح بہبود کے پروجیکٹس سمیت بالخصوص نوجوانوں کے لئے سکالر شپ قابل تحسین ہیں، مریم ادریس نے کہا مسلم لیگ ن صدر شاہ غلام قادر کی قیادت میں پارٹی منشور اور قائد نواز شریف کے وژن کے مطابق کام کر اور آگے بڑھ رہی ہے آئے روز دیگر پارٹیوں کے لوگ مسلم ن لیگ کو جوائن کر رہے ہیں انشا اللہ مسلم لیگ ن آزاد جموں وکشمیر میں آئندہ انتخابات میں کلین سویپ کرے گی، مریم ادریس نے کہا کہ آزاد کشمیر کے اندر پارٹی منشور اور قیادت کے وژن کے مطابق مسلم لیگ ن آزاد جموں وکشمیر کے صدر شاہ غلام قادر اور شعبہ خواتین کی صدر مریم کشمیری سمیت دیگر قیادت کی سربراہی میں پارٹی اور شعبہ خواتین کو مضبوط بنانے، خواتین، بچوں، تعلیم وصحت، آئی ٹی، سیاحت سمیت دیگر شعبوں میں مسائل کی نشاندہی کرنے کے حوالے سے اپنا بھرپور کردار ادا کروں گی۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی