روہت شرما کا چیمپئنز ٹرافی کے بعد انٹرنیشنل کرکٹ سے ریٹائرمنٹ لینے کا فیصلہ
اشاعت کی تاریخ: 14th, January 2025 GMT
روہت شرما کا چیمپئنز ٹرافی کے بعد انٹرنیشنل کرکٹ سے ریٹائرمنٹ لینے کا فیصلہ WhatsAppFacebookTwitter 0 14 January, 2025 سب نیوز
ممبئی (آئی پی ایس )بھارتی ٹیم کے کپتان روہت شرما نے پاکستان میں شیڈول آئی سی سی چیمپئنز ٹرافی 2025 کے بعد انٹرنیشنل کرکٹ سے ریٹائرمنٹ لینے کا فیصلہ کرلیا، انہوں نے تصدیق کی ہے کہ وہ اس ایونٹ تک ٹیم کی قیادت کریں گے۔بھارتی میڈیا رپورٹس کے مطابق بھارتی کرکٹ ٹیم کے کپتان روہت شرما نے آئی سی سی چیمپئنز ٹرافی 2025 تک بھارتی ٹیم کی قیادت کرنے کے فیصلے کی تصدیق کرتے ہوئے کہا کہ وہ ٹورنامنٹ کے بعد انٹرنیشنل کرکٹ سے ریٹائرمنٹ کا ارادہ رکھتے ہیں۔
خیال رہے کہ روہت شرما نے 2024 کا ٹی20 ورلڈکپ جیتنے کے بعد مختصر فارمیٹ سے ریٹائرمنٹ کا اعلان کردیا تھا۔بھارتی کرکٹ بورڈ (بی سی سی آئی) کے ذرائع کا کہنا ہے کہ باہمی مشاورت سے روہت شرما نے اس شرط پر چیمپئنز ٹرافی کے لیے ٹیم کی قیادت کرنے پر رضامندی ظاہر کی کہ وہ اس ایونٹ کے بعد انٹرنیشنل کرکٹ سے ریٹائر ہوجائیں گے۔
تاہم، آسٹریلیا کے خلاف بورڈر گواسگر ٹرافی میں میلبورن ٹیسٹ ان کے کیریئر کا آخری میچ تھا اور اس فارمیٹ میں ان کا کیریئر اختتام پذیر ہوگیا۔دوسری جانب، چیمپیئنز ٹرافی کے دوران سب کی نظریں اس بات پر ہوں گی کہ روہت شرما ون ڈے انٹرنیشنل میں اپنے کریئر کا اختتام کس طرح کرتے ہیں اور ان کے بعد کپتانی کی ذمہ داری کس کو سونپی جائے گی۔
کرک بلاگر کی ویب سائٹ کی ایک رپورٹ کے مطابق روہت شرما انگلینڈ کے خلاف ہوم گرانڈ پر آئندہ ون ڈے سیریز کے لیے ٹیم کی قیادت کریں گے اور اس دوران بھارتی تماشائیوں کا اپنے گرانڈ پر روہت شرما کو دیکھنے کا آخری موقع ہوگا۔ ذرائع کاکہنا ہے کہ دورہ آسٹریلیا میں روہت شرما اور ہیڈ کوچ گوتم گمبھیر کے درمیان تنا کی وجہ سے بورڈ نے یہ فیصلہ کیا اور ایسا دکھائی دیتا ہے کہ گوتم گمبھیر کی سوچ کی وجہ سے ہی بھارتی کرکٹ بورڈ روہت سے استعفی لے کر کسی نئے کھلاڑی کو قیادت کی ذمہ داری دینا چاہتی ہے۔
.ذریعہ: Daily Sub News
کلیدی لفظ: چیمپئنز ٹرافی روہت شرما ٹرافی کے
پڑھیں:
بیٹیوں سے آئی پیڈز لینے پر ماں کو 7 گھنٹے سے زیادہ پولیس سیل میں رکھا گیا
برطانیہ میں بیٹیوں سے آئی پیڈز لینے پر ماں کو 7 گھنٹے سے زیادہ تک پولیس حراست میں رکھا گیا۔
غیر ملکی خبر رساں ادارے کی رپورٹ کے مطابق خاتون ٹیچر نے کہا کہ اپنی بیٹیوں کے 2آئی پیڈز ضبط کرنے کے بعد اسے ساڑھے سات گھنٹے تک پولیس سیل میں رکھا گیا۔
ایک انٹرویو میں وینیسا براؤن نے کہا کہ 26 مارچ کو ہونے والے اس واقعے کے نتیجے میں انہیں راتوں کو نیند نہیں آئی جب کہ ان پر الزام لگایا گیا کہ انہوں نے ڈیوائسز چوری کی ہیں۔
50 سالہ خاتون نے بتایا کہ انہوں نے اپنی بیٹیوں کو اسکول کے کام پر توجہ دینے کی ترغیب دینے کے لیے ٹیبلٹ ضبط کیے، جب کہ بعد میں سرے پولیس نے اس بات کو تسلیم کیا۔
وینیسیا براؤن نے کہا کہ انہیں سٹینز پولیس اسٹیشن لے جایا گیا جہاں ان کی تلاشی لی گئی، ان کی انگلیوں کے نشانات لیے گئےاور انہیں سیل میں رکھا گیا۔
انہوں نے مزید کہا کہ پولیس نے افسران کو ان کے بچوں کے اسکول بھیجا اور اس معاملے کے سلسلے میں بیٹیوں کو کلاس سے باہر نکال دیا۔
پولیس نے سرے میں وینیسیا براؤن کی والدہ کے گھر میں آئی پیڈز کی موجودگی کا پتا لگایا۔
خاتون نے کہا کہ مجھے اب اس بارے میں بات کرنا بھی کافی تکلیف دہ لگتا ہے،
"یہ مکمل طور پر غیر پیشہ ورانہ تھا، وہ میری 80 سالہ والدہ سے ایسے بات کر رہے تھے جیسے وہ کوئی مجرم ہوں۔
ان کی رہائی کے بعد ان کی ضمانت کی شرائط میں یہ شامل تھا کہ وہ اپنی بیٹیوں سے بات نہیں کرسکتیں کہ وہ تفتیش سے منسلک ہیں جب کہ پولیس نے ان سے پوچھ گچھ جاری رکھی۔
جڑانوالہ میں بس کی رکشہ کو ٹکر، 8 افراد جاں بحق