پاکستانی تاجروں کا بنگلہ دیش سے نئے دور کا آغاز ہے، شیخ عمر ریحان
اشاعت کی تاریخ: 15th, January 2025 GMT
کراچی ( کامرس رپورٹر) پاکستان وناسپتی مینوفیکچررز ایسوسی ایشن (پی وی ایم اے) کے چیئرمین شیخ عمر ریحان نے 12 سال بعد پاکستانی تجارتی وفد کے دورہ بنگلہ دیش کو خوش آئند قرار دیتے ہوئے کہا ہے کہ اس سے معیشت کیلئے نئے دور کا آغاز ہوگا۔ انہوں نے صدر ایف پی سی سی آئی عاطف اکرام شیخ کو مبارکباد پیش کرتے ہوئے کہا کہ فیڈریشن کے پلیٹ فارم سے بزنس کمیونٹی بنگلہ دیش کے ذریعے نئی مارکیٹوں تک اپنی مصنوعات پہنچانے کے مواقع سے بھرپور فایدہ اٹھائیں۔ شیخ عمر ریحان نے کہا کہ پاکستان اور بنگلہ دیش کی جانب سے باہمی تجارت اور دوستی کے فروغ کے لئے جو اقدامات اٹھائے گئے ہیں اس کا بزنس کمیونٹی خیر مقدم کرتی ہے۔ انہوں نے کہا کہ پاکستانی اور بنگلہ دیشی حکومت نے ویزوں کے اجراء میں نرمی کی جس سے ظاہر ہوتا ہے کہ دونوں ممالک کے درمیان تجارتی حجم میں اضافہ کے ساتھ برادرانہ تعلقات قائم ہوں گے۔ چیئرمین پی وی ایم اے نے کہا کہ بنگلہ دیش میں سہولیات سے استفادہ حاصل کرکے صنعتکار دوطرفہ تجارت میں فروغ کے ساتھ ساتھ نئی منڈیوں تک رسائی حاصل کر سکتے ہیں جو ایک بہترین موقع ہے۔ انہوں نے کہا کہ بنگلہ دیشی وزیر تجارت اور پاکستانی سفیر دوطرفہ تجارت کے فروغ کیلئے اقدامات کر رہے ہیں جس سے فائدہ اٹھایا جائے۔ شیخ عمر ریحان نے کہا کہ تجارت کیلئے ساز گار ماحول فراہم کرنے کیلئے حکومت سہولیات فراہم کرے تاکہ پاکستانی صنعتکار پیداوارمیں اضافہ اور عالمی مارکیٹ میں مسابقت سے اپنی مصنوعات پہنچا سکیں۔
.ذریعہ: Jasarat News
کلیدی لفظ: بنگلہ دیش نے کہا کہ
پڑھیں:
عمران خان سے جیل میں امریکی پاکستانی شخص کی طویل ملاقات کا انکشاف
لندن(ڈیلی پاکستان آن لائن ) سابق وزیر اعظم اور جیل میں بند پی ٹی آئی کے بانی چیئرمین عمران خان نے گزشتہ سال نومبر میں ایک ایسے شخص سے طویل بات چیت کی تھی جو اب اعلیٰ حکام کے ساتھ حالیہ اہم بات چیت کا حصہ ہیں۔
مقامی انگریزی اخبار دی نیوز کے مطابق یہ مذاکرات عمران خان کی رہائی اور پی ٹی آئی اور طاقتور حکام کے درمیان تعلقات کو بہتر بنانے کیلئے ممکنہ طریقے تلاش کرنے کے بارے میں ہیں۔ ذرائع نے بتایا کہ امریکی پاکستانیوں کے ایک گروپ کے گزشتہ ماہ (مارچ) کے تیسرے ہفتے میں عمران خان کے ساتھ مذاکرات سے بہت پہلے اڈیالہ جیل میں عمران خان اور ایک ایسے شخص کے درمیان بات چیت کے کئی سیشنز منعقد ہوئے تھے، یہ شخص اب حالیہ مذاکرات اور بات چیت کا حصہ ہے۔
سعودی مارکیٹ میں ٹیسلا کی انٹری، الیکٹرک گاڑیوں کی دوڑ میں نیا موڑ آگیا
عمران خان اور طاقتور پاکستانی انتظامیہ کے درمیان تعطل کو ختم کرنے کیلئے جو کوششیں ہو رہی ہیں اُن میں فوُڈ اور ریئل اسٹیٹ کی امریکی پاکستانی شخصیت تنویر احمد، تحریک انصاف امریکا چیپٹر کے سینئر رہنما عاطف خان، سردار عبدالسمیع، ڈاکٹر عثمان ملک، ڈاکٹر سائرہ بلال اور ڈاکٹر محمد منیر شامل ہیں۔جیل میں عمران خان سے ملاقات کرنے والے امریکی پاکستانی افراد دو دہائیوں سے عمران خان کے ذاتی دوست اور انہیں عطیات دیتے رہے ہیں، جب عمران خان وزیراعظم تھے تب بھی ملاقات کیلئے آتے رہتے تھے اور امریکا سے پاکستان آنے والے وفد کو جوڑنے میں بھی انہوں نے اہم کردار ادا کیا۔
پی آئی اے نے لاہور سے باکو کے لیے براہِ راست پروازیں شروع کرنے کا اعلان کردیا
گزشتہ سال امریکی پاکستانیوں کے ساتھ نومبر میں ہوئی ملاقات کے دوران عمران خان نے حکومت اور اسٹیبلشمنٹ کے ساتھ مفاہمت کی ضرورت کو سمجھا اور معاملات کے حل کیلئے تقریباً حامی ظاہر کی اور پھر انہیں یقین دلایا گیا کہ لاکھوں لوگ اسلام آباد لانگ مارچ میں شامل ہوں گے جس سے اس قدر افراتفری پیدا ہوگی کہ نظام کو فیصلہ کن مذاکرات کی طرف لایا جا سکے گا۔
ذرائع کے مطابق خیبر پختونخوا کے 3 سینئر رہنماؤں نے عمران خان کو یقین دلایا کہ لاکھوں لوگ اسلام آباد پر دھاوا بول دیں گے اور پی ٹی آئی کی شرائط پر عمران خان کو رہا کرایا جائے گا۔ اُس وقت بشریٰ بی بی اس پورے منظرنامے میں شامل نہیں تھیں اور ان کی شمولیت کے حوالے سے بھی کوئی فیصلہ نہیں ہوا تھا۔
والتھم فارسٹ پاکستانی کمیونٹی فورم کے سیکریٹری امجد مرزا امجد کے انتقال پر تعزیتی ریفرنس, خراج تحسین، دعائے مغفرت کی گئی
ذرائع کا بتانا ہے کہ عمران خان اس مارچ کی کامیابی کیلئے اس قدر پرامید تھے کہ انہوں نے امریکی پاکستانیوں کے ساتھ مذاکرات ختم کرنے کا فیصلہ کیا۔
مزید :
شمالی وزیرستان میں تیل و گیس کا نیا ذخیرہ دریافت