آئی سی سی چیمپئنز ٹرافی: کپتانوں کی مشترکہ پریس کانفرنس کب ہوگی؟
اشاعت کی تاریخ: 14th, January 2025 GMT
آئی سی سی چیمپئنز ٹرافی کےلیے ٹیموں کےکپتانوں کی مشترکہ پریس کانفرنس 16 یا 17 فروری کو پاکستان میں ہوگی۔
پی سی بی ذرائع کے مطابق آئی سی سی کو خط لکھ دیا گیا ہےکہ پروٹوکول کے مطابق آئی سی سی ایونٹ کے آغاز سے پہلے میزبان ملک میں تمام ٹیموں کے کپتان جمع ہوتے ہیں اور پریس کانفرنس میں اپنی تیاریوں پر بات کرتے ہیں۔
19 فروری سے دو یا تین دن پہلے جو بھی آئی سی سی دن مختص کرے گی اس کے تحت بھارتی ٹیم کے کپتان روہت شرما سمیت آئی سی سی چیمپئنز ٹرافی کا حصہ تمام ٹیموں کے کپتان جمع ہوں گے۔
بھارت سمیت تمام کھلاڑیوں، آفیشلز، میڈیا،اسپانسرز اور شائقین کو ویزے دینا میزبان بورڈ کی ذمہ داری ہوتی ہے۔
لاہور، پنڈی اور کراچی میں وزٹ کرنے والی ٹیموں میں تین بھارتی شامل تھے جو ویزے ملنے پر پاکستان آئے تھے اب بھی ایسا ہی ہوگا اور جن کو ویزوں کی ضرورت ہوگی، پی سی بی اس کا انتظام کرے گا۔
آئی سی سی جب وارم اپ میچز کے شیڈول کا اعلان کرے گی تو اس کے بعد یہ فیصلہ بھی ہوجائے گا کہ ٹیموں کی پریس کانفرنس کس دن رکھی جائے گی۔
.ذریعہ: Express News
کلیدی لفظ: پریس کانفرنس
پڑھیں:
رانا ثناء اور عرفان صدیقی کی پریس کانفرنس پریشانی پر مبنی تھی، صاحبزادہ حامد رضا
صاحبزادہ حامد رضا : فوٹو فائلپاکستان تحریک انصاف (پی ٹی آئی) مذاکراتی کمیٹی کے ترجمان صاحبزادہ حامد رضا نے کہا ہے کہ رانا ثناء اللّٰہ اور عرفان صدیقی کی پریس کانفرنس کا حقائق سے تعلق نہیں، پریس کانفرنس پریشانی پر مبنی تھی۔
اسلام آباد میں پریس کانفرنس کرتے ہوئے صاحبزادہ حامد رضا نے کہا کہ کمیٹی سربراہ راولپنڈی میں ہیں اس لیے پریس کانفرنس کا جواب دے رہا ہوں، آپ جوڈیشل کمیشن بنائیں فہرست ہم وہاں پیش کریں گے، ان 13 شہداء کے اہلخانہ کو کے پی حکومت نے سپورٹ کیا، 13 شہداء کی فہرست پیش کر رہا ہوں۔
رانا ثناء اللّٰہ نے کہا کہ آج اپوزیشن نے الیکشن کے حوالے سے کوئی مطالبہ نہیں کیا۔
صاحبزادہ حامد رضا نے کہا کہ زخمیوں کی فہرست ہمارے پاس ہے، کہیں وہ مسنگ میں نہ چلے جائیں، فہرست میں گن فائر سے زخمیوں کی تفصیلات ہیں۔
انہوں نے کہا کہ رانا ثناء اللّٰہ کے پاس اختیار نہیں کہ فہرست مانگیں، آپ ہی قاتل اور آپ ہی منصف بننے کی کوشش نہ کریں، آپ کمیشن بنائیں یہ فہرست ہم وہاں پیش کریں گے، پی ٹی آئی نے 200 مسنگ پرسنز کی فہرست مرتب کی ہے، ان مسنگ پرسنز میں بہت سے جہلم اور اٹک جیلوں سے ملے، ہمیں پتہ تھا کہ تحریری نکات کے بعد آپ نے بھاگنا ہے، اگر سزا ہوچکی تو کیا جھک مارنے کیلئے ہم یہاں بیٹھے ہیں۔
صاحبزادہ حامد رضا نے مزید کہا کہ نو مئی پر جوڈیشل کمیشن ہماری ڈیمانڈ ہے، اگر کمیشن نہیں بن سکتا تو آج میٹنگ میں آپ کہہ دیتے، گزشتہ دو میٹنگز میں آپ نے معاملات کو اون کیا، آپ کے اپنے ارکان نے کہا کہ ملاقات کروانی چاہیے تھی، آج اعلامیے میں بھی آپ نے اتفاق کیا کہ بانی سے بغیر رکاوٹ ملاقات ہوگی، ملاقات کی دو کمٹمنٹ کیں، آپ ایک ملاقات تک نہ کرواسکے۔
عرفان صدیقی نے کہا کہ بڑی بدقسمتی کی بات ہے کہ ملکی سلامتی کے معاملے پر سیاست کی گئی،
انہوں نے یہ بھی کہا کہ 9 مئی پر رانا ثناء اللّٰہ آپ سی سی ٹی وی فوٹیج سامنے لے کر آئیں، 9 مئی کی وجہ بننے والی یہی گرفتاری اور سی سی ٹی وی فوٹیج تھی، جج نے کہا اگر مظاہرین ایک جگہ سے چل کر کور کمانڈر ہاؤس پہنچ گئے تو یہ آپ کی نااہلی ہے، آپ کا رویہ مذاکرات سے بھاگنے کا ہے، آپ میں اخلاقی جرات ہے تو مانیں کہ آج دن میں دوسری شکست ہے، آپ کو بتایا تھا کہ ہمیں ایگزیکٹو آرڈر نہیں چاہیے۔
صاحبزادہ حامد رضا نے مزید کہا کہ بانی پی ٹی آئی جیل میں سکون سے ہیں، وہ کیسز کا مقابلہ کرکے باہر آئیں گے، ایک جرم اور واقعے کی دس، دس ایف آئی آر کیوں ہیں، ٹرائل مکمل ہونے پر ملزم کی رہائی میں حکومت روڑے اٹکاتی ہے، آپ ہر نئی ایف آئی آر میں نامعلوم کے نام پر دوبارہ گرفتاری ڈال دیتے ہیں۔
پی ٹی آئی مذاکراتی کمیٹی کے ترجمان نے کہا کہ بانی نہ پاکستان سے باہر جا رہے ہیں نہ این آر او لے رہے ہیں، ہم مسکرا رہے ہیں، ہمارے مسکرانے کا وقت ہے، آپ نے جس کے نام پر کاٹا لگایا آج اسی کی بنائی مذاکراتی ٹیم سے بات کر رہے ہیں، پہلی مذاکراتی کمیٹی میں کہتے ہیں خدا کیلئے جتنے ہیں آجائیں، ہر کمیٹی میں بتایا کہ ہم نے آپ کی حکومت کو تسلیم نہیں کرنا، یہ دو مطالبات آگے بڑھنے کیلئے تھے، اگر تین مزید مطالبات رکھتے تو آپ کی چیخیں سنائی دیتیں، ججز کو پریشر میں نہ رکھیں، آپ کی پریشانی بڑھ رہی ہے۔
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد