پنجاب حکومت کی کامیابیوں نے بہت سے لوگوں کی نیندیں حرام کر رکھی ہیں،عظمیٰ بخاری کا دعویٰ
اشاعت کی تاریخ: 14th, January 2025 GMT
وزیر اطلاعات پنجاب عظمٰی بخاری نے کہا ہے کہ کابینہ میں پنجاب کے نوجوانوں کیلئے اپنی نوعیت کی پنجاب فنانس کاروبار کی منظوری دے دی گئی ہے۔ پنجاب حکومت نوجوانوں کو بغیر لیز کے سرکاری زمین اور بلا سود 3 کروڑ تک قرضہ فراہم کرے گی۔ کسی بھی فتنہ کا حصہ بننے کی بجائے پاکستان کی ترقی پسند یوتھ اس وقت مریم نواز سے امیدیں وابستہ کر رہی ہے۔
پنجاب حکومت 1 لاکھ کے قریب چھوٹے اور درمیانے درجے کے سٹارٹ اپ شروع کرے گی۔مریم نواز جو کام پنجاب کے نوجوانوں کیلئے کررہی ہے، دوسرے صوبوں کے نوجوان بھی اسکی خواہش کررہے ہیں۔طلباء کیلئے لیپ ٹاپس کی تعداد 40 ہزار تک بڑھائی جا رہی ہے۔ سکینڈ اور تھرڈ ائیر کے بچوں کو بھی ہونہار سکالر شپ سے فیسیں دی جائیں گی۔ ان خیالات کا اظہار انہوں نے پنجاب اسمبلی کے باہر میڈیا سے گفتگو کرتے ہوئے کیا۔
عظمیٰ بخاری نے کہا کہ آج پنجاب کی اقلیتوں کےلیے بہت بڑی خوشخبری ہے۔ سکھ میرے ایکٹ کے بعد کابینہ نے ہندو سکھ میرج ایکٹ کی منظوری دیدی ہے جو پنجاب بھر میں لاگو ہوگا۔ کسان کارڈ سے اب تک کاشتکاروں 46ارب روپے کی خریداری کر چکے ہیں۔ پنجاب حکومت 9 ہزار سے زائد گرین ٹریکٹر کسانوں کو دے چکی ہے۔
پنجاب میں رکشہ سمیت تمام گاڑیوں کی رجسٹریشن 6 ماہ میں کروانا لازم ہوگی۔ وزیر اعلٰی نے کاٹن کی پیداوار بڑھانے کےلیے ٹاسک دیا سونپ دیا ہے اور اب پنجاب میں کاٹن اور گنے کی پیداوار کو مانیٹر کیاجائے گا۔ 2سے3 دن میں28 الیکٹرک بسیں لاہور کی سڑکوں پر نظر آئیں گی۔ ہم بسوں کےلیے چارج اسٹیشن بنائیں گے اور ڈبل ڈیکر بسوں کےلیے نئے ڈپو قائم کیے جائیں گے۔
وزیر اطلاعات نے مزید کہا کہ کابینہ میں ڈائیلسز پروگرام کی بھی منظوری دی گئی ہے، ڈائیلسز کیلئے جو فنڈ پہلے7 لاکھ تھا اسے اب بڑھا کر 10 لاکھ روپے کردیا ہے۔ اوورسیز پاکستانیوں کےلیے سپیشل عدالت قائم کریں گے۔ فتنہ گروپ نے اوورسیز پاکسانیوں کو زکوٰۃ خیرات جمع کروانے اور فسادبرپا کرنے کےلیے استعمال کیا لیکن مریم نواز ان کے مسائل پر ریلیف دینے کی کوشش کر رہی ہے۔انکا کہنا تھا کہ جرنلسٹ سپورٹ فنڈز کو وزیر اعلیٰ پنجاب مریم نواز نے ڈبل کردیا ہے۔
.ذریعہ: Daily Ausaf
کلیدی لفظ: پنجاب حکومت مریم نواز
پڑھیں:
لشکر کشی کے بجائے خدمت کی سیاست پر توجہ مرکوز رکھی ہے ،مریم نواز
لاہور (نمائندہ جسارت) وزیراعلیٰ پنجاب مریم نواز نے کہا ہے کہ ہونہار اسکالر شپ پروگرام پاکستان کی تاریخ کا سب سے بڑا پروگرام ہے۔سیالکوٹ میں گورنمنٹ کالج ویمن یونیورسٹی میں ہونہار اسکالر شپ پروگرام کے تحت چیکس تقسیم کرنے کی تقریب سے خطاب کرتے ہوئے مریم نواز نے کہا کہ سیاست بہت اچھی چیز ہے اور خدمت کا نام ہے، ہم نے تشدد کی سیاست کبھی نہیں کی، ہم لشکر کشی کے بجائے خدمت کی سیاست پر توجہ مرکوز رکھے ہوئے ہیں،
کبھی نہیں کہا کہ میری خاطر سڑکوں پر توڑ پھوڑ کرو، کبھی نہیں کہا کہ رینجرز اور پولیس کی وردیاں پھاڑ دو، ڈوبتی معیشت کو بہتری کی طرف لے کر آئے ہیں، ترسیلات زر میں اضافہ ہوا،ا سٹاک مارکیٹ تاریخ کی بلندیوں پر پہنچ گئی ہے، مہنگائی میں نمایاں کمی آئی ہے۔انہوں نے کہا کہ ہونہار اسکالر شپ حاصل کرنے والے طلبہ کو مبارکباد پیش کرتی ہوں، مواقع ملنے پر ہماری بیٹیاں ملک وقوم کا نام روشن کرنے میں پیش پیش ہوں گی۔ طلبہ کو میرٹ پر اسکالر شپس دی جا رہی ہیں، کوئی سفارش قبول نہیں کی، 11ماہ کے عرصے میں کسی بھی محکمے میں سفارش پر کوئی تعیناتی نہیں کی۔اسکالر شپ پروگرام سیکنڈ ایئر اور تھرڈ ایئر کے طلبہ کے لیے بھی جلد شروع کیا جائے گا، وزیراعلیٰ ہونے کی حیثیت سے مجھے صوبے کے ہر طالبعلم کا خیال رکھنا ہے، کوئی ہے کہ صوبے میں کوئی بچہ تعلیم سے محروم نہ رہے، مستحق اور لائق بچوں کی مالی معاونت بھی کی جائے گی۔کسی بھی قوم کی بہتری میں تعلیم کا معیار بنیادی حیثیت رکھتا ہے، ہونہار طلبہ نے اسکالر شپس اپنی محنت اور اہلیت سے حاصل کی ہیں، آپ جیسے ہونہار طلبہ ہی پاکستان کا مستقبل ہیں۔پاکستان کی آبادی کا سب سے بڑا حصہ نوجوان ہیں، میری پہلی ترجیح نوجوان ہیں، لیپ ٹاپ کی پہلی کھیپ پہنچ گئی ، طالبعلموں میں لیپ ٹاپ کی تقسیم کا عمل جلد شروع کریں گے، جلد طلبہ کو مفت ایک لاکھ الیکٹرک بائیکس بھی دوں گی، پہلی بار طلبہ کو محسوس ہوا کہ کسی نے ان کے میرٹ کی قدر کی۔
اپنا گھر بنانے کے خواہشمند افراد کے لیےاچھی خبر آ گئی