سجاول: ملزم زخمی حالت میں گرفتار، 2 فرار
اشاعت کی تاریخ: 15th, January 2025 GMT
سجاول (نمائندہ جسارت) ایس ایس پی سجاول کے پریس ترجمان کی جاری پریس ریلیز کے مطابق پولیس نے دعویٰ کیا ہے کہ رات گئے سجاول جاتی مین روڈ بھٹی اسٹاپ کے قریب جرائم کے ارادے سے کھڑے 3 ملزمان نے پولیس کو دیکھتے ہی فائرنگ شروع کردی، پولیس کی بہتر حکمت عملی اور جوابی فائرنگ کے نتیجے میں ایک کرمنل اسماعیل عرف پوڑھو جاکھرو کو موقع پر ہی زخمی حالت میں گرفتار کر لیا، جبکہ پولیس کی دستوری روایت کے مطابق دیگر 2 ملزمان اندھیرے کا فائدہ اُٹھاتے ہوئے فرار ہوگئے۔ واضح رہے کہ سابقہ مقابلوں کی طرح اس مقابلے میں بھی کوئی اہلکار زخمی نہیں ہوا، زخمی ملزم کو اسپتال منتقل کیا گیا ہے، زخمی ملزم کے قبضے سے ایک ریپیٹر بمعہ کارتوس برآمد کیا گئی، گرفتار ملزم کا کرمنل ریکارڈ معلوم کیا جا رہا ہے، گرفتار اور مفرور کرمنلز کے خلاف تھانہ سجاول میں 2 الگ الگ مقدمات درج کر لیے گئے ہیں۔
.ذریعہ: Jasarat News
پڑھیں:
نوشہرہ،ایکسائز موبائل سکواڈ پر فائرنگ سے 2کانسٹیبل اور ڈرائیور شہید، ایک سب انسپکٹر شدید زخمی
نوشہرہ،ایکسائز موبائل سکواڈ پر فائرنگ سے 2کانسٹیبل اور ڈرائیور شہید، ایک سب انسپکٹر شدید زخمی WhatsAppFacebookTwitter 0 13 April, 2025 سب نیوز
نوشہرہ(سب نیوز)نوشہرہ میں ایکسائز موبائل سکواڈ پر فائرنگ کر کے 2 کانسٹیبل اور ڈرائیور کو شہید کر دیا گیا۔ایکسائز پولیس کے مطابق جی ٹی روڈ پر تارو پبی کی حدود میں نامعلوم افراد نے ایکسائز موبائل سکواڈ پر فائرنگ کر دی جس کے نتیجے میں دو کانسٹیبل اور ڈرائیور زندگی کی بازی ہار گئے جبکہ ایک سب انسپکٹر شدید زخمی ہے، جاں بحق ہونے والوں میں کانسٹیبل افتخار اور مجاہد شامل ہیں۔
حکام کا کہنا ہے کہ سب انسپکٹر فاروق کو 5 گولیاں لگیں جسے زخمی حالت میں ہسپتال منتقل کر دیا گیا ہے۔پولیس نے نامعلوم ملزمان کے خلاف مقدمہ درج کر کے مزید تفتیش کا آغاز کر دیا۔چیف سیکرٹری خیبرپختونخوا نے ایکسائز اہلکاروں پر فائرنگ کے واقعے کا نوٹس لیتے ہوئے رپورٹ طلب کر لی اور کہا کہ فائرنگ کا واقعہ انتہائی افسوسناک ہے، فائرنگ کے نتیجے میں شہید اہلکاروں کو خراج عقیدت پیش کرتے ہیں۔ان کا کہنا تھا کہ ایکسائز فورس جانوں کا نذرانہ دے کر صوبے میں منشیات کے خلاف جنگ لڑ رہی ہے، منشیات فروشوں کے خلاف کارروائیاں مزید تیز کی جائیں گی۔وزیر اعلی خیبر پختونخوا علی امین گنڈاپور نے بھی واقعے کی شدید مذمت کی اور پولیس کو فائرنگ میں ملوث عناصر کی فوری گرفتاری کے لئے کارروائی عمل میں لانے کی ہدایت کی۔انہوں کا واقعے میں دو ایکسائز پولیس اہلکاروں کی شہادت پر اظہار افسوس اور شہدا کے اہل خانہ سے دلی ہمدردی اور تعزیت کا اظہار کیا جبکہ زخمی اہلکار کی جلد صحت یابی کے لئے نیک خواہشات کا اظہار کیا۔
علی امین گنڈاپور کا کہنا تھا کہ سوگوار خاندانوں کے غم میں برابر کے شریک ہیں، صوبائی حکومت شہدا کے لواحقین کو تنہا نہیں چھوڑے گی، شہدا کے اہل خانہ کی ہر ممکن معاونت کی جائے گی، فائرنگ میں ملوث عناصر قانون کی گرفت سے بچ نہیں سکتے، شہدا کے لواحقین کو مکمل انصاف فراہم کیا جائے گا۔ دوسری جانب محکمہ ایکسائز انٹیلی جنس ٹیم کے شہید دو اہلکاروں سمیت ڈرائیور کی نماز جنازہ پولیس لائن پشاور میں ادا کر دی گئی۔نماز جنازہ میں آئی جی خیبرپختونخوا ذوالفقار حمید، سی سی پی او، ایس ایس پی آپریشنز سمیت ایکسائز حکام نے شرکت کی۔
عالمی قیمتوں میں کمی کے بعد ملک میں سونا سستا ہوگیا