چیف آف آرمی اسٹاف انٹر کلب ہاکی چمپئن شپ کا آغاز آج ہوگا
اشاعت کی تاریخ: 15th, January 2025 GMT
لاہور(اسپورٹس ڈیسک)دوسری چیف آف آرمی اسٹاف انٹر کلب نیشنل ہاکی چمپئن شپ کا دوسرا مرحلہ آج سے شروع ہوگا جو 19جنوری تک جاری رہے گا جس میں ڈویژنل سطح کی کلب لیول کی ٹیمیں حصہ لیں گی۔ اس حوالے سے پاکستان ہاکی فیڈریشن کے سیکرٹری جنرل نے تمام صوبائی ایسوسی ایشنز کو بذریعہ لیٹر ہدایات جاری کردی ہیں۔ لیٹر کے مطابق پی ایچ ایف کانگریس ممبران جو کہ آرگنائزنگ کمیٹی کا حصہ بھی ہونگے وہ باہمی مشاورت سے وینیو کا تعین کریں گے۔ بعد ازاں فاتح ٹیمیں صوبائی سطح پر ہونے والے دوسری چیف آف آرمی اسٹاف انٹر کلب نیشنل ہاکی چمپئن شپ کیلیے کوالیفائی کرسکیں گی۔ صوبائی ٹیموں میں پنجاب سے 9، کے پی کے سے7، سندھ سے6، بلوچستان سے 6جبکہ گلگت بلتستان ،آزاد کشمیر اور اسلام آباد سے ایک ٹیم شامل ہوگی۔ ایونٹ سے متعلق مزید ہدایات صوبائی ایسوسیشنز کو جاری کردی گئی ہیں۔
.ذریعہ: Jasarat News
پڑھیں:
اسلام آباد ہاکی ایسوسی ایشن کا اجلاس، ہاکی ٹیم کیلئے اوپن ٹرائلز جمعرات کو نصیر بندا ہاکی اسٹیڈیم میں منعقد کرنے کا اعلان
اسلام آباد ہاکی ایسوسی ایشن کا اجلاس، ہاکی ٹیم کیلئے اوپن ٹرائلز جمعرات کو نصیر بندا ہاکی اسٹیڈیم میں منعقد کرنے کا اعلان WhatsAppFacebookTwitter 0 15 April, 2025 سب نیوز
اسلام آباد (سب نیوز)35ویں نیشنل گیمز سندھ کے سلسلے میں آئی ایچ اے کے عہدے داران کی میٹنگ زیر صدارت قاضی عطا الرحمن ہوئی۔میٹنگ میں نیشنل گیمز سندھ میں شرکت کرنے والی اسلام آباد ہاکی ٹیم کے اوپن ٹرائلز کے حوالے سے گفتگو ہوئی ۔اسلام آباد کی ہاکی ٹیم کیلئے اوپن ٹرائلز 17 اپریل بروز جمعرات نصیر بندا ہاکی اسٹیڈیم پاکستان اسپورٹس بورڈ میں دوپہر 3بجے رکھے گئے ہیں۔
ٹرائلز میں حصہ لینے والے کھلاڑی دوپہر 3بجے ٹرائلز کیلئے ایک سفید اور ایک کلر شرٹ لیکر پہنچ جائیں،سندھ نیشنل گیمز سلیکشن کمیٹی کا قیام اسلام آباد ایسوسی ایشن کی میٹنگ میں کیا گیا۔سلیکشن کمیٹی کے چئیر مین قاضی عطا الرحمن ہونگے۔انکے ہمراہ احسان اللہ نیازی ، چوہدری محبوب رامے اور رضوان رانا سلیکشن کمیٹی کے ممبران ہونگے۔آج کی میٹنگ میں جنرل سیکرٹری سید ضیا اللہ شاہ نے صدر آئی ایچ اے جناب چوہدری عنصر کی جانب سے اسلام آباد میں ہونے والے انٹرنیشنل میچز جس میں جرمنی جونئیر اور اومان نیشنل ٹیم کی شاندار میزبانی اور ایونٹ کی کامیابی پر آئی ایچ اے کی پوری ٹیم کو مبارکباد دی۔آج کی میٹنگ میں احسان اللہ نیازی،راجہ عبد القدیر ، محبوب رامے،رانا رضوان ،وسیم بیگ، سید حسن شاہ اور راجہ لطیف بھی موجود تھے۔
بھارتی وزیر نے سرینگر کے باغ گل ولالہ کی سیر کر کے مسلمانوں کی بے بسی کا جشن منایا، محبوبہ مفتی