گورنمنٹ گرلز ہائی اسکول میں اسپورٹس گالا کا انعقاد
اشاعت کی تاریخ: 15th, January 2025 GMT
حیدرآباد (اسٹاف رپورٹر) گورنمنٹ گرلز ہائی اسکول فارم کالونی میں اسپورٹس گالا کا انعقاد کیا گیا، جس میں مہمانِ خصوصی ہمارا اعلان پر امن پاکستان کے مرکزی چیئرمین خلیفہ محمد تسلیم راجپوت نے شرکت کی اور طلبا میں انعامات تقسیم کیے۔ گورنمنٹ گرلز ہائی اسکول فارم کالونی میں اسپورٹس گالا کا انعقاد پرنسپل وفا لغاری کی زیر نگرانی منعقد کیا گیا، تقریب میں بطور مہمانِ خصوصی ہمارا اعلان پر امن پاکستان بین المذاہب ہم آہنگی ادارہ برائے انسانی حقوق کے مرکزی چیئرمین خلیفہ محمد تسلیم راجپوت نے خصوصی شرکت کی، بچوں میں کھیل کے مقابلے ہوئے، محمد تسلیم راجپوت نے کامیاب طلبہ میں ٹرافی، میڈل اور شیلڈ تقسیم کی۔ چیئرمین خلیفہ محمد تسلیم راجپوت نے کہا کہ تعلیمی سرگرمیوں کے ساتھ ساتھ ذہنی اور جسمانی ورزش کے لیے کھیلوں کی سرگرمیاں بھی ضروری ہیں، بچیوں کو اسپورٹس میں بڑھ چڑھ کر حصہ لینا چاہیے تاکہ وہ بھی مستقبل میں ملک اور قوم کا نام روشن کرسکیں، ہم پورے پاکستان میں کھیلوں کو فروخت دینے کے لیے مختلف شہروں میں میلے سجائیں گے اور کھیلوں کا انعقاد کیا جائے گا۔ پرنسپل وفا لغاری نے کہا کہ ہمارا اعلان پر امن پاکستان کے مرکزی چیئرمین خلیفہ محمد تسلیم راجپوت کی فلاحی سرگرمیوں سے متاثر ہو کر ہم نے انہیں بطور مہمانِ خصوصی مدعو کیا جس پر ہم ان کا تہہ دل سے شکریہ ادا کرتے ہیں۔
.ذریعہ: Jasarat News
کلیدی لفظ: کا انعقاد
پڑھیں:
پاکستان ٹورازم ایکسپو میں بھر پور شرکت کرینگے ، ہائی کمشنر ڈاکٹر محمد فیصل
خورشید برلاس برطانیہ میں پاکستان کے ہائی کمشنر ڈاکٹرمحمد فیصل کوشیلڈ پیش کر رہے ہیںکراچی(کامرس رپورٹر) پاکستان ایسوسی ایشن آف ایگزبیشن انڈسٹری کے بانی خورشید برلاس نے وفد کے ہمراہ جس میں فرینڈز آف پاکستان کے چیئرمین امجد بشیر ،فرخ شیخ ،ایگزیکٹو ممبر فرینڈز آف پاکستان،کے ہمراہ برطانیہ میں پاکستان کے ہائی کمشنر ڈاکٹر محمد فیصل اور وزیر تجارت واقتصادیات شہزاد شفیق سے ملاقات کی۔ ملاقات کے موقع پر بانی وسابق چیئرمین خورشید برلاس نے بتایا کہ پاکستان ایسوسی ایشن آف ایگزبیشن انڈسٹری کے زیر اہتمام15 فروری 2025ء کو لندن میں پاکستان ٹورازم اینڈ ہاسپیٹلٹی انوسٹمنٹ سمٹ اینڈ اسمارٹ ایکسپو لندن میں کانفرنس کر رہے ہیں ۔جس میں میڈیکل ٹورازم ، ایجوکیشن ، مذہبی ٹورازم اور رئیلراسٹیٹ کے شعبے شامل ہیں۔ ہمارا مقصد پاکستان میںانوسٹمنٹ کیسے لائی جا سکتی ہے ایکسپورٹ کیسے بڑھائی جا سکتی ہے پاکستان کا مقام کس طرح اجاگر کیا جا رہا ہے۔ بڑی توقعات وابستہ ہیں اس کانفرنس سے پاکستان کے لوگوں کے بزنس کمیونٹی کے بہت اچھے تعلقات استوار ہونگے۔ کانفرنس سے پاکستان ٹورازم میں بہت پروموشن ملے گی اس کانفرنس سے کثیر تعداد میں پاکستان میں انوسٹمنٹ کے راستے کھلیں گے۔برطانیہ میں تعینات پاکستانی ہائی کمشنرڈاکٹر محمد فیصل کو خورشید برلاس نے پاکستان ٹورازم اینڈ ہاسپیٹلٹی انوسٹمنٹ سمٹ اینڈ اسمارٹ ایکسپو میں بطور چیف گیسٹ (مہمان خصوصی)شرکت کی دعوت دی جنہیں ڈاکٹر محمد فیصل نے قبول کیا اور یقین دہانی کروائی۔ کہ وہ اس نمائش میں بھرپور شرکت بھی کریں گے اور ہر قسم کی معاونت بھی فراہم کریں گے۔ پاکستانی ہائی کمشنر ڈاکٹر محمد فیصل نے پاکستان میں انوسٹمنٹ کے حوالے سے خورشید برلاس کی جانب سے کی جانیوالی کاوشوں کو سراہا آخر میں خورشید برلاس نے برطانیہ میں پاکستان کے ہائی کمشنر ڈاکٹر محمد فیصل کو شیلڈ بھی پیش کی اس موقع پرفرینڈز آف پاکستان کے چیئرمین امجد بشیر ،فرخ شیخ ،ایگزیکٹو ممبر فرینڈز آف پاکستان اور وزیر تجارت واقتصادیات شہزاد شفیق بھی ہمراہ ہیں۔
جے یو آئی کو زیر عتاب لایا جاتا ہے کہ لوگوں کو لڑاتے کیوں نہیں؟ فضل الرحمان