تُرک فوج کی شمالی شام میں کارروائی‘ 9 جنگجو ہلاک
اشاعت کی تاریخ: 15th, January 2025 GMT
انقرہ (انٹرنیشنل ڈیسک) تُرک فوج نے شمالی شام میں کی جانے والی کارروائیوں میں علاحدگی پسند کرد تنظیم کے مزید 9 دہشت گردوں کو ہلاک کر دیا ۔ وزارت قومی دفاع کے مطابق شمالی شام میں حملے کی تیاری کرنے والے جنگجوؤں کو خفیہ اطلاع پر ہلاک کیا گیا۔ وزارت دفاع کے بیان میں کہا گیا کہ ہماری جدوجہد اس وقت تک جاری رہے گی جب تک کہ دہشت گرد وں کا اس علاقے سے صفایا نہیں کیا جاتا۔
.ذریعہ: Jasarat News
پڑھیں:
ضلع خیبر میں سیکیورٹی فورسز کا آپریشن، 22 خوارج ہلاک
ضلع خیبر: ضلع خیبر کے علاقے تیراہ میں سیکیورٹی فورسز کے آپریشن کے دوران گزشتہ ایک ماہ میں 22 خوارج ہلاک اور 18 زخمی ہو گئے ہیں۔ انٹر سروسز پبلک ریلیشنز (آئی ایس پی آر) کے مطابق، یہ آپریشن خفیہ اطلاعات کی بنیاد پر کیے گئے اور اس کا مقصد دہشت گردوں کے خلاف مؤثر کارروائی کرنا تھا۔
آئی ایس پی آر کے مطابق، سیکیورٹی فورسز نے دہشت گردوں کے متعدد ٹھکانوں پر کامیاب کارروائیاں کیں، جس کے نتیجے میں 22 خوارج ہلاک ہوئے۔ یہ آپریشن تیراہ میں سیکیورٹی فورسز اور معصوم شہریوں کے خلاف دہشت گردوں کی بڑھتی ہوئی کارروائیوں کے جواب میں کیے گئے تھے۔
سیکیورٹی ذرائع کے مطابق، آج کرم سامان لے جانے والے قافلے پر شرپسندوں نے فائرنگ کی، جس میں 4 گاڑیاں اس حملے کی زد میں آئیں۔ اس فائرنگ کے نتیجے میں 1 اہلکار شہید اور 4 زخمی ہو گئے۔
ذرائع نے بتایا کہ 10 گاڑیاں باحفاظت علی زئی پہنچ چکی ہیں، جبکہ باقی گاڑیوں کو پیچھے ہی روک لیا گیا ہے۔ پولیس اور سیکیورٹی فورسز کی بروقت کارروائی کے باعث شرپسند فرار ہونے میں کامیاب ہو گئے۔
توشہ خانہ ٹو کیس :عمران خان اور اہلیہ کا بریت کیلئے اسلام آباد ہائیکورٹ سے رجوع