کامیاب اے پی سی صوبے میں قیام امن کیلیے پہل ہے
اشاعت کی تاریخ: 15th, January 2025 GMT
سکھر (نمائندہ جسارت) جماعت اسلامی سندھ کے رہنمامولانا حزب اللہ جکھرو نے کہا ہے کہ جماعت اسلامی کی جانب سے بھرپورو کامیاب گرینڈ آل پارٹیز کانفرنس کے ذریعے صوبہ میں قیام امن کیلئے پہل کرکے سندھ کے عوام کے دل جیت لیے ہیں، صوبہ میں امن و امان کی صورتحال کی بہتری عوام کے دل کی آواز ہے۔ انہوں نے کہا کہ اے پی سی میں سیاسی مذہبی جماعتوں قوم پرست تنظیموں سمیت اہم شخصیات کی بھرپور شرکت سے ثابت ہوگیا ہے کہ سندھ کے عوام امن کے قیام کو پہلی ترجیح دے رہے ہیں۔ انہوں نے کہا کہ جماعت اسلامی نے اے پی سی اسی لیے بلائی تھی کہ یہ وقت کی اہم ضرورت اور صوبے کے لوگوں کی سب سے بڑی ترجیح ہے۔ انہوں نے کہا کہ صوبے میں بے امنی کا یہ عالم ہے کہ گزشتہ روز سابق ایم پی اے عبدالرؤف کھوسو کے بھائی عبدالباقی کھوسو کو گاڑی سمیت لوٹ لیا گیا ہے، باقی عوام بھی شدید عدم تحفظ کا شکار ہیں، اگر حکومت امن قائم کرکے لوگوں کو تحفظ فراہم نہیں کر سکتی تو عوام کی جان چھوڑ دے، حکمرانی کی شوقین نا اہل حکومت کے باعث لوگوں کی جان مال خطرے میں پڑی ہوئی ہے۔انہوں نے سندھ کے سیاسی سماجی حلقوں وکلا تاجر برادری سول سوسائٹی طلبا علما سمیت تمام لوگوں سے اپیل کی کہ وہ سندھ میں بے امنی کے خاتمہ، امن و امان کے قیام کے اپنے بنیادی حق کے حصول کیلئے جماعت اسلامی کا ساتھ دیں، سندھ جو محبت یگانگت اور صوفیوں کی سرزمین ہے اسے بے امنی کی آگ سے نجات دلائیں۔ انہوں نے کہا کہ عوام پیپلز پارٹی، ن لیگ، پی ٹی آئی، ایم کیو ایم کو آزما چکے ہیں۔ انہوں نے عوام کو مایوس کیا ہے، سندھ پر کرپٹ ٹولے کو مزید مسلط نہیں رہنے دیا جائے گا، عوام کے صبر کا پیمانہ لبریز ہوچکا ہے، پیپلز پارٹی کی حکومت اپنی سیاسی مصلحتوں کے پیش نظر کبھی سندھ میں امن بحال نہیں کر سکتی۔انہوں نے کہا کہ وہ وقت دور نہیں جب پاکستان کے عوام بھی بنگلا دیش، مصر،شام اور افغانستان کی طرح یہاں کے کرپٹ حکمرانوں کو اٹھا کر پھینک دیں گے، عوام سڑکوں پر نا اہل حکمرانوں کو چیلنج کر دیں، جماعت اسلامی کی اہل دیانتدار قیادت کی چھتری تلے جمع ہو جائیں، جماعت اسلامی ملک کو مسائل، قرضوں سے نجات دلا کر امن خوشحالی قائم کرے گی اور عوامی توقعات پر پورا اترے گی۔
.ذریعہ: Jasarat News
کلیدی لفظ: انہوں نے کہا کہ جماعت اسلامی سندھ کے
پڑھیں:
صوبے میں پلاسٹک بیگ پر پابندی عائد
سندھ حکومت نے صوبے میں پلاسٹک بیگ پر پابندی عائد کردی ہے۔
وزیراعلیٰ سندھ مراد علی شاہ کی زیرصدارت سندھ کابینہ کا اجلاس ہوا جس میں سندھ پروہیبیشن آف نان ڈی گریڈ ایبل پلاسٹک پراڈکٹس رولز 2024 میں ترمیم کی منظوری دی گئی۔
ترجمان وزیراعلیٰ سندھ کے مطابق سندھ کابینہ نے پلاسٹک بیگ پر پابندی عائد کردی ہے۔ پلاسٹک بیگ میں شاپنگ بیگ، پلاسٹک کیریئر بیگ شامل ہیں۔ اب پلاسٹک بیگ کےکاروبار اور خریداری پر بھی پابندی ہوگی۔ترجمان کے مطابق سندھ کابینہ نے فرسٹ ایئرکراچی کے طلبا کو گریس مارکس دینےکی منظوری بھی دے دی۔ طلبا کو 20 فیصد گریس مارکس کیمسٹری، فزکس اور ریاضی کے مضامین میں دیے جائیں گے۔
سندھ کابینہ نےکیڈٹ کالج پٹارو کے لیے 200 ملین روپےکی گرانٹ منظورکرلی۔کیڈٹ کالج کرم پور کوبسوں کی خریداری کے لیے ایک کروڑ 65 لاکھ روپے دینےکی منظوری دی گئی۔وزیراعلیٰ سندھ نے نیشنل باکسنگ چیمپئن شپ کے لیے 2 کروڑ روپےکی منظوری بھی دی۔ کڈنی سینٹرکراچی کے لیے 50 کروڑ روپے کی ون ٹائم گرانٹ اور ایس آئی سی وی ڈی کے لیے 300 ملین روپے گرانٹ کی منظوری بھی دے دی گئی۔
ترجمان کے مطابق کابینہ نے سندھ ہیبیچوئل افنڈرز مانیٹرنگ رولز 2025 کی منظوری بھی دے دی۔ترجمان کے مطاب سندھ ہیبیچوئل افنڈرز مانیٹرنگ ایکٹ 2023 میں منظور ہوچکا ہے، اسٹریٹ کرمنلز اور عادی مجرموں کو بریسلیٹ پہنایا جائےگا۔
ریاست مخالف پروپیگنڈا، 20 پی ٹی آئی رہنماؤں کے وارنٹ جاری کرنے کا فیصلہ