دلہن بیت الخلا گئی اور شادی کے تمام زیور و نقدی لے اُڑی
اشاعت کی تاریخ: 14th, January 2025 GMT
لکھنؤ:بھارت کی ریاست اترپردیش میں شادی کی تقریب کے دوران ایک انوکھا واقعہ پیش آیا، جہاں دلہن بیت الخلا جانے کا بہانہ بنا کر زیورات اور نقدی سمیت غائب ہوگئی۔
یہ واقعہ ضلع بھرویہ کے شیو مندر میں پیش آیا، جہاں 40 سالہ کسان کملیش کمار اپنی دوسری شادی کے بندھن میں بندھنے جا رہے تھے۔
کملیش کے مطابق دلہن اپنی ماں کے ساتھ شادی میں شریک ہوئی تھی اور وہ پہلے ہی اسے ساڑھیاں زیورات، اور دیگر تحائف دے چکا تھا۔ شادی کی رسموں کے دوران دلہن نے بیت الخلا جانے کا عذر پیش کیا اور اس کے بعد وہ واپس نہ لوٹی۔ حیرت کی بات یہ ہے کہ دلہن کی ماں بھی موقع سے فرار ہوگئی۔
واقعے کے بعد کملیش نے صحافیوں سے گفتگو میں شادی میں لُٹ جانے کا احوال بتایا، تاہم پولیس کو کسی قسم کی شکایت درج نہیں کرائی گئی۔
کملیش کا کہنا ہے کہ وہ شادی کے تمام اخراجات برداشت کر رہا تھا لیکن دلہن اور اس کی ماں نے اسے دھوکا دے کر تمام زیورات اور نقدی لوٹ لی۔
.ذریعہ: Jasarat News
پڑھیں:
ربیکا خان کی سسرال سے آخری عیدی، شادی کب ہوگی؟
کراچی(شوبز ڈیسک)پاکستان کی معروف ٹک ٹاکر جوڑی ربیکا خان اور حسین ترین کی شادی کی تاریخ قریب آنے کا اعلان کرتے ہوئے اپنی آخری عیدی کی ویڈیو شیئر کردی۔
گیم شو میں ملاقات کے بعد دوستی کے بندھن میں بندھنے والے جوڑے ربیکا خان اور حسین ترین چند سالوں سے ایک ساتھ تھے لیکن اپنے رشتے کو آفیشل کرنے کیلئے بھی تیار نہیں تھے۔
اپنے رشتے کو طویل عرصہ دوستی کا نام دینے کے بعد گزشتہ سال دونوں کی بات پکّی کی رسم ہوئی جس کے بعد دونوں کے فینز انکی شادی کی تقریبات کے منتظر نظر آئے۔
اگرچہ دونوں کو سوشل میڈیا پر شدید ٹرولنگ کا سامنا رہتا ہے، جہاں ربیکا آئے دن کسی نہ کسی بات پر سیلیبریشن کرنے کے سبب تنقید کی زد میں آتی ہیں وہیں حسین ترین کا کانٹینٹ بھی کِرنج قرار دیا جاتا ہے۔
سوشل میڈیا صارفین دونوں سے یہ مطالبہ کرتے بھی دکھتے ہیں کہ وہ جلد از جلد شادی کرلیں کیونکہ وہ طویل عرصے سے بغیر شادی ایک ساتھ گھومتے پھرتے رہتے ہیں۔
اب بالآخر دونوں نے اس بات کا انکشاف کردیا ہے کہ وہ آئندہ دو ماہ کے اندر شادی کرنے والے ہیں۔
دراصل ربیکا خان نے ایک ویڈیو شیئر کی جو انکی سسرال سے آئی عیدی اور اس دن کی خاص یادوں کو خود میں سمیٹے ہوئے تھی۔
View this post on InstagramA post shared by Rabeeca Khan (@rabeecakhan)
اس ویڈیو پر انہوں نے بطور کیپشن لکھا کہ ‘سسرال سے آئی ہماری آخری عیدی’ اور یہی جملہ اس بعد کا انکشاف کرگیا کہ دونوں کی شادی اب زیادہ دور نہیں کیونکہ جون میں عید الضحیٰ ہے اور اگر اسٹار جوڑی کی یہ آخری عیدی ہے تو اس کا مطلب انکی شادی رواں ماہ اپریل یا آئندہ ماہ مئی میں ہوگی۔
ربیکا کی جانب سے شیئر کی گئی عیدی کی ویڈیو میں انکے سسرال کی جانب سے خوب سجا سنوار کر سامان لایا گیا جس میں انکے کپڑے، چوڑیاں، زیور، سینڈلز، پرفیوم، کیک، چاکلیٹ باسکٹ و دیگر چیزیں شامل تھیں۔
ربیکا اور حسین ترین کی فیملیز نے اس دن کو ایک ساتھ کھانا کھاتے ہوئے منایا جس کا اہتمام ربیکا خان کے گھر کیا گیا۔
View this post on InstagramA post shared by Rabeeca Khan (@rabeecakhan)
ربیکا خان نے اس موقع پر ہلکا جامنی لباس پہنا اور انکی عیدی کی سجاوٹ میں بھی اسی رنگ کو نمایاں رکھا گیا تھا۔
ربیکا خان کی اس قدر خوبصورت عیدی کو دیکھ کر فینز رشک کرتے دکھ رہے ہیں جبکہ متعدد اسے پیسے کا ضایع قرار دیا جارہا ہے۔
مزیدپڑھیں:مچھر مار کر نام، وقت اور جگہ کا ریکارڈ رکھنے کی شوقین انوکھی لڑکی
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار