جیکب آباد،پولیو کا مرض پھیلنے لگا ،پہلا کیس رپورٹ
اشاعت کی تاریخ: 15th, January 2025 GMT
جیکب آباد(نمائندہ جسارت)جیکب آباد میں پولیو کا مرض تیزی سے پھیلنے لگا ،جیکب آباد میں سال 2025ء میں پہلا پولیو کیس رپورٹ،ضلع میں پولیو کے مریضوں کی تعداد 5 ہو گئی ،قومی ادار ہ صحت نے یونین کونسل میرپور کے 58ماہ کے بچے میںپولیو کے مرض کی تصدیق کردی ،قومی انسداد پولیو مہم میں محکمہ تعلیم کے سفارشی اور محکمہ صحت کے گھوسٹ عملہ پولیو کے پھیلائو کا سبب ہے :ذرائع تفصیلات کے مطابق جیکب آباد میں پولیو کا مرض تیزی سے پھیلنے لگا ہے جیکب آباد کی تحصیل ٹھل کی یونین کونسل میرپور میں عرض محمد برڑو کے 58ماہ کے بیٹے شاہ شاہ بخش کو پولیو کا مرض لاحق ہو گیا ہے جس کے بعد جیکب آباد میں صرف چار ماہ کے دوران پولیو کے پانچ کیس رپورٹ ہوئے ہیںقومی ادارہ صحت نے بھی اس کی تصدیق کی ہے گزشتہ سال 27 دسمبر کوضلع جیکب آباد میں ایک بچے میں معذوری کی علامات ظاہر ہوئیں، جسے سال 2024ء کا 71واں پولیو کیس قرار دیا گیا، جیکب آباد میں 2024ء میں پولیو کے پانچ کیسز سامنے آئے،جیکب آباد میں سیوریج ڈسپوزل میں مسلسل 6 ماہ سے لیے گئے نمونوں میں پولیو وائر س کی موجودگی کی رپورٹ کے باوجود ضلع انتظامیہ نے اس کو سنجیدہ نہیں لیا یہی وجہ ہے کہ چند ماہ میں پولیو کے پانچ کیس جیکب آباد سے رپورٹ ہوئے ہیں جو متعلقہ حکام کی نااہلی اور ناقص کارکردگی کا ثبوت ہے ڈی ایچ اونے 30سے زائد ڈاکٹر کو ڈیوٹی نہ کرنے پر نوٹس جاری کیے تھے جو برسوں سے ڈیوٹی سے غیر حاضر تھے اس کے باوجود ان کے خلاف کارروائی کرنے کے بجائے سفارش پر چھوڑ دیا گیا معلوم ہوا ہے کہ قومی انسداد پولیو مہم ان گھوسٹ ڈاکٹرکی ڈیوٹی بھی لگائی جاتی تھی جو ڈیوٹی پر موجود نہیںہوتے تھے ریکارڈ میں ریٹائر عملے کو بھی پولیو مہم میں شامل کیا گیا جبکہ سرزمین پر کوئی موجود نہیںہوتا تھا ،محکمہ تعلیم کے عملے کو بھی سفارش پر قومی انسداد پولیو مہم میں مقرر کیا جاتا ہے۔ اس سلسلے میں ڈی سی جیکب آباد نواب سمیر لغاری نے رابطے پر بتایا کہ پولیو کیس سرحد پار سے منسلک ہے۔
.ذریعہ: Jasarat News
کلیدی لفظ: جیکب ا باد میں پولیو کا مرض میں پولیو پولیو مہم
پڑھیں:
ملک میں پہلا اوورسیز پاکستانیز کنونشن آج سے شروع
ویب ڈیسک: حکومت اور اوورسیز پاکستانی فاؤنڈیشن کی جانب سے پہلا اوورسیز پاکستانیز کنونشن آج 13 تا 15 اپریل تک دارلحکومت میں منعقد کیا جائے گا۔
اوورسیز پاکستانی فاؤنڈیشن کے مطابق پاکستان کے باسی جہاں کہیں بھی بستے ہوں، وہ دل سے پاکستانی ہیں، بیرون ملک مقیم پاکستانی نہ صرف پاکستان کے حقیقی سفیر ہیں بلکہ انکی ترسیلات زر ملکی معیشت کی ریڑھ کی ہڈی کی حیثیت رکھتی ہیں۔
حکومتِ پاکستان اوورسیز پاکستانیوں کے جذبہ حب الوطنی، قربانیوں اور ملک سے غیر متزلزل وابستگی کو سلام پیش کرتی ہے، اوورسیز پاکستانی ہمارے دلوں کے قریب ہیں۔
لاہور پریس کلب ہاؤسنگ سکیم ایف بلاک میں بجلی کی تنصیب کا افتتاح
ان کی فلاح و بہبود، سہولت کاری، اور انہیں پاکستان سے جوڑنا موجودہ حکومت کی ترجیحات میں سرفہرست ہے۔ یہ کنونشن محض ایک تقریب نہیں، بلکہ ایک قومی عزم کا اظہار ہے کہ پاکستان اپنے بیٹوں اور بیٹیوں کو، جو برسوں سے دورِ وطن خدمات سرانجام دے رہے ہیں، کھلے دل سے خوش آمدید کہتا ہے۔
کنونشن کا مقصد اوورسیز پاکستانیوں کو اپنے گھر میں خوش آمدید کہنا انہیں گلے لگانا اور ن کے تحفظات سننا، اور ان کی قیمتی تجاویز کی روشنی میں پالیسی سازی کو بہتر بنانا ہے۔
سندھ حکومت اپنی اداؤں پر غور کرے: وزیر اطلاعات پنجاب
اس موقع پر اوورسیز کمیونٹی کو پاکستان کے ترقیاتی عمل میں موثر کردار ادا کرنے کی دعوت دی جائے گی، اور ان کیلئے موجود سہولیات و پالیسیوں میں بہتری کیلئے تجاویز پر غور کیا جائے گا۔
حکومتِ پاکستان نے فیصلہ کیا ہے کہ کنونشن میں شرکت کیلئے آنے والے اوورسیز پاکستانیوں کو ریاستی مہمان کا درجہ دیا جائے گا۔ ہوائی اڈوں پر ان کے استقبال کیلئے خصوصی انتظامات کیے جا رہے ہیں جبکہ والہانہ استقبال، مکمل پروٹوکول، خیرمقدمی بینرز، عوامی سطح پر تقریبات اور انہیں عزت و تکریم کے ساتھ خوش آمدید کہنا اس کا حصہ ہوں گے۔
لاہور میں 278 ٹریفک حادثات، 341 افراد زخمی
وزیرِاعظم پاکستان کی خصوصی ہدایت پر یہ تمام انتظامات اس عزم کے ساتھ کیے جا رہے ہیں کہ دنیا بھر میں بسنے والے پاکستانیوں کو یہ احساس دلایا جائے کہ پاکستان ان کا اپنا گھر ہے۔
اوورسیز پاکستانیز کنونشن ایک ایسا فورم فراہم کرے گا جہاں بیرون ملک پاکستانی، حکومتی نمائندگان اور قومی ادارے ایک ہی چھت تلے اکٹھے ہوں گے۔ اس مقصد کے لیے مختلف سرکاری اداروں کے سہولتی کاؤنٹرز قائم کیے جا رہے ہیں تاکہ اوورسیز پاکستانیوں کو ایک ہی مقام پر معلومات، رہنمائی اور خدمات کی فراہمی ممکن بنائی جا سکے۔
وزیرِ اعظم کی چوہدری شجاعت حسین کو مسلم لیگ ق کا صدر منتخب ہونے پر مبارکباد
یہ اقدام اس بات کا مظہر ہے کہ حکومتِ پاکستان اوورسیز پاکستانیوں کے مسائل کو سننے، سمجھنے اور فوری حل فراہم کرنے کے لیے نہایت سنجیدہ ہے۔
اوورسیز پاکستانیوں کی وطن واپسی صرف جسمانی نہیں، بلکہ ایک روحانی بندھن کی تجدید ہے۔ آئیں، پاکستان آپ کا منتظر ہے اوورسیز پاکستانیز فاؤنڈیشن آپ کو کھلے دل سے خوش آمدید کہتی ہے۔
گھر سے بے دخل خاتون ٹک ٹاکر نے نہر میں چھلانگ لگا دی