خیبرپختونخوا حکومت کا سیاحت کے فروغ کیلئے بڑے اعلانات
اشاعت کی تاریخ: 14th, January 2025 GMT
خیبرپختونخوا حکومت کا سیاحت کے فروغ کیلئے بڑے اعلانات WhatsAppFacebookTwitter 0 14 January, 2025 سب نیوز
پشاور (آئی پی ایس )خیبرپختونخوا کی صوبائی حکومت نے سیاحت کے فروغ کے لیے اہم اعلانات کیے ہیں اور ٹورزم پولیس کو مستقل کرنے، ان کی تنخواہوں میں بڑا اضافہ سمیت سیاحتی مقامات کی ترقی کے لیے منصوبے شروع کرنے کا فیصلہ کیا گیا۔وزیراعلی خیبرپختونخوا کے پریس سیکریٹری کی جانب سے جاری اعلامیے کے مطابق وزیراعلی علی امین خان گنڈاپور کی زیر صدارت خیبر پختونخوا کلچر اینڈ ٹوارزم اتھارٹی کے بورڈ آف ڈائریکٹرز کا اجلاس منعقد ہوا جہاں صوبائی کابینہ اراکین، ایڈیشنل چیف سیکریٹری پلاننگ اور ڈیولپمنٹ کے علاوہ دیگر بورڈ اراکین نے شرکت کی۔
بیان کے مطابق بورڈ اجلاس میں مختلف ایجنڈا آئٹمز پرغور و خوض کے بعد اہم فیصلے کیے گئے اور وزیر اعلی خیبرپختونخوا نے ٹورزم پولیس کے اہلکاروں کو مستقل کرنے کا اعلان کیا۔بورڈ اجلاس میں ٹورزم پولیس کے اہلکاروں کی ماہانہ تنخواہ 36 ہزار روپے سے بڑھا کر 45 ہزار روپے کرنے کی منظوری دی گئی اور ٹوارزم پولیس کو مزید مستحکم کرنیکے لیے مزید ہیوی بائیکس اور کمیونیکیشن گیجٹس بھی فراہم کرنے کا فیصلہ کیا گیا۔وزیر اعلی نے محکمہ سیاحت کے حکام کو مزید سیاحتی مقامات دریافت کرنے کے لیے اقدامات کی ہدایت کی اور کہا کہ اگلے مالی سال کے بجٹ میں کم از کم چار نئے سیاحتی مقامات کو ڈیولپ کرنے کے منصوبے شامل کیے جائیں۔
انہوں نے کہا کہ گزشتہ سیزن میں ڈیڑھ کروڑ ملکی اور غیر ملکی سیاحوں نے خیبر پختونخوا کا رخ کیا، سیاحوں کی بڑھتی ہوئی تعداد کے پیش نظر صوبے میں نئے سیاحتی مقامات دریافت کرنے کی ضرورت ہے۔علی امین گنڈاپور نے ٹھنڈیانی انٹیگریٹڈ ٹوارزم زون کے ماسٹر پلان میں ضروری ترامیم کر کے مشتہر کرنے، انٹیگریٹڈ ٹوارزم زونز کے لیے رابطہ سڑکوں کی بیک وقت تعمیر کے لیے بھی اقدامات کی ہدایت کی۔انہوں نے کہا کہ سیاحت کا شعبہ ترجیحی شعبوں میں شامل ہے، اس شعبے میں روزگار اور سرمایہ کاری کی وسیع استعداد موجود ہے۔ اجلاس میں بورڈ آف ڈائریکٹرز کے تحت فنانس اور ایچ آر کمیٹیوں کی بھی منظوری دی گئی اور فورم کی آٹ سورسنگ، انویسٹمنٹ اور کلچر کمیٹیوں کے قیام کی ہدایت کی گئی۔
.ذریعہ: Daily Sub News
کلیدی لفظ: سیاحت کے
پڑھیں:
اسپرنگ فیسٹیول گالا کی پروموشنل وڈیو دنیا بھر کے مختلف ممالک میں پیش کی گئی
اسپرنگ فیسٹیول گالا کی پروموشنل وڈیو دنیا بھر کے مختلف ممالک میں پیش کی گئی WhatsAppFacebookTwitter 0 18 January, 2025 سب نیوز
بیجنگ : بلغراد میں چینی ثقافتی مرکز نے “ہیپی چائنیز نیو ایئر پریس کانفرنس” اور “گلوبل اسپرنگ فیسٹیول گالا” دیکھنے کی سرگرمیوں کا آغاز کیا۔ سربیا کی حکومت، پوسٹل ڈیپارٹمنٹ، سربیا کے “بیلٹ اینڈ روڈ” ریسرچ انسٹی ٹیوٹ، سربیا میں سفارت خانے اور ثقافتی حلقوں کے 100 سے زائد نمائندوں نے اس ثقافتی تقریب میں شرکت کی ۔اس موقع پر سی ایم جی کے 2025 اسپرنگ فیسٹیول گالا کی پروموشنل ویڈیو اور “چینی غیر مادی ثقافتی ورثے” کی پروموشنل ویڈیو پیش کی گئی جس میں سربیا کے میڈیا نے گہری دلچسپی ظاہر کی ۔
اسی روز کلچرل سینٹر کی بیرونی جانب اسپرنگ فیسٹیول گالا کا ایک بڑا پوسٹر بھی آویزاں کیا گیا جو بلغراد کی سڑکوں پر ایک خوبصورت منظر پیش کر رہا ہے۔ 16 سے 19 جنوری تک ، 30ویں تھائی لینڈ بین الاقوامی سیاحتی نمائش بینکاک میں منعقد ہوئی۔ سیاحتی نمائش کے دوران ، سی ایم جی 2025 اسپرنگ فیسٹیول گالا کی پروموشنل ویڈیو تقریب میں بڑی اسکرین پر نشر کی گئی۔ نمائش نے مختلف ممالک اور خطوں سے 680 سے زائد سیاحتی تنظیموں اور کاروباری اداروں کو اپنی طرف متوجہ کیا اور اس تقریب میں تقریباً ایک لاکھ افراد نے شرکت کی۔
اسپرنگ فیسٹیول گالا کی پروموشنل ویڈیو دیکھنے کے بعد بین الاقوامی سیاحتی نمائش کے آرگنائزر تھائی آؤٹ باؤنڈ ٹورازم ایسوسی ایشن کے صدر نے کہا کہ اسپرنگ فیسٹیول گالا بہت شاندار ہے اور انہیں امید ہے کہ زیادہ سے زیادہ تھائی عوام اسپرنگ فیسٹیول گالا دیکھ سکیں گے اور چینی آرٹ اور ثقافت کا تجربہ کر سکیں گے۔مقامی وقت کے مطابق 17 جنوری کو چائنا میڈیا گروپ کے اسپرنگ فیسٹیول گالا کا پوسٹر اور پروموشنل ویڈیو پہلی بار سینٹ پیٹرزبرگ ، روس میں پبلک ٹرانسپورٹ کی اسمارٹ اسکرین پر پیش کی گئی۔
حماس اور اسرائیل میں جنگ بندی معاہدہ جلد ہونے کا امکان:امریکا