سرمایہ کاری نہ آنے کے اپوزیشن کے دعوے غلط ہیں، احسن اقبال
اشاعت کی تاریخ: 14th, January 2025 GMT
وفاقی وزیر منصوبہ بندی احسن اقبال نے کہا ہے کہ سرمایہ کاری نہ آنے کے اپوزیشن کے دعوے غلط ہیں، چین سے 3 ارب ڈالر کا سرمایہ آچکا ہے۔
سینیٹ اجلاس میں شبلی فراز کے خطاب کا جواب دیتے ہوئے احسن اقبال نے کہا کہ یہ لوگ کس منہ سے قومی ایئر لائن کا نام لیتے ہیں، انہوں نے ہی تو اسے بدنام اور تباہ کیا، ان کے خلاف تحقیقات ہوگی۔
انہوں نے کہا کہ سرمایا کاری نہ آنے کے اپوزیشن کے دعوے بھی غلط ہیں، چین سے 3 ارب ڈالر کی سرمایا کاری آچکی ہے۔
پاکستان تحریک انصاف کے سینیٹر شبلی فراز نے کہا ہے کہ توشہ خانہ ہو یا سائفر کسی مقدمے میں کچھ ثابت نہیں ہوسکا۔
احسن اقبال نے کہا کہ یہ وہ لوگ ہیں جنہوں نے ملک کی سول ایوی ایشن انڈسٹری کو تباہ کیا، ان کا لیڈر ہم سے کہتا تھا رسیدیں دکھاؤ اور اس کی اپنی رسیدیں جعلی نکلیں۔
اُن کا کہنا تھا کہ ان کا اسلامی ٹچ 190 ملین پاؤنڈ کی چوری کے کیس میں نہیں چلے گا، میں بھی اسی سیل میں رہا ہوں جہاں ان کا مہاتما قید ہے۔
وفاقی وزیر منصوبہ بندی نے مزید کہا کہ انہیں دیسی مرغ اور سلاد ملتی ہے پھر بھی شور مچاتے ہیں، ان لیڈر کو جیل میں اے سی اور ہیٹر بھی ملتا ہے۔
سابق وزیراعلیٰ پنجاب عثمان بزدار کے دور میں مظفر گڑھ ، ڈیرہ غازی خان روڈ میں اربوں روپے کی مبینہ مالی بے ضابطگیاں سامنے آگئیں۔
انہوں نے کہا کہ دنیا کا کونسا ملک ہے جو وزیراعظم کو سستا تحفہ دیتا ہے، ان کی اپنے تحفوں کی رسیدیں دکھانے کی باری آئی تو ساری بوگس نکلیں۔
احسن اقبال نے کہا کہ مسئلہ القادر ٹرسٹ کا نہیں 190 ملین پاونڈ کا ہے، یہ رقم پاکستان کے خزانے میں نہیں دوست کے اکاؤنٹ میں گئی۔
اُن کا کہنا تھا کہ کس نے یہ 64 ارب روپیہ لوٹا اور پھر القادر یونیورسٹی بنائی، یہ چوری اور ڈاکا ہے، انہوں نے ریاست کی بدنامی کی۔
وفاقی وزیر نے کہا کہ اس سابق وزیراعظم کو تو جیل میں فائیو اسٹار سہولت ہے، جس نے سب سے بڑی سیاسی کرپشن کی اسے قانون لازمی کٹہرے میں کھڑا کرے گا۔
وفاقی وزیر کی تقریر کے دوران اپوزیشن ارکان نے نعرے بازی کی، اووو کی آوازوں کے ساتھ احتجاج کیا۔
.ذریعہ: Jang News
کلیدی لفظ: احسن اقبال نے کہا وفاقی وزیر نے کہا کہ انہوں نے
پڑھیں:
دھابیجی اسپشل اکنامک زون منصوبہ ملکی اور غیرملکی سرمایہ کاری لانے کی صلاحیت رکھتا ہے، وزیراعلیٰ سندھ
وزیراعلیٰ سندھ مراد علی شاہ کا کہنا ہے کہ دھابیجی اکنامک زون منصوبہ ملکی اور غیر ملکی سرمایہ کاری لانے کی صلاحیت رکھتا ہے۔
دھابیجی اسپیشل اکنامک زون کے حوالے سے ایم او یو کی تقریب سے خطاب کرتے ہوئے وزیراعلیٰ سندھ مراد علی شاہ نے کہا کہ دھابیجی اسپشل اکنامک زون سی پیک 2.0 کو فروغ دینے کے ساتھ 3 بلین ڈالر کی سرمایہ کاری کی جائے گی۔ دھابیجی اسپیشل اکنامک زون منصوبے سے خطے پر سماجی اور معاشی اثرات مرتب ہوں گے۔ دھابیجی زون سے پاکستان کی معیشت کے لیے ایک لاکھ سے زائد بلاواسطہ اور بلاواسطہ ملازمتیں پیدا ہوں گی۔
وزیراعلیٰ سندھ نے مزید کہا کہ دھابیجی اسپیشل اکنامک زون منصوبے سے خطے پر سماجی اور معاشی اثرات مرتب ہوں گے۔ مقامی آبادی کو بااختیار بنایا جائے گا، اور مہارت کی ترقی کو فروغ ملے گا۔دھابیجی اسپیشل اکنامک زون پبلک پرائیویٹ پارٹنرشپ کے تحت بنایا جا رہا ہے۔ مفاہمت کی یادداشت سی پیک کے صنعتی تعاون مرحلے کی اہم سنگ میل ہے۔
مراد علی شاہ نے کہا کہ دھابیجی اسپیشل اکنامک زون کراچی کی بندرگاہوں کے قریب واقع ہے۔ منصوبہ علاقائی طور پر انتہائی موزوں اور تمام اہم راستوں سے جڑا ہوا ہے۔ دھابیجی اسپیشل اکنامک زون علاقائی تجارت اور سرمایہ کاری کےلیے انتہائی موزوں ہے۔ منصوبہ جنوبی ایشیا میں کاروبار کے مواقع تلاش کرنے والی چینی کمپنیوں کےلیے بھی منافع بخش ہے۔
جے یو آئی کو زیر عتاب لایا جاتا ہے کہ لوگوں کو لڑاتے کیوں نہیں؟ فضل الرحمان