پنجاب کابینہ کا آسان کاروبار اسکیم کیلئے مفت پلاٹ دینے کا اعلان
اشاعت کی تاریخ: 14th, January 2025 GMT
’کسان رُل گیا ہے‘ کا بیانیہ پٹ گیا ہے، مریم نواز - فوٹو: فائل
پنجاب کابینہ نے آسان کاروبار اسکیم کیلئے مفت پلاٹ دینے کا اعلان کردیا جبکہ پنجاب ہندو میرج ایکٹ رجسٹریشن رولز 2024ء کی منظوری بھی دے دی۔
لاہور میں وزیراعلیٰ پنجاب مریم نواز کی زیر صدارت پنجاب کابینہ کا اجلاس ہوا جس میں آسان کاروبار فنانس اسکیم کی منظوری دی گئی اور ایک لاکھ بزنس اسٹارٹ اپ کا ہدف بھی مقرر کیا گیا۔
کابینہ نے ای وہیکلز چارجنگ اسٹیشن قائم کرنے کےلیے پالیسی طلب کرلی جبکہ قذافی اسٹیڈیم کا نام تبدیل کرنے کا فیصلہ مسترد کردیا۔
وزیر اعلیٰ پنجاب مریم نواز نے مستحق اور نادار افراد کیلئے مفت زمین اسکیم جلد لانے کا اعلان کردیا۔
کابینہ نے کسان کارڈ کی مالیت ساڑھے 7 لاکھ کرنے اور کیش لمٹ 30 فیصد تک بڑھانے کی منظوری بھی دی۔
کابینہ نے اسپیشل اینیشیٹو فار ڈائیلسز پروگرام کی منظوری دی اور ڈائیلسز فنڈز 7 لاکھ سے بڑھا کر 10 لاکھ کردیا۔
صوبائی کابینہ نے وہیکلز رجسٹریشن مہم شروع کرنے اور موٹر سائیکل کی اسپیڈ 60 کلومیٹر فی گھنٹہ تک محدود کرنے کا فیصلہ بھی کیا ہے۔
وزیراعلیٰ پنجاب مریم نواز نے پاکستان کا پہلا پنجاب دھی رانی پروگرام لانچ کردیا ،اس دوران سلامی کارڈ بھی جاری کیا گیا۔
کابینہ نے اوورسیز پاکستانیوں کے پراپرٹی کیسز کیلئے اسپیشل عدالت قائم کرنے اور جرنلسٹ سپورٹ فنڈ کی سیڈ منی اور مالی امداد بڑھانے کی منظوری بھی دی۔
اجلاس میں پراپرٹی ٹیکس، ویلیو ایشن سسٹم کو رینٹل ویلیو سے کپٹل ویلیو پر منتقل کرنے کی منظوری بھی دی گئی۔
اس موقع پر وزیراعلیٰ پنجاب مریم نواز کا کہنا تھا کہ کسان کارڈ سے کاشتکاروں نے 46 ارب کی ریکارڈ خریداری کی ہے، ’کسان رُل گیا ہے‘ کا بیانیہ پٹ گیا ہے۔ اب کاشتکار خوش اور خوشحال ہے۔
.ذریعہ: Jang News
کلیدی لفظ: پنجاب مریم نواز کی منظوری بھی کابینہ نے کا اعلان گیا ہے
پڑھیں:
اپنی چھت اپنا گھر پر وگرام : ٹارگٹ پورا کرنے کیلئے پر عزم ‘ ماضہ میں صرف وعدے ہوئے : مریم نواز
لاہور (نوائے وقت رپورٹ) وزیراعلیٰ مریم نوازشریف کی ہدایت پر ’’اپنی چھت، اپنا گھر پروگرام‘‘ کامیابی سے جاری ہے۔ وزیراعلیٰ کا ویژن ہزاروں گھرانوں کے لئے خوشی کا باعث بن رہا ہے۔ ’’اپنی چھت، اپنا گھرپروگرام‘‘ کے تحت مختصر مدت میں 1806گھروں کی تکمیل کا منفرد ریکارڈ قائم ہوا ہے۔ ’’اپنی چھت، اپنا گھر پروگرام‘‘ کے تحت 9کروڑ 24لاکھ روپے کے قرضوں کی وصولی پروگرام کی شفافیت کا ثبوت ہے۔ 22ہزار 600سے زائد گھر تکمیل کے آخری مراحل میں ہیں۔ ساڑھے25ہزار سے زائد گھرانوں کو27ارب 43 کروڑ سے زائد کے قرضے جاری کیے گئے۔ 12ہزار سے زائد گھرانوں کو گھر کی تعمیر کے لئے دوسری قسط جاری کر دی گئی۔ 2000 مزید قرضوں کی اجراء کے لئے منظوری دے دی گئی ہے۔ پروگرام کے تحت شہری علاقوں میں ایک سے پانچ مرلہ تک گھر کی تعمیرکے لئے قرضے مل رہے ہیں۔ دیہات میں ایک سے دس مرلے تک پلاٹ مالکان کو قرضے مل رہے ہیں۔ قرضے کے لئے acag.punjab.gov.pk پر گھر بیٹھے اپلائی کیا جا سکتا ہے۔ وزیراعلیٰ مریم نوازشریف کا کہنا ہے کہ قائد محمد نوازشریف کے ویژن کے تحت ’’اپنی چھت، اپنا گھر پروگرام‘‘ کامیابی سے جاری ہے۔ پروگرام ہزاروں خاندانوں کے لئے خوشی کا پیغام لارہا ہے۔ ہر نیا بننے والا گھر دیکھ کر ہونے والی خوشی کو لفظوں میں بیان نہیں کیا جا سکتا ہے۔ ’’اپنی چھت، اپنا گھر پروگرام‘‘ کے ٹارگٹ پورا کرنے کے لئے میں اور میری ٹیم پرعزم ہیں۔ ماضی میں اپنے گھر کے وعدے ہوتے رہے، مسلم لیگ (ن) کی قیادت میں کرکے دکھایا۔ خوش ہوں کہ اللہ تعالیٰ نے عوام سے کیا ایک اور وعدہ پورا کرنے کی توفیق دی۔ مریم نواز شریف نے بیساکھی پر خصوصی پیغام میں کہا کہ بیساکھی پنجاب کا خوبصورت زرعی ثقافتی تہوار ہے۔ گندم کے سنہری خوشے بیساکھی کی خوشی کا پیغام لاتے ہیں۔ بیساکھی کا تہوار جفاکش کسان کی محنت کا ثمر ہے۔ مجھے خوشی ہے کہ دنیا بھر میں سکھ برادری بیساکھی کا تہوار منا رہی ہے، دل سے مبارکباد پیش کرتی ہوں۔ وزیراعلیٰ نے شجاع آباد کے قریب کار اور ٹرالر کے تصادم سے 2 خواتین سمیت 3 افرادکے جاں بحق ہونے پر دکھ کا اظہارکیا ہے۔
پارٹی رہنماوں کے ایک دوسرے پر الزامات، عمران خان نے وارننگ دیدی