ماسٹر آئل انٹر کلب کرکٹ ،پریمئر اسپورٹس، بلال فرینڈز، فیصل جمخانہ کی کامیابی
اشاعت کی تاریخ: 15th, January 2025 GMT
کراچی (اسپورٹس رپورٹر) ریجنل کرکٹ ایسوسی ایشن کراچی کے زیر اہتمام ماسٹر آئل لبریکینٹ کے تعاون سے منعقد کردہ ماسٹر آئل انٹر کلب کرکٹ ٹورنامنٹ میں گزشتہ روز مزید تین میچز کا فیصلہ ہو گیا۔ اسٹوڈنٹس اسپورٹس گراؤنڈ پر کھیلے گئے پہلے میچ میں پریمیئر اسپورٹس نے العمران کرکٹ کلب کو 6 وکٹوں سے شکست دے دی۔ العمران کرکٹ کلب نے پہلے بیٹنگ کرتے ہوئے 8 وکٹوں کے نقصان پر 216 رنز بنائے۔ عمیر احمد نے 9 چوکوں کی مدد سے 77 اور فرید نے 22 رنز بنائے ۔ صائم اقبال، محمد اقبال اور انس خالد نے 2-2 کھلاڑیوں کو آئوٹ کیا۔ جواب میں پریمیئر اسپورٹس نے 8 وکٹوں کے نقصان پر مطلوبہ 217 رنز بنا لیے ۔ جواد خان نے 70 فرحان خان نے 51 رنز بنائے۔ لانڈھی جمخانہ گراؤنڈ پر بلال فرینڈز نے شالیمار کرکٹ کلب کو 7 وکٹوں سے ہرا دیا۔ شالیمار کرکٹ کلب پہلے بیٹنگ کرتے ہوئے 117 رنز بنا کر آئوٹ ہوگئی۔ شہزر خان نے 30 اور محمد سمیع نے 20 رنز بنائے۔ جنید خان اور دانیال احمد نے 2-2 کھلاڑیوں کو آوٹ کیا۔ جواب میں بلال فرینڈز نے 3 وکٹوں کے نقصان پر 120 رنز بنا لئے۔ جنید خان نے 26، شہزاد خان نے 23رنز بنائے۔
.ذریعہ: Jasarat News
پڑھیں:
میرپورخاص: غیرملکی فوڈ چین کو آگ لگانے اور پولیس پر حملے کا ماسٹر مائنڈ گرفتار، ملزمان کی تعداد 37 ہوگئی
میرپورخاص میں غیر ملکی فوڈ چین کو آگ لگانے اور پولیس پر حملے کا ماسٹر مائنڈ گرفتار کرلیا گیا، ملزم کے قبضے سے غیر قانونی اسلحہ بھی برآمد ہوا ہے۔
پولیس کا کہنا ہے کہ مقدمے میں گرفتار ملزمان کی تعداد 37 ہوگئی ہے۔
اس سے قبل میرپورخاص میں غیرملکی فوڈ چین کو آگ لگانے اور پولیس پر حملہ کرنے کے مقدمے میں گرفتار 36 ملزمان کو انسداد دہشتگردی عدالت میں پیش کیا گیا۔
پولیس کا کہنا ہے کہ واقعہ کا مقدمہ درج کرلیا گیا اور ملوث ملزمان کی شناخت کر لی گئی ہے۔
انسداد دہشتگردی عدالت نے 36 ملزمان میں سے 22 کو چار روزہ ریمانڈ پر پولیس کے حوالے جبکہ 14 ملزمان کو جیل بھیج دیا۔
ملزمان نے 8 اپریل کی رات غیر ملکی فوڈ چین پر پتھراؤ کیا اور آگ لگا دی تھی جبکہ موقع پر پہنچنے والی پولیس پر بھی حملہ کیا، پولیس نے 200 ملزمان کے خلاف مقدمہ درج کیا تھا۔
پولیس کے مطابق سی سی ٹی وی ویڈیو اور تصاویر کی مدد سے ملزمان کی شناخت کرکے مزید گرفتاریاں کی جائیں گی۔
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار